PFWFW 2015

خلص شهر الموضة أمس بعرضين، الأول للوي فيتون و الثاني لميوميو، مع إنهم يعجبوني بكثير من الأوقات، ما حسيت إني مبسوطة على اللي شفته فيهم، أحس كلها أشياء قد شفتها قبل، من دون ما يكون فيها أي شيء جديد أو مختلف. لكن بشكل عام أعتقد إن أسبوع باريس كان مرة كويس، و فيه ملابس مرة مختلفة. 

أولا خلوني أبدأ بالفستان الثاني من اليمين تحت من فيكتور أن رولف، ما أعرف ليه هذا الفستان كل ما ناظرت له أكثر، كل ما أعجبني أكثر، مع إنه فيكتور أن رولف ما يلبس كثير على الريدكاربيت، بس أتمنى أشوفه على الريدكاربيت، يمكن علي زوي كرافيتز أو نيكول بليتز. الفستان اللي بعده من شانيل، أعرف إنه شكله ممكن مرة ممل، و أعرف إنه ذوق آنا وينتور، بس أتمنى أشوفه على تيلدا سوينتون، إذا فيه فستان متأكدة إنه راح يلبس على الريدكاربيت، هو الفستان جيفانشي، العنابي، أتمنى تلبسه زوي سالدنا، مع إنه بيكون يشبه فستان جيفانشي كتور أبيض لبسته قبل كم سنة. الشيء اللي ما توقعت إنه يعجبني مرة، هو الجمب سوت الرمادية (فوق الأول من اليسار) من ستيلا مكارتني، مرة أعجبتني، أعجبني الكم الأوف شولدير، و أتمنى اللي يلبسه ما يرفعه، ودي أشوفه على ثاندي نيوتون أو وزموند بايك. إذا فيه فستان بعد جيفانشي أعتقد بنشوفه على الريدكاربيت، هو الفستان فيونيه (الأول من اليمين فوق)، مرة أنيق، و بنفس الوقت فخم، مع إني مرة محبطة من ملابس فليستي جونز بموسم الجوائز اللي فات، بس لو تبغى تخليني أنبسط، تلبس هذا الفستان. 

*باقي الملابس: السويتر اللي عليها جمجمة من أشيش أرورا، أتمنى أشوفه على ريانا، اللي بعده من نينا ريتشي، أحسه بيكون حلو على جوليان مور. الفستان الأبيض اللي تحت من جامباتيستا فالي، أتمنى أشوفه على لوبيتا. 

وش رأيكم بباريس، و بموسم خريف 2015 بشكل عام؟ 

Best Dressed: June 2014

قلت لكم ما أعتقد إن الشهر اللي فات كان فيه خيارات كثيرة، بس أعتقد الخيارات اللي بقت مو سيئة، أصلا المناسبات ما كانت كثيرة. أنجلينا جولي و إيل فانينق إلى الآن يروجون لميلافسينت، بس بشكل عام ما كان فيه مناسبات مهمة أو كبيرة، أو بالأصح لبس مميز (على الأقل من وجهة نظري). 

ببدأ من المفضلة عندي لهذا الشهر على طول، أليكسا شونق بهذا التيور الأحمر (أظن مخمل) من سان لوران، صحيح التيور حلو، و أنيق، و تسريحة أليكسا عاجبتني مرة إنها بسيطة، بس أكثر شيء حبيته هو الفلات اللي لابستها، أظنها من تيبيثا سايمونز. السنة اللي فاتت كان ديور تقريبا موجود بكل شهر، هذي السنة، أظن هذي المرة الأولى اللي فيه لبس لديور، كانديس سوانبيل بهذا الفستان الأسود من ديور، أعجبني شكله الرياضي بهذي الخيوط على جمب، و أعجبني إنها سوت شعرها بهذا الشكل.
أعجبني بعد شكل نيكول كيدمان بهذا الفستان اللي من أرشيف دولتشي آن قابانا (أظن من 2008). إكسسوارات سولانج مع هذي البدلة الفوشية أعجبتني مرة، و شعرها مرة حلو. قريتا بزاك بيزون و نيكولا بستيلا مكارتني أشكالهم مرة أنيقة و أعتقد أنه لوك ما يحتاج شغل كثير علشان يضبط.

