MFWFW 2015

من بين الثلاثة أسابيع اللي خلصوا، أعتقد إن الملابس بميلانو كانت الأقل إثارة، فيه مجموعات حلوة، بس من المجموعات اللي اللي ما تكلمت عنها، الملابس اللي أعجبتني فيها قليل، يمكن الإستثناء كان برادا و بوتشي، عجبني فيها أكثر من لبس، بس مو أكثر من أربعة فما شفت إنها تستاهل موضوع لحاله.

ما أعرف ليه من ميلانو أختار أكثر لبس بالعادة مستحيل ألبسه، أو حتى أفكر، زي الفستان اللي كأنه شرايط (فوق الثاني من اليمين) من إيميلو بوتشي، مع إنه أبدا مو ستايلي، لكن أحس إذا لبس الشخص المناسب بيكون حلو، يمكن زوي سالدنا، أو سلينا قوميز أو كايلي مينوق، يمكن الأشخاص اللي ما ودي يلبسونه: بيونسية، جي لو، و كيم كرداشيان، بس خلونا نشوف.
من أكثر الملابس اللي أعجبتني هو اللبس اللي من فاوستو بولقيزي (تحت الأول من اليمين)، عجبتني مرة الألوان الصارخة، و عجبني البروش أو ما أعرف وش تكون القطعة اللي بالوسط، أحس اللبس هذا بيكون حلو على زندايا. أعجبتني البدلة اللي فوق من أكويلانو رايموندي، ما أتذكر إن روني مارا تلبس بدلات، بس أحس هذي بتكون حلوة عليها، أعجبني القطعة الترتر اللي طالعة من تحت. الفستان اللي بعده من جورجيو أرماني، أحسه ذوق ممثلة كبيرة (نايومي واتس أو جوليان مور أو حتي جودي فوستر)، لكن أحس بيكون حلو على إيما واتسون.
البدلة برادا تحت (صفراء ليموني) أحسه مصنوعة لإيل فانينق، بس ما عندي مانع أشوفها على أيد أحد على الريدكاربيت، اللوك اللي بعده من روبيرتو كفالي، أعجبني إن الجاكيت من دون أكمام و مبطن بقماش مشجر، أعرف إن لبس زي كذا ما يكون كثير على الريدكاربيت، بس أحسه بيكون حلو على بوبي دوليفان.
* باقي الملابس الجاكيت اللي فوق الأول من اليمين من No. 21 و اللبس الأخير تحت من جست كافالي. 

أوت كتور؟

هذا الموضوع للي ما يعرف إيش معنى أوت كتور، للي يعرف ما يحتاج يكمل قراءة، إلا إذا كان يبغى يحزر من وين الفساتين، أو بيزيد معلومة، أو حتى لو يبغى يصحح شيء. المهم قررت أكتب هذا الموضوع، لأني لاحظت إنه حتى صديقات لي مهتمات بالموضة ما يعرفون الفرق بين مجموعات Ready to Wear و الأوت كتور. الموضوع مو مسألة حياة موت، أو إنه "عيب" ما تعرف. لكن المشكلة تجي لما تبغين القطعة أو تنتظرينها، و لا تلقينها. 

إيش يعني أوت كتور؟ بالفرنسي: haute couture الكلمة تعني الخياطة الراقية. فكرة الأوت كتور إنه ملابس تقريبا تخاط كلها يدويا، من تطريز، لشك، و حتى تجميع القطع على بعض، فستان واحد ممكن يآخذ أكثر من 600 ساعة شغل. ميزة هذي الملابس إن التفاصيل بالغالب تكون فيها مرة دقيقة و متعوب عليها، و التصاميم بالعادة تكون "timeless" يعني شيء مو على الموضة، لكن لبس حتى لو مر عليه سنوات، بيظل لبس أنيق و (ما راحت موضته). علشان كذا اخترت لكم فوق صور لفساتين من مجموعات مختلفة من 15 سنة اللي فاتت، من بداية الألفية بعدين منتصف العقد الأول، نهاية العقد الأول، و ملابس من المجموعات الأخيرة لهذي السنة (لكل فترة اخترت فستانين). (اللي يبغى يحزر المجموعات أو وقتها، يكتب تحت، و راح أجاوبه إذا صح أو خطأ، و ترا ما فيه هدية الموضوع للوناسة بس P;). 

ملابس الأوت كتور بالعادة ما تعرض للبيع بالبوتيكات، و لا الديبارتمينت ستور، فكرتها إنها تصمم على الطلب، علشان كذا أقولكم لا تنتظرونها تنزل بالمحلات، لأنها ما راح تنزل. بالعادة الملابس مو بس تنخاط على مقاسك، بس بعد ممكن تسوين عليها تعديلات، طبعا إذا كنت بتدفعين 100 ألف دولار على فستان، أكيد المفروض تقدرين تدخلين عليه تعديلات (أسعار الأوت كتور تقريبا من 100 ألف دولار، ممكن أقل شوي، و ممكن بعد أعلى). 

طبعا لأنها ملابس المفروض تعيش معاك فترة طويلة (لأن تصاميمها كلاسيكية)، مجموعات الأوت كتور مالها تأثير كبير على الموضة، و لا هي تتأثر بشكل كبير بالموضة، يعني لو شفت تصاميم معينة بالأوت كتور، لا تتوقعين بكرا مانقو و ريفير آيلاند بيسوون زييها. 

أتمنى إن الموضوع مفيد، و إني ما قلت شيء كلكم تعرفونه، و إذا كلكم تعرفون هذا الكلام قبل، أتمنى صور الملابس أعجبتكم :). 