أنتم وش رأيكم؟

من أحسن لبس لشهر يونيو 2014؟

كانديس سوانبيل بديور

كيري راسل بروزي أسولين

سولانج بقوتشي

نيكولا بلتز بستيلا مكارتني

تيلدا سوينتون بسكيامبرلي كتور

نيكول كيدمان بدولتشي آند قابانا

قريتا جيرويق بزاك بيزون

أليكسا شونق بسان لوران

Poll Maker

Red Carpet Worthy: Paris Edition| F.W 2014

وصلنا لنهاية آخر أسبوع، صحيح بعض الأشياء عديتها، لأنه كانت لوك بوك و لا طلعت إلا بعد ما خلص الأسبوع، بس لو حصل لي أتكلم عنها بوقت ثاني راح أتكلم، بس خلونا نحط أحسن الملابس بالنسبة لي من باريس، و كلام عن العروض بشكل عام. 

زي دايم قبل ما أتكلم عن الملابس، باتكلم عن العروض بشكل عام، و للي ما أنتبه بس أوضح لكم إن أسبوع باريس تقريبا أسبوعين، أظنه أطول أسبوع بعده يجي أسبوع نيويورك. المهم خلونا نتكلم عن العروض. 

• آخر يوم من العروض عرض لوي فيتون بعد ما تركه مارك جايكوب، و صار مصممه نيكولا قاسكيه (مصمم بلانسياقا السابق). للي ما يعرف إن نيكولا هو اللي طلع شنط بلانسياقا متروسايكل و سيتي، و شكله تخصصه الشنط، لأنه بالنسبة لي كانت الشنط بالعرض مرة حلوة (يمكن أتكلم عنها بوقت ثاني). 
• كان فيه لبس رمادي، بس إذا كان فيه لون لعروض باريس فهو اللون الأحمر و درجاته. 
• أعجبتني كثير من ملابس ديور و أعتقد أنه بيكون كثير على الريد كاربيت (من كذا مجموعة قبل ما أعجبني عنده شيء كثير، ريزورت و أوت كتور)، لكن ما أعرف وش السبب اللي خلاني ما أكتب عنه يمكن لأن فيه اتجاهات كثيرة بالملابس، بس واحد من أكثر الملابس اللي أعتقد بتلبس هي الأشياء اللي عليها بروش أو ما أعرف إيش (مثال الثاني فوق من اليمين). 
• صحيح اختياراتي مو كلها أكمام طويلة، لكن بنشوف فساتين بأكمام طويلة أكثر على الريد كاربيت

طيب خلونا نتكلم عن الملابس، قلت لكم ديور كان فيه فساتين عندي شعور إنها بتكون على الريد كاربيت كثير، يمكن بكثرة مجموعته للصيف اللي فات 2013 للي ما يعرف وش قصدي، هي المجموعة اللي فيها أقمشة لماعة، أعتقد ماريون بتلبس الفستان اللي فوق، هي أكيد بتلبس ديور، بس أحس الفستان اللي فوق بنشوفه عليها. أعجبني اللبس الأسود اللي من إيلي (تحت أول من اليسار) ما أتذكر إني شفت شيء زيه قبل، اللي عجبني فيه، لما تشوفه تحسه شيء تقليدي، بس كونه بنطلون، و بكم واحد طالع شكله مختلف، أحسه بيكون حلو على هيلاري سوانك. اللبس الأول من اليمين فوق أحس ممكن نشوفه على سارا جيسيكا باركر، صراحة ودي أشوفه على أحد ثاني بس ما أعرف مين؟ فستان أليساندرا ريتش (الثاني من اليمين تحت) أحسه يصلح للي دايم يصلح عليها كل شيء، دايان كروقر، بس ودي أشوفه على ليا سيدو. 

أفكر لما ينتهي الموسم، لو كنت فاضية و ما عندي شيء أتكلم عنه راح أتكلم عن الملابس اللي أعجبتني كانها لبست أو لا، ما راح أتكلم عن الأوت كتور، لأنه ما يعتمد على الموسم، ممكن بعد عشر سنين أحد يلبس منه. 

وش رأيكم بباريس؟ 

Best Dressed: August '13 Winner

على عكس شهر أغسطس، حسيت شهر سبتمبر كأنه كان يزحف من البطء، ما أعرف ليه؟ يمكن لأنه كان فيه ملابس كثيرة حلوة بشهر سبتمبر و كنت متحمسة تجي نهاية الشهر علشان أحطها لكم.

أعرف إنكم صوتوا لكيري و كارا بالتساوي، لكن من أول ما بديت أحسن لبس للشهر، و أنا ببالي لبس واحد شهريا علشان يسهل التصويت لأحسن لبس للسنة. صراحة كنت حايرة من أختار، خصوصا أني قد اخترت كيري قبل (أحسن لبس لشهر يناير). آخر شيء قررت أختار كيري على كارا مع أني مرة حابة مكياج كارا، أولا لأني أعتقد أن جزم كارا ما كانت مرة حلوة (الحزام اللي فوق الكوع) هو حلو بشكل عام، لكن ما أعجبني إن البنطلون مغطيه. الشيء الثاني، أعتقد ملابس زي كذا (فستان كيري) قليل تلقى شيء بشفايف و قلوب مثلا، يطلع حلو مو رخيص. 

الشيء الأخير اللي خلاني أختار كيري على كارا، إن لبس كارا (من وجهة نظري) كارا هي اللي أعطته شكل، يمكن لو كان على أحد ثاني ما كان طلع حلو كذا. 

Best Dressed: August '13

ودي أقول كلمة، لو كنتوا تابعون أحد على اليوتيوب يمكن بتكونون طفشتوا منها، لكني بأقولها لأني أظن إني أول مرة أقولها و هي: أغسطس خلص بسرعة، ما كأنه أمس بس بدأ. حتى أحس ما أمداني أجمع ملابس :S ما علينا خلونا نحط الملابس اللي أعتقد إنها أحسن لشهر أغسطس. 

أعتقد هذا الشهر الملابس صيفية أكثر من الشهر اللي فات. أولا خلوني أقول قد إيش مستظرفة فستان كيري واشنطن و أحس أنه ممكن نشوف زيه بزارا مثلا، لكن ما يهم خلونا نرجع لكيري، أعجبني فستانها و أعجبني الروج اللي اختارته معاه. الشيء الثاني اللي انبسطت عليه هو إن كايت بلانشيت عندها فيلم تروج له فصايرة تطلع كثير، بالنسبة لي أعتقد كايت أكثر وحدة لبسها دايم حلو من عرفتها (أعرفها من بداية الألفية) يعني من عقد و أكثر أظن إنها ما زالت تلبس بشكل مرة حلو، انبسطت إنها لبست من مجموعة أرماني برافي الأخيرة اللي كانت عاجتني. 

سيلينا قوميز بعد لابسه فستان كتور، بس من فيرساتشي أتلييه، بصراحة لما شفت الفستان على الرانواي ما أعجبني أبدا(حسيته مرة رخيص)، لكن مرة عجبني على سيلينا خصوصا مع الحلق الأخضر (ما توقعت مجوهرات خضراء بتكون حلوة مع كحلي) بالمناسبة صاير كثير من لبس سيلينا يعجبني. 

Create your free online surveys with SurveyMonkey , the world's leading questionnaire tool.

Showtime

يمكن قليل اللي يعرفون عني هذا الشيء (يمكن بس صديقاتي بذاك الوقت، و أختي الكبيرة)، لكن بفترة من الفترات كان عندي هوس "ستيانات"، أعرف أنه شيء غريب، و يمكن هذا مو المكان "المناسب" إن أعلن فيه عن الهوس هذا، بس على إني أعتقد إني تجاوزته، أظن أنه كل مرة أشوف ستيانة حلوة أتمنى لو إنها عندي، أو حتى لو شفت ستاينة حلوة، أتمنى أنه ممكن شيء مصنوع بهذا الشكل كمية أكبر من الناس تشوفه P:. 

هوس تجميع ستيانات كان عندي لما كنت بالمتوسط، لدرجة أعتقد إن أمي بدأت تقلل علي، و صارت كل مرة ترجع الأشياء اللي جمعتها عند الكاشير. خف بعدها هوس التجميع، بس أتذكر من أكثر المجموعات اللي أتذكرها (أول ما تعرفت علي الفاشن و العروض بشكل فاهم) كان عرض لدي آن جي. 

أكيد إني ما كنت بالمتوسط (لأني لما رجعت أدور على المجموعة تاريخهاكان بعد المتوسط)، أتذكر إن كل العارضات كانت ستياناتهم واضحة بشكل و بآخر. أتذكر عجبتني أشكالهم، بس قلت ممكن أحد يلبس كذا للشارع؟ ما أتذكر وقتها أحد لبس، بس علشان أكون واضحة، ما أتذكر إني كنت أتابع أو أصلا كان فيه مواقع قوسيب تتابع السلبرتي قد كذا، فما أعرف لو أحد لبسها و لا تصور، أو أنا ما شفت الصورة، غير إني ما كنت أتابع أصلا. (تلقون المجموعة هنا). 

من اليسار: قبل فترة (يمكن شهر) بحملة ترويج فيلمها الجديد ستار ترك زوي سالدانا لبست هذي الجمب سوت البيضاء من إيلي صعب، و كانت لابسة ستيانة واضحة، بعدها بفترة كارا دوليفين طلعت بعد ميت قالا لابسة هذي البدلة من ستيلا، نفس الموضوع طالعة بستيانة دانتيل واضحة. أمس شفت هذي الصورة (يمين) لنيكول ريتشي، بهذي الجمب سوت بعد من جي براند، ولابسة "البرا توب" الأسود هذا مع الجمب سوت. 