Best of MFWSS15

ميلانو خلص، و ما بقى لنا إلا باريس، أعتقد راح يبدأ بكرا، غير قوتشي، و اللي كان أول عرض، و تكلمت عنه أنه مرة أعجبني، ما شفت شيء مثير بميلانو، يمكن أكثر مجموعتين أعجبتني، هم أكثر مصممين مجموعاتهم دايم متشابهة أو متوقعة، بس هذا ما يعني إن تصاميمهم مو حلوة، بس لأنها متوقعة. ما علينا، خلوني أحط الفساتين و أتكلم عن الأشياء اللي أعجبتني من ميلانو. 

خلوني أبدأ من الجمب سوت اللي فوق يسار من فرانشيسكو سوكونميليو، صراحة ما ودي أشوفها على الريدكاربيت، بس ودي أشوف أحد لابسها لزواج، ما أعرف إلا أوليفيا وايلد بتتزوج، لكن أشك إنها ممكن تلبس جمب سوت. الفستان الأسود اللي بعده من فيندي (بالمناسبة مجموعة فيندي كانت حلوة بعد)، ودي أشوفه على جوليان مور أو كايت بلانشيت. الفستان الأسود الثاني تحت من اليمين، من روبيرتو كافالي، أحسه بيطلع مرة حلو على نايومي كامبل، اللوك اللي بجمبه من دولتشي آن قابانا، مرة عاجبني (دولتشي آن قابانا كان واحد من العرضين اللي أعجبوني مع إن المجموعات دايم متشابهة) أعجبني التوب المقلم أحمر مع تنورة كذا فخمة، ودي أشوفه على بينالوبي كروز بمهرجان كان (ما أعرف هي بتجي كان أولا) بس أحسه مكانه كان. الفستان الرمادي اللي فوق من جورجيو أرماني (هذا العرض الثاني اللي أعجبني، مع أنه نفس دولتشي آن قابانا، دايم مجموعاته متشابهة)، أحس هذا الفستان بيطلع حلو على إيما ستون. (باقي الملابس، فوق الثاني من اليمين من ستيلا جين، تحت الأول من اليمين ميسوني، و الأخير يسار فاوستو بولقيزي). 

أنتم لو متابعين ميلانو وش أكثر شيء أعجبكم؟ أو رأيكم بالأشياء اللي هنا. 

HC Fall '14 (Report)

الكتابة الفترة هذي شوي صعبة. كمبيوتري انكب عليه موية، و بعض حروف الكيبورد ما عاد تشتغل، فلازم ألقى جهازي ثاني أكتب منه، أو زي هذي الحالة أكتب من الآيفون. ما علينا، المهم الأسبوع اللي فات كان أسبوع الموضة لأوت كتور خريف 2014. و هنا "تقرير" عن الأسبوع.

هذي المرة على غير العادة، عرضي المفضل كان أتلييه ڤيرساتشي، أعتقد أنت مرة حلو، و مع إنه إلى الآن فيه تصاميم ڤيرساتشي "سيكسي". إلا إني أحس أنه فيه تنوع، و يصلح لناس كثار.

على غير العادة بعد، أعتقد إنه أكثر مجموعة بنشوفها على الريدكاربيت بتكون جامباتيستا ڤالي، مو إيلي صعب. أحس فساتين ڤالي تصرخ ريد كاربيت. مع ذلك اخترت هنا لوك أشك أنه راح يكون ريدكاربيت و هو اللبس اللي التوب حقه كأنه بيجاما (أعرف الناس لبسوا البيجامات و قطعوها، بس إلى الآن أحبها). لو أحد بيلبسها أعتقد بتكون يوليانا سيرچينكو. 

بالكلام عن يوليانا، أظن مجموعتها أسوأ مجموعة طلعتها من بدأت تصمم. أحسه خليط من كل المصممين و لا عجبني شيء. بالمناسبة مجموعتها الماضية انلبست كثير ريد كاربيت، مع إنها كانت عاجبتني، إلا إنها على ناس كثير ما طلعت حلوة.

أعجبني ديور، شانيل بالنسبة لي فساتين مرة حلوة، و ملابس مرة مو حلوة. أعجبني مرة الفستان الأحمر من أرماني براڤي، أظن إن كايت بلانشيت لازم تلبسه. ڤالنتينو كان كويس، مو مميز، لكن أعتقد مصممينه جالسين يحاولون يآخذونه لشكل جديد بعيد عن الشكل اللي كان عليه بالثلاث سنوات الأخيرة.

 آخر شيء هذا الفستان الأسود بكورسيه كريستال من جان بول چوتييه. هذا الفستان أحسه مخلوق لدينا فون تيس، لو ما لبسته لو بعد عشر سنوات، بأجمع فلوس و اشتريه لها. P:

 المهم صحيح إن ما عندي كيبورد صاحي، بس بآحاول أكتب عن فساتين الموسم اللي خلص، و اللي تمنيت/ خمنت إنها راح تلبس. 

بس الحين أنتم وش العروض المفضلة عندكم من أسبوع الأوت كتور؟

Red Carpet Worthy: Milano Edition| F.W 2014

أولا أعتقد من كمية العروض اللي تكلمت عنه من ميلانو، صار عندكم فكرة عن رأيي بالأسبوع في ميلانو، صراحة ما أتذكر آخر مرة كنت مبسوطة على ميلانو، بس هذي المرة أحس فيه شيء جديد و مختلف، و المجموعات جديدة، بنفس الطابع حق مصممينها (زي عرض دولتشي آن قابانا). 

زي الأسبوعين اللي فاتوا، باتكلم عن الأسبوع بشكل عام، بعدين أتكلم عن الملابس اللي اخترته. 