إيش رايكم بالتريند هذا؟ ممكن تلبسونه، أو تعتقدون أنه "ما يصلح" لنا؟

Best Dressed: April '12

زي ما وعدتكم اليوم بأكتب عن أحسن ملابس شهر أبريل. بصراحة أعجتني ملابس كثيرة بهذا الشهر، ما أقول أنه فيه أشياء مبهرة، لكن كان فيه أشكال و أفكار حلوه كثير. و أهم شيء فيه أسماء جديدة ما قد كتبت عنها، فرصة لي أنه أتكلم لو شوي عن ستايلها. 

ريانا بستيلا مكارتني

مع إني ما أحب ريانا (ما أكرهها بعد). لكن لازم أعترف إن لها شخصية تعطي الملابس شكل مختلف. من فترة ما حسيت إن ريانا شكلها شيك و من دون ما أحس فيه شيء مخرب، و شيء رخيص (زي لون شعر بايخ، أو فتحة مبتذلة).

كايت بوسورث بإيزابيل ماران

أظن اللوك هذا من كايت هو المثال المناسب لفكرة السويتر بالصيف، اللي قلت لكم عنها. أعجبني لون و شكل التنورة، أعجبتني المجوهرات اللي لابستها. و بعد أعجبتني السنيكرز، أعتقد إنها مسوية تضاد حلو مع باقي اللبس.

فان بينق بينق بتاداشي شوجي

بالعادة ما أحب شكل فان بينق بينق. هي حلوة، لكنها كثير مرات تبالغ بالإكسسوار و أنا شخصيا ما أحب لما أحس إن الواحد قاعد يتغصب الأناقة.

مليسا جورج بكالفن كلاين

من فترة ما أتذكر إن فستان لكالفن كلاين أعجبني.مع كل فكرة المنيمليزم اللي هي خط الدار، بالنسبة لي صعب ينلبس شيء من الماركة من دون ما يطلع كأنه بيجاما أو قميص نوم. لكن مليسا عرفت كيف تلبسه، مع هذا الشعر و المكياج.

تايلور شيلينق بـ بيتر بلوتو

تايلور جالسة تروج لفيلمها مع زاك أفيرون ذا لوكي ون. شكلها كان أنيق بكل البريمرات، لكن كله أسود و رمادي. مع هذا الفستان حسيت فيه شيء منعش بشكلها، شيء يحسس بالصيف.

لي لي سوبيسكي بجيل ساندر

تكلمت قبل عن مكياج لي لي بافتتاح تربيكا الأفلام بنيويورك. وقتها قلت لكم أن شكلها مرة حلو. بصراحة أعتقد لي لي مخلوقة لماركات زي جيل ساندر.

دري هماينقوي بدولتشي آند قابانا

قد قلت لكم فيه شيء "كول" عند دري. دري كانت حاضرة لحفلة ملبري لكوتشيلا، لبست هذا اللوك من دولتشي آند قابانا ربيع 2012، تعرفون إني حابة طبعات الخضار اللي كانت تقريبا بكل المجموعة، فأكيد باحب هذا الشكل من دري.

داكوتا فانينق بـ برادا

صراحة قبل لا أختار اللوك كنت مرة مترددة، خصوصا إن داكوتا ما غيرت شكل شعرها. لكن الفستان عجبني مرة، فقررت إني أسوي نفسي كأني ما عمري شفت داكوتا، و لا أدري إنها ما تغير تسريحتها. و اللي خلاني أتخذ هذا القرار، إن شعرها مو سيء مع اللبس.

Military, Again

خلصت أسابيع الموضة، صراحة كان صعب إني ألحق و أقلب كل العروض اللي نزلت لها صور على نت، خصوصا مع كمية المناسبات هذي السنة، اللي وافقت العروض. 

ما علينا، حبيت بكم موضوع جاي أكتب عن أهم الموضات اللي كانت بعروض الخريف و الشتاء الجايين (مو هذا اللي تقريبا خلص)، طبعا الكلام بشكل عام، و زي دايم إن شاء الله مع الوقت راح أتكلم عن هذي الأشياء أكثر. 

ما أعرف كم مرة بهذي المدونة أعلنت عن حبي للأشياء الجيشية، ما زلت أحبها، ما طفشت أبدا منها، و لا أعتقد إني راح أطفش، مادام كل مرة راح أشوف شيء جديد فيها. 