• عرض قوتشي كان أول عرض، ما أعجبن، لكنه كان مختلف عن عروضه اللي فاتت، كان ستينات و مختلف عن فكرة الإثارة اللي كانت قبل
• ماك كيو ماكوين و ريد فانتينو عرض بميلانو، و هم بالعادة يعرضون بلندن للأول، و نيويورك الثاني
• ما أعتقد كان فيه ثيم معين للعروض، أشوف كل مصمم سوا الشيء اللي يسويه أحسن شيء بتطوير و تغيير خفيف
• على عكس الأسابيع اللي فاتوا، أظن المكياج كان أقل شيء مبهر بالنسبة لي (أسبوع نيويورك و لندن كان المكياج مرة حلو). 
• بشكل عام أعتقد ميلانو صارت تطلع أسامي جديدة ثابته غير برادا و أرماني و دولتشي آن قابانا

نتكلم عن الملابس، أولا خلوني أعبر عن أعجابي بالفستان الثاني من اليسار فوق من فاوستو بوقليزي، ما أعرف ليه الألوان ذكرتني ببوتشي قديم، بس الفستان نفسه أظن أنه مرة فاوستو، أتمنى أشوفه على لوبيتا نيانقو، أو حتى زوي سالدانا بس ما أعرف ليه أحس آنا ديل روسو بتلبسه. الفستان القوتشي (الأول فوق من اليمين)، أعتقد إلى 80 بالمية بنشوفه ريد كاربيت، أعرف الصورة ما أعطته حقه، بس لما تنفتح الكسرة، فيه كريستالات زي التوب، أقدر أشوف ديان كروقر لابسته، بس ما أتذكر إني قد شفتها بقوتشي (يمكني غلاطنة، بس هذي ذاكرتي). حبيت مرة فستان أرماني (الأول من اليمين تحت) ودي أشوف ميريل ستريب أو ساندرا بالوك فيخ، مع إني نفس الشيء ما أتذكرهم  بأرماني.  الفستان اللي من إم إس جي إم (تحت الأول من اليسار) أحسه بيكون حلو على إيل أو داكوتا فانينق، مع إنه داكوتا صايرة ما تلبس هذي الملابس البناتية، و إيل من زمان ما شفتها. الفستان الأول من اليسار فوق من بوتشي، أحسه بيكون حلو على توني قارن أو شارليز ثيرون أو نايومي هاريس. آخر شيء ودي أشوف الفستان الثاني من اليمين فوق من فرانشيسكو سوكوناميليو علي روني مارا. 

وش رأيكم بأسبوع ميلانو، لو كنتوا متابعين؟ 

Diagonal Cutout Dresses

إذا كان فيه خيار بين الأناقة و الموضة، أكيد أفضل أفضل الأناقة. ما يعني إنه أي شيء على الموضة ما أحبه، بس أغلب الوقت أحب الأشياء اللي أعرف إني ممكن ألبسها بعد خمسة سنين مثلا ما تطلع بايخة. المهم بعد هذي المقدمة اللي شوي طويلة، بالأسبوعين الأخيرات كأني انتبهت (لموضة) على الريد كاربيت، ما أعرف بتستمر أو لا، بس حبيت أشوف رأيكم فيها. 

مع إني مو دايم تعجبني فتحات الصدر العميقة، إلا إني من فترة (أظن بعد ما شفت أمريكان هاسيل) و أنا عاجبتني الفساتين بالفتحات العميقة، و كنت الفترة اللي فاتت جالسة أحاول أسوي سيت لملابس زي ملابس أيمي آدمز بأمريكان هاسيل، أو مشيل فيفير بسكار فايس. 

المهم ما علينا خلونا نتكلم عن الصور اللي قدمنا. الشيء اللي لاحظته هذا الشق، أو الفتحة المايلة، علشان أكون واضح و ما يحتاج ألف و أدور على الموضوع: ما أعجبتني أبدا، أظن الفتحات العميقة يحتاج لها فن، يمكنها كانت فكرة زينة على الرانواي، لأنه أكثر العارضات فلات، بس أحس مع كورفز شوي تصير بايخة، ما أعرف عنكم أنتم، وش رأيكم؟ و ممكن تلبسونها أو تحسونها بس للريدكاربيت؟ 

Best Dressed: January 2014

وصلنا لنهاية شهر يناير، و أول تصويت لأحسن لبس لهذي السنة، صراحة أنا انبسطت بالموضوع السنة اللي فاتت، ما أعرف عنكم أنتم، صحيح التصويت كان فيه مشاكل، بس لقيت موقع جديد، إن شاء الله يكون أحسن. المهم، خلونا نتكلم بالملابس خصوصا أنه شهر كان مليان بالحفلات و الجوائز. 

أعتقد أنه هذا الشهر على أنه شهر حفلات و جوائز، بس فيه خيارات مختلفة للبس من ناحية الذوق (أظن). تعرفون أني أحب ليا سيدو، لكن صدوقني مو بس لأني أحبها اخترتها، من زمان ما شفت لبس بهذا الذوق، و عندي استعداد انسخه كامل من دون ما أغير فيه شيء، من فترة و أنا أفكر ببالطو وردي أعتقد إنها لبسته بذوق مرة، و خلتني أتحمس للفكرة (يمكن الشتاء الجاي P:). أعجبني مرة شكل آنا فاريس بهذي الجمب سويت من نعيم خان، من زمان ما حسيت إنه فيه جمب سويت طلعت حلوة على الريدكاربيت، بس اختيارها مع لون شعرها و مكياجها عجبني مرة. قلت رأيي لأوليفيا وايلد و لوبيتا بلبسهم بالقولدين قلوب، بس إيديل ما شفت صورها إلا بعد يوم أو كذا، عجبني مرة، خصوصا شكله من فوق (جهة الصدر) و عجبني ظهره (أعرف مو واضح بالصورة)، و بعد عجبني شكل الفستان من تحت. باختصار عجبني كله. 

أدريانا ليما بهذا الفستان الأسود، صح الفترة الأخيرة عجبتني فتحات الصدر العميقة، بس مو هذا الشيء اللي عجبني بشكلها، العقد اللي لابسته أكثر شيء عجبني (شفت شيء يشبه له على كيم كارداشيان) المهم أعتقد أنه هوسي الجديد. آخر شيء أليزابيث بهذي البدلة من آخر مجموعة لأرماني برافي (اللي قبل أسبوع بس) شكلها كله أنيق، بس أكثر شيء عجبني اختيار الجزم، شيء ما أدري زي الشباشب أو ما أعرف وش هو، بس أعجبني. 

من أحسن لبس لشهر يناير 2014؟

ليا سيدو بميوميو و برادا

ساندرا بالوك بأليكس بيري

آنا فاريس بنعيم خان

أوليفيا وايلد بقوتشي بريمير

لوبيتا نيانقو برالف لورين

إيديل إيكساكابوليس بميوميو

أدريانا ليما بجيني كاين

إليزابيث ديبكي بأرمارني برافي

Poll Maker

Spring 2014 Couture: The Report

جينا لأسبوع موضة جديد، صراحة أحب أسبوع الأوت كتور، فخم، الموضة فيه قليلة (أعرف أنه أسبوع موضة) بس الأوت كتور بالعادة الملابس فيه تكون "تايمليس"، و الشيء الأحسن أنه أسبوع واحد بس، ما تكثر عن 20 عرض (على الأقل اللي أعرفها) فما أحس إني بماراثون نفسي ينقطع و أنا أتابع العروض. ما علينا، خلونا نتكلم عن العروض بشكل عام، و أحسن الملابس بالنسبة لي. 

بالنسبة لي العرض الأحلى، كانت مجموعة يوليانا سيرقينكو، أعتقد هذي مجموعتها الرابعة، و أظن إنها من أحسن مجموعاتها لحد الآن. تقريبا حبيت كل قطعة بالعرض، و أتمنى إني أشوفها أكثر على الريدكاربيت، ما أظن بنشوفها بالأوسكار، بس عندي أحساس أنه بتكون موجودة بمهرجان كان، حبيت مرة الفستان الأحمر، أحس لو شفته على الطبيعة يمكن بانهار. بما أننا نتكلم عن يوليانا شفت هذا الروب المنقط اللي كأنه بيجاما بعرض سكيامبرلي (الثاني من اليسار، فوق) طبعا حبيته مرة، لأنه منقط و لأنه بيجاما، بس لأنه مو حاصل لي، راضية أنه أحد يلبسه، وودي أشوفه على يوليانا، أحسه يصلح لها مرة. 

ما أعرف عرض ديور ما حسيته ديور، شوي كان جامباتيستا فالي، و شوي كارفين (زي الفستان الأول من اليسار، فوق)، أعرف إننا بنشوف منه كثير على الريدكاربيت (لأنهم يلبسون ماريون و نتالي بورتمان، و جنيفير لورانس، و لأن لي لي سوبايسكي صديقة راف سيمون)، بس لو كان فيه فستان ودي أشوفه من المجموعة بيكون هذا الفستان و على ماريون. 

أعتقد شانيل كان فيه قطع حلوة كثير (أحلى من مجموعة الخريف أكيد)، مو مميز، بس عجبني فكرة سنيكرز على أوت كتور، و حسيت الملابس مرة خفيفة، بنفس الوقت فيها شغل مرة كثير. 

مايسن مارتين مارقيلا، ما شفته مثير، بس أتمنى أشوف هذا اللوك على ريانا، أحسه مخلوق له (الثاني من اليسار، تحت). حبيت الفستان الرمادي من فالنتينو، ودي أشوفه على تيلدا سوينتن، عجبني بعد التوكسيدو الفراشة من جان بول قوتييه، موزة تلبس كثير من قوتييه أوت كتور، بيكون ظريف لو تلبس هذا. أرماني برافي قدم مجموعة بشوية إيحاء هندي (إلى الآن الملابس الهندية تأثر على الموضة) أعتقد هذا الفستان بنشوفه على كايت بلانشيت بباقي موسم الجوائز، خصوصا إنها مرشحة للأوسكار. 

ما حطيت صورة لأي شيء من العرض، بس إيلي صعب، لحد الآن يسوي فساتين مرة حلوة، و دايم تطلع حلوة بالريدكاربيت، لكن ما أشوف فيه شيء مختلف عن باقي مجموعاته، يمكن الشيء الوحيد، أنه استخدم اللون اللي قالت عنه بانتون أنه لون السنة، أو لون قريب منه هو اللون البنفسجي، أو اللي سمته بانتون: الأوركيد المشع. 

Best Dressed: August '13

ودي أقول كلمة، لو كنتوا تابعون أحد على اليوتيوب يمكن بتكونون طفشتوا منها، لكني بأقولها لأني أظن إني أول مرة أقولها و هي: أغسطس خلص بسرعة، ما كأنه أمس بس بدأ. حتى أحس ما أمداني أجمع ملابس :S ما علينا خلونا نحط الملابس اللي أعتقد إنها أحسن لشهر أغسطس. 

أعتقد هذا الشهر الملابس صيفية أكثر من الشهر اللي فات. أولا خلوني أقول قد إيش مستظرفة فستان كيري واشنطن و أحس أنه ممكن نشوف زيه بزارا مثلا، لكن ما يهم خلونا نرجع لكيري، أعجبني فستانها و أعجبني الروج اللي اختارته معاه. الشيء الثاني اللي انبسطت عليه هو إن كايت بلانشيت عندها فيلم تروج له فصايرة تطلع كثير، بالنسبة لي أعتقد كايت أكثر وحدة لبسها دايم حلو من عرفتها (أعرفها من بداية الألفية) يعني من عقد و أكثر أظن إنها ما زالت تلبس بشكل مرة حلو، انبسطت إنها لبست من مجموعة أرماني برافي الأخيرة اللي كانت عاجتني. 

سيلينا قوميز بعد لابسه فستان كتور، بس من فيرساتشي أتلييه، بصراحة لما شفت الفستان على الرانواي ما أعجبني أبدا(حسيته مرة رخيص)، لكن مرة عجبني على سيلينا خصوصا مع الحلق الأخضر (ما توقعت مجوهرات خضراء بتكون حلوة مع كحلي) بالمناسبة صاير كثير من لبس سيلينا يعجبني. 