الجيشي بالعروض اللي خلصت كان تقريبا بكل عرض، لون أو إيحاء تصاميم أو حتى مدمج بالثيم الأكبر اللي كان ثيم لكثير من العروض، هي موضوع "المرأة القوية"، ما أعرف كيف أفسرها، لكن يمكن الشيء الأوضح أنه تصاميم الملابس كانت أقل نعومة و أنثوية، يعني بناطيل كثيرة، قصات واقفة، و قليل مرة ملابس ماسكة على الجسم. 

قلت لكم مبسوطة كثير على وجود الجيشي بكثرة بالعروض، أكيد أتوقع أنه الموضة هذي بتكون من الموضات اللي بتنسخ بالهاي ستريت (أتوقع زارا، و إتش آن إم) بيسوون نسخ حلوة. الشيء الحلو بالجيشي هذي المرة، أنه جاي بأشكال مختلفة كثير، من جمب سوت، لفساتين، جاكيتات و بالطوات، شيء وسيع، و شيء ضيق، شيء ثقيل، و شيء أخف ... فأعتقد أنه كل شخص بيلقى شيء يناسب ذوقه بهذي الموضة. 

وش رايكم بالجيشي؟ عندك شيء جيشي أصلا؟ متحمسة تلبسين شيء جيشي للشتاء الجاي؟

Fruity or Floral

هذا الموضوع كاتبته تحت ضغط طفش رهيب، من الصبح و أنا أدور شيء أسويه أو أكتب عنه، و أخيرا قبل ما أروح أنام طلعت معاي هذي الفكرة، إني أكتب عن موضة الصيف، خصوصا الأسبوع اللي فات احترقنا بالرياض، و للتذكير توه ما جا الصيف الصدقي بعد.

الصورة اللي فوق هي من عرضين لمجموعات الربيع 2010 و علشان ما تخبطون، إيه الموضوع قديم جايبة لكم صور من عروض الربيع اللي كانت بسبتمبر اللي فات. أهم شيء العروض كانت مليانة طبعات، يعني بيكون عندنا صيف بملابس فيها طبعات أشكال و ألوان. طبعا زي تقريبا كل مجموعة ربيع نلقى فيه طبعات ورود كثيرة، بس هذي المرة ستيلا طلعت بمجموعة عليها حمضيات، أعترف إني أول ما شفتها حسيتها شوي كأنها شيرت من هاواي، بس مع الوقت جالسة أحبها، الصورة اللي على اليسار هي من عرض دي آن جي ببنطلون و توب كلهم ورود.
بعيد عن الموضوع كان فيه غير دي آن جي عندهم ملابس بطبعات ورود بس اشتهيت أحط صورة لدي آن جي مو بس لأنه اللوك عجبني بس لأنه قبل فترة طويلة شوي بتويتر قابانا كان يتكلم مع صديقه و قاله صديقه أنه يحب ستيلا رد قابانا مين ستيلا. أنا شرهت شوي، فجيت الحين على بالي إني أقهر قابانا و أحطه جمب ستيلا.

نرجع للموضوع: وش تحبون تلبسون للصيف، ملابس بطبعات ورود أو فواكه؟

Fruit or Flower?
	Fruit
	Flower
pollcode.com free polls

Very Natural

كل صيف يميزه شيء معين، و مجلات الأزياء دايم تسبق الناس بحبتين، يعني علشان تعلم الناس وش يسوون (مو هذا دورها)؟. الألوان الطبيعية كانت موجودة بعروض ربيع 2011 إذا تتذكرون لما غطينا العروض، كان الأبيض بكل مكان تقريبا.
بعض المرات بالنسبة لي أحتاج أشوف إيدتوريال حلو علشان ينعش تفكيري بوش أكتب بالمدونة، و يعطيني إلهام لوش ألبس.

لما شفت صور الإيدتوريال هذا، حبيته قوة خصوصا هذي الصورة، فيها شيء من التسعينات. مو بس كذا، حبت فكرة أنه للصيف هذا يكفي تلبسين ملابس لونها أبيض أو ألوان طبيعية مع مجوهرات ستايتمنت (فضي أو ذهبي)، و خلاص هذا كل شيء ... يعني و لمزيد من الإثارة روج أحمر بعض المرات.

علشان كذا سويت سيت، ما عجبني شكله النهائي، مو تجميع الملابس فيه، بس باحطه لكم، لأنه أختيار الملابس عاجبني، و لا أبغى أزود شيء أو أنقص منه.

Natural by alorwa featuring oversized handbags

Stella McCartney print dress, 1,465 GBP
Donna Karan platform wedge heels, $750
Heidi Mottram oversized handbag, $378
Mawi cameo jewelry