Create your free online surveys with SurveyMonkey , the world's leading questionnaire tool.

Brides in Couture

ما فيه زواج معين ببالي (زواج مشاهير) علشان أتمنى أنه أحد يلبس من هذي الفساتين شيء (أعرف أنه أوليفيا وايلد بتتزوج، و أندريا كاسيراقي ممكن يتزوج، و يمكن كيم كرداشيان بعد) بس كلهم ما يهموني (طبعا من ناحية الملابس و وش ممكن راح يلبسون لزواجاتهم) يمكن الشخص الوحيد اللي بيهمني أعرف وش راح يلبس هي شارلوت كاسيراقي لو قررت تتزوج (مع أنه الغالب راح تلبس شانيل) ما علينا، بس بعد ما شفت عرض أرماني برافي، حسيت ودي أحط صور للفساتين اللي كانت بعروض الأوت كتور و ودي لو أشوف أحد لابسها كفستان زواج. 

(جامباتيستا فالي، فالنتينو، إيلي صعب، يوليانا سيرقينكو، مارقيلا، أرماني برافي) 

 زي ما قلت لكم إن عرض أرماني برافي هو اللي حمسني إني أكتب و أختار فساتين أعتقد إنه تصلح فساتين عرايس من عروض الأوت كتور لخريف 2013 (الفستان اللي أقصى اليسار من عرض أرماني). بالبداية زي ما قلت لكم عجبني مرة عرض جامباتيستا فالي كان فيه فساتين كثير بيضاء، بس حبيت أختار هذا (الأول من اليمين) من العرض لأنه ذكرني بفستان زواج جيسيكا بيل اللي ما أعجبني و كان من تصميم جامباتيستا فالي (بس لو انتظرت سنة علشان تلبس هذا ما دام بخاطرها فستان وردي P:). 

أعجبني فستان إيلي صعب (الثالث من اليمين) اللي كأنه رداء (كايب). شفنا الفترة اللي فاتت كثير بمناسبات رسمية أحد يلبس كايب من ساره جيسيكا باركر، شارلوت كاسيراقي، موزة المسند، و آخر شيء ملكة هولندا. حبيت بعد فستان مايسون مارتين مارقيلا (الثاني من اليسار) حسيت فيه شيء فينتاج، أحب الفساتين الفينتاج بذات لما يكون شكلها كأنه "مهترية" زي هذا الفستان. 

وشو فستانكم المفضل (كفستان زواج)  من هذي الخيارات أو من أي فستان عرض بمجموعات أوت كتور خريف 2013؟

The Battle of the Red Carpet

أعتقد خلصت عروض أوت كتور خريف 2013. زي ما وعدتكم راح أتكلم عن العروض بشكل عام، و بنفس الوقت بأحط أحسن الملابس اللي بنفس الوقت أعتقد إنها أو أحب أعتقد إنها بتكون على الريدكاربيت (تعرفون أحب أتخيل نفسي إني صدق ستايلست P:). من العروض اللي فاتت خمسة (على الأقل متأكدة إني شفتها من التسعة اللي اخترتها لبست على الريد كاربيت) فأنتم سايروني و خلوني أخمن أو أتمنى وش راح يلبس الفترة الجاية من المجموعات اللي عرضت هذا الأسبوع. 

قلت لكم قبل شانيل بالنسبة لي كان سيء، ما قدرت أختار منه أي شيء، رجعت مرة ثانية وجلست أحاول أشوف شيء ممكن يطلع حلو، بس عجزت (فيه لوك أو ثنين قدرت أتخيل أنه ممكن يطلعون حلوات مع تعديل). المهم نجي للملابس أعتقد إن أرماني برافي أكثر مجموعة حسيت إنها شيء مختلف (على الأقل عن السنوات اللي فاتت)، ديور و فالنتينو مصممينهم جالسين شوي شوي يغيرون من شكلهم. أكثر شيء أعجبني و بجد أتمنى أشوفه هو الفستان القصير اللي فيه شيء أزرق سماوي من جامباتيستا فالي (مرة حبيته). ودي أشوف بعد أحد يلبس الفستان اللي عليه طبعات حيوانات من جان بول قوتييه، بس ودي اللي يلبسه ما يلبسه برخص (عندي طبعات الحيوانات "نمر، فهد" بسهولة تتحول للبس رخيص، بس لو لبست بأناقة تطلع حلوة). آخر شيء إيلي صعب بالنسبة لي ما كان عنده جديد، بس أعتقد أنه راح يكون أكثر واحد يلبس له على الريدكاربيت. 

إذا كنتوا تابعتوا العروض، وش أحسن عرض عندكم؟ و لو ما تابعتوا، وش أحسن شيء من الفساتين اللي حطيت صورتها هنا؟ 

Best Dressed: April 2013

أقدر أختصر الشهر هذا أنه شهر الملابس السوداء (مع أنه المفترض إننا خلاص بالربيع). ما عندي أعتراض على اللون الأسود، خصوصا لما يكون حلو، و أقدر أقول إني مبسوطة على تقريبا على كل اللي طلعوا لابسين أسود بشهر مارس. 

بشكل عام أقدر أقول إن كل الخيارات لهذا الشهر كانت "راقية"، و لما أقول راقية قصدي ملابس سهرات، ما عادا سولانج بالبنطلون اللي عليه طبعات سحاب من مايكل كورس.
مرة ثانية أولقا تدخل القائمة هذي المرة بفستان "بيبي بلو" من إيلي صعب. و بعد ديور يرجع من جديد للقائمة، بعد ما كان موجود بياناير و فبراير، و هذي المرة مع لي لي سوبيسكي، بتنورة سوداء من المجموعة الأخيرة لديور، و تيشيرت أبيض.

أخر شيء متحمسة مرة لشهر مايو، خصوصا إن فيه ميت قالا و قريت قاتسبي و مهرجان كان. أنتم صوتوا و علموني وش أكثر شيء عجبكم.

Create your free online surveys with SurveyMonkey , the world's leading questionnaire tool.

Red Carpet Worthy

قبل أمس كان الأوسكار (أعرف إنها معلومة بايخة)، لكن أمس كان فيه واحد من آخر عروض ميلانو و هو عرض جورجيو أرماني. بالأوسكار (على حد علمي) ثنيتن لبسوا لأرماني: جيسيكا شستاين و كوافينجني والس. قلت لكم قبل أعجبني شكل جيسيكا خصوصا لون الفستان (فيه ناس يقولون إن لونه لحمي، الكاميرات هي اللي خلته كذا نحاسي) بس ما لي شغل، أنا بحب اللي شفت، لو دعوني بذاك الوقت باغير رأيي، 

الحكاية اللي باقولها، ما أتذكر متى آخر مرة عجبني عرض لأرماني، لكن أقدر أقول من مدة مرة طويلة، أرماني برافي (خط الأوت كتور للي ما يعرف) مرات يعجبني و مرات لا، بس جورجيو أرماني من زمان ما حسيت إن حابة شيء له. 

لما شيكت أمس على مجموعة أرماني، شيكت تحصيل حاصل، لأن ما فيه شيء أسويه على النت، فقلت أدخل style.com و أشوف آخر عروض ميلان (حتى كنت ناسية إن أرماني لسا ما عرض). و أنا أقلب بالبداية ما شفت شيء مثير، تقريبا نفس الخطوط، نفس الألوان (أسود، رمادي، كحلي) لكن الشيء المثير بالنسبة لي كان كثير من الملابس (بالنسبة لي) تصرخ تقول: ريد كاربيت. 

من الفستان الأزرق اللي علي اليسار، اللي أول ما شفته على طول حسيت أنه مصمم لماقي جولنهال، الأسود القصير يقول أنا جنيفير لورانس، الأسود الطويل ميلا كونيس (المفروض تلبسه لواحد من بريمرات  Oz the Great and Powerful) أو حتى كيرا نايتلي (ما أعرف إذا لها فيلم قريب) أما الجمب سوت هذي مصممة لديان كروقر (الجمب سوت موجودة بعروض كثيرة، لذا أتوقع بنشوفها كثير على الريدكاربيت). أعرف أنه ما حد مهتم باقتراحاتي، بس زي كل مرة بانبسط لو أشوف واحد من هذي الفساتين على الريد كاربيت. 

Red Carpet Race

للحق قبل سنوات كنت أهتم بالأوسكار علشان الأفلام، و مين أحسن ممثل و أحسن مخرج و الكلام الفاضي. إلى الآن أحب الأفلام، بس ما عاد يهمني كثير من يفوز بالأوسكار و مين لا، لأني أحس أنها كلها حملة دعائية كبيرة يفوز فيها اللي يسوق لنفسه، مو اللي مسوي أحسن فيلم.

ما علينا، لسا أتحمس لحفل الأوسكار علشان أشوف الملابس، و مع أنه باقي شهر كامل على الحفل، قبله فيه ساق و بافتا إلى إني بغيت أسوي تصويت على مين تتوقعون المصمم اللي راح ينلبس لمجموعته أكثر بهذا الأوسكار، خصوصا أنه عروض الأوت كتو لربيع 2013 بس أمس خلص.

بالنسبة لي المجموعات بشكل عام ما كانت أحسن مجموعات أوت كتو قد شفته، لكن فيه فساتين بتقريبا كل مجموعة حلوة مرة، و أتمنى أشوفها على الريدكاربيت. أحسن عرض بالنسبة لي كان عرض يوليانا سيرقينكو أعجبني مرة، خصوصا التفاصيل (النظارة و بعض الشنط).

من أكثر الفساتين اللي أتمنى بجد أشوفها بالأوسكار هو الفستان الموف اللي من جامباتيستا فالي، أعجبتني مرة فكرة البنطلون/الفستان.

حبيت فستان إيلي صعب النص كم. أحس قليل مرة نشوف هذا الكم على الريد كاربيت، علشان كذا ودي أشوف أحد لابسه.

بشكل عام أعتقد أنه بحفل هذي السنة بنشوف أكثر من فستان أحمر، لأنه الفساتين الحمراء كانت بأكثر من عرض، و عند أكثر من مصمم.

للأسف إني جالسة أحاول أحط تصويت بس رافض يركب معاي، فممكن تكتبون رأيكم بالتعليقات لحد ما ألقى حل. 

Sparks

نرجع مرة ثانية لموضات الخريف و الشتاء الجايين 2012. طبعا لما أجيب الموضات مو شرط معناها أنه لازم كل موسم يصير لنا شكل جديد، الفكرة الأهم إن هذي الموضات اللي تطلع كل موسم، تكون جزء من طريقتنا باللبس مو كأننا منيكان يلبس و يفسخ من دون ما يكون له هو شكل أو بصمة على اللبس (على الأقل هذا الشيء اللي أعتقده)، يعني مو شرط كل موضة تعجبني، أو لازم ألبسها. هذا ما يعني إن الموضة اللي باكتب عنها اليوم ما تعجبني، بس كلام بغيت أقوله :)

أعتقد هذا الموسم ما فيه مجموعة ما حطت شيء يلمع. الشيء الحلو بالأشياء اللي تلمع ترتر أو أي شيء ثاني يسوي نفس التأثير، إنها بسهولة تحول لبس عادي، يعني لو حتى كان جينز لشيء يصلح حفلات أو سهرات. و أهم شيء أنه ما أعرف ليه أحس أنه "ينعش" اللبس. زي كل مرة أعتقد إننا بنشوف أشياء تلمع كثيرة بالهاي ستريت، و أعتقد بيكون فيه ملابس كثيرة بأسعار معقولة، تصلح سهرات و حفلات (أحس توب شوب و ريفير أيلاند بيطلعون أشياء حلوة). 

Oscars, who will win the red carpet?

بدأ و خلص أسبوع الأوت كتو  بصراحة ما قد شفت مجموعات أوت كتو كلها حلوة بالسنتين اللي فاتت يمكن ... لكن هذي المرة حتى ديور اللي وضعه متدهور بعد ما راج جوليانو طلعوا بعرض أعتقد كثير منه واح نشوفه على الويدكاربيت حتى لو مو بالأوسكار. حطيت هنا صور لفساتين من بعض المجموعات و اللي أتوقع إنها راح تنلبس مو شرط للأوسكا (مع إني أتمنى) لكن أعتقد راخ نشوفها بمناسبات مهمة. 

فيرساتشي أتلييه أول مرة (على الأقل بالسنوات الأخيرة) يسوون عرض لملابس الأوت كتو حقتهم، العرض كان مرة حلوة، أنوقع كثير منه راح ينلبس بالسنة هذي، خصوصا مع قطع المعدن اللي موجودة بأماكن مختلفة، حتى قبل الأوسكار أتوقع واح ينلبس من المجموعة للقرامي. 

قلت لكم عن ديور راجع بشكل حلو، صحيح بأشكال تشبه الأشياء اللي كان يسويها جوليانو، لكن هذا الشيء اللي كان ممشي الشركة، و مصمم ديور لحالي بيل قايتين كان مساعد لجوليانو لما كان مصمم ديور، أعتقد على الأقل فستان راح يكون من العرض موجود على الريدكاربيت. 

جامبتيستا فالي هذي ثاني مجموعة له أوت كتو ... بالنسبة لي المجموعة هذي أحلى من الأولي، خصوصا الفساتين اللي داخل الشك علي القماش (ما أعرف كيف آصفه)، لكنها مجموعة مرة حلوة، و تستاهل ريدكاربيت. 

شانيل هذي من أكثر المجوعات اللي شفتها، اللي تقول خذوني للأوسكار، أعتقد أنه هذي السنة على الأقل وحدة راح تلبس من شانيل للأوسكار، ببالي ميشيل وليمز، لكن نستنى شوي، لأني راح أحط إن شاء الله تخميني لوش راح تلبس الممثلات اللي بيجون للحفل. 

لعرض أرماني برافيه جت جيسيكا شيستين، و هي مرشحة لأوسكار أفضل ممثلة مساعدة، إلى الآن جيسيكار ما لبست شيء لأرماني، لكن مجموعة أرماني برافيه الأخيرة، واضح أنه أرماني مصر هذي السنة يكون بالأوسكار. أظن آخر ظهور لفستان من تصميمه على الريد كاربيت حق الأوسكار كان اللي لبسته آن هاثوي بـ 2009. 

بعرض إيلي صعب أوت كتو ربيع 2012 كان في مجموعة فساتين ببداية العرض مرة حلوة، و غير عن اللي يسويه إيلي بالعادة، لكن أتوقع إيلي راح يكون بالأوسكار (تقريبا زي كل سنة من عشر سنوات)، لكن بواحد من الفساتين المشكوكة هذي اللي تميز فيها بالسنوات الأخيرة. 

جيفانشي هذي المجموعة طلع بفساتين تختلف عن الشيء اللي كان يسويه بالأربع مواسم الأخيرة، الكثير يعتقدون أنه روني مارا راح تلبس منه للأوسكار، صراحة مو متأكدة لحد الآن، لكن أتمنى لو تيلدا سوينتين كانت فيه، و تلبس الفستان اللي فوق. 

مجموعة فالنتينو هذي، باحتصار مجموعة لإيل فانينق، (إلى الآن ما أعرف إيل راح تجي أو لا) أظن هذا الفستان بيكون حلو مرة عليها، لو مشيل وليمز بتلبس لفالنتينو، ما أتوقع هذا الشيء المناسب لها. باختصار فستان واحد (مو هذا) أعتقد ممكن يكون على ريدكاربيت الأوسكار هذي السنة. 

آخر شيء غير الأسود و الأبيض، أتوقع فيه أحد راح يلبس رمادي / فضي، و أتمني إني أشوف ألوان مختلفة عن دايم. على أنه مجموعة فالنتينو كانت تقريبا كلها طبعات (هي الوحيدة اللي كأنها مو مهتمة بالأوسكار)، ما أظن بنشوف طبعات بالأوسكار هذي السنة، خصوصا بعد فستان ساره ميشيل قلير بمونيك لوليه بقولدين قلوب. 

و لا ننسى غير مجموعات الأوت كتو فيه ماركيزا، و فيه مونيك لوليه و فيه ريم عكرا، كلهم ممكن يكونون موجودين على الريدكاربيت، أما وش راح تلبس ميريل ستريب اللي أتوقع إنها راح تفور بالأوسكار هذي السنة، هذا هو السؤال اللي ما أقدر حتى أخمن إجابته. 

The Oscar

هذا تقرير مختصر عن اللي شفته بالأوسكار. أول شيء زي كالعادة، ما فيه شيء من توقعاتي صار، إلا شيء واحد و مو مضبوط غوينث بالترو لبست الفستان اللي من مايكل كورس و اللي أنا اقترحته لأيمي آدمز (إلى الآن مصرة أنه مع شعر أحمر بيطلع حلو أيمي تكفين ألبسيه)، ترى غوينث ما لبست الفستان بالأرايفلز، لبسته بالحفل لما كانت تغني، و لبسته بحفلة فانتي فير آفتر بارتي.

شيء ثاني كان فيه فالنتينو، و ماركيزا زي ما توقعت آن هاثوي لبست من فالنتينو أحمر فنتاج بالأرايفلز (ما أعجبني مرة)، و هايلي لبست من ماركيزا و بعد هالي بيري. 

آن هاثوي من بين المليون فستان اللي لبسته بوسط الحفل لبست من أرماني برافي، مو اللي أقترحته، واحد ثاني أعجبني بعد، بس أظن أنه اللون الأحمر حق العرض كان أحلى، بس يمكن ما تبغى تلبس أحمرين.

 المهم نجي لأحسن لبس، أظن أحسن لبس راح للكتو، و كلهم يستاهلون جيفنشي و فالنتينو و كلها المجموعة الأخيرة من الآوت كتو 

1. Cate Blanchett in Givenchy

كايت، كايت كايت ما أعرف ليه هذي المره تعرف شلون تلبس صح من دون ما تتعب، على إنه الكوليكشين حق جيفنتشي أوت كتو للربيع أعجبني، بس ما حسيت فيه فرق كبير عن حق الخريف اللي فات، بس الألوان تغيرت، بس كيت ورتني إني كنت على غلط و أنه لا الفستان مرة حلو و بذات من ورا. إنبسطت بجد كثير على كايت، و أظن إن أمنيتي إني أشوف فستان يستاهل يدخل قائمة أفضل فساتين الأوسكار للعقد الجاي تحققت :). 

2. Florence Welch in Valentino HC

منيب مستحية أقولكم أنه أول ما شفت عرض فالنتينو أوت كتو لربيع 2011 هذا الفستان أكثر واحد حبيته، و إن كنتوا تابعوني بتعرفون أنه هذا ذوقي يعني لا تقولون عني كذابة :) أحب الأكمام الطويلة، أحب التنانير الطويلة، و الشيفونات، طيب ليه ما لبسته أحد سبب وحيد أنه ما جاء ببالي أحد ممكن يطلع فيه حلو، حتى فورانس ويلش، اللي ما كنت أدري أساسا إنها بتجي  :) للي ما قد سمع عن فورانس فلورانس هي مغنية بريطانية، لبسها مرة حلو، لو تتذكرون قائمة أفضل ملابس 2010 فورانس كانت موجودة بفستان من ديور. 

غير أنه الفستان حلو فلورانس عندها كاريزما تخلي كثير من الملابس مرة حلوة. 

RTO:Anne In Armani Prive

قلت لكم إني منشغلة أركب الناس على بعض، قصدي اللي بيجون للأوسكار أحطهم بملابس، شفتها بالعروض. كنت شوي موسعة صدري أحسب أنه الأوسكار أبعد شوي، بس صار الأسبوع الجاي. فقلت خلاص راح أحط اللي أحس أنه ماراح أغير رأيي بلبسهم. و اليوم أبدأ بآن هاثوي اللي بتقدم الحفل.

آن هاثوي مو غريبة عليها تلبس أرماني برافي، بس بالصراحة أستبعد إنها تلبس هذا، لكن هذا الفستان من أكثر الفساتين اللي أعجبتني بالكوليكشين حق الأوت كتو لأرماني قبل أكثر من شهر. (شوفوا باقي الكوليكشين). الفستان زي باقي الكوليكشين اللي مدحته قبل ألوانه، و أقمشته غريبة، بس أكثر شيء عجبني فيه هو شكله، ما قد شفت هذا الشكل علي فستان سهرة، بجد أتمنى أشوفه بالريدكاربيت، و خصوصا علي وحده زي آن جسمها حلو و طويلة.

Do you think Anne would wear Armani Prive
	Yes
	No
pollcode.com free polls

Squined

فيه شي يحبونه السعوديين و لا أحبه أنا ... يسألون دايم وش الموضة هذي السنة؟ أنا ما أحب هذا السؤال لأنه يخلي الناس كأنها متناسخة ... يمكن عندي أنا وش الي ما يصلح يلبس هذا سؤال منطقي بالنسبة لي بس وشي الموضة ؟!!! ما أعرف لا تسألني، بس هالمرة بقول وش هي الموضة :)

فيه شي أحبه لما تقرب الحفلات تسويه مجلة People تخمن وش بيلبس الناس الجايين ... هو صراحة بعض المرات خياراتهم بايخة، بس مرات تصيب ...

علي كلير دينيس كان كذا التخمين، و أنا هذي المرة خمنت إنها تلبس لأرماني برافي زي أغلب الي صوتوا لهذا الفستان الترتر و لبسته :)

طبعا الي بأقوله إن الترتر هو الموضة مو هذي السنة هو الموضة "المنشرة" بكثير من ملابس السهرات لهذي السنة ... و شفنا بالإيميز كثار لبسوها بس أنا أكثر شي عجبني الأرماني الي على كلير ... أهم شي للي يبغى يلبس ترتر، لا يصير موديل الفستان معقد و فيه حوسة كثير، يختار ألوان سايف يعني ما يغامر برتقالي أو فوشي، يعني أنا أفضل الخيارات الكلاسيكية للألوان زي الأسود و الأزرق و الفضي و الذهبي، و الأخضر ... و يعني تراه مو مرة حلو على الأجسام المليانة مرة.

و خلصنا من الإيميز نراكم في جوائز قادمة :)

Cannes Diaries: Cate Blanchett

أستورالية و بعد شقراء جديدة أخترتها ليوميات كان ... كايت بلانشيت بفيلمها الجديد روبين هود، كايت للأناقة النظيفة الكلاسيكية للنساء الي يحبون يصيرون كلاسيكيات بس مو قديمات يشوفون كيف كايت تلبس ... الصباح كايت طلعت بسوت من أرماني برافي لونها وردي فاتح كل شي كان متكتك ... المايك أب الشعر المجوهرات و أهم شي الكعب الي ما أعرف من وين بس يجنن ... نظاراتها حكاية ثانية ...

بالليل لبست كايت فستان من ماكوين الشي الحلو بكايت إنها كثير مرات تلبس ملابس شوي غريبة (زي الطبعات الي علي فستان ماكوين هذا) و تخليها شي عادي، كأنها ما طلعت بشي غريب الفستان حلو .. المايك آب حلو و الشعر حلو بعد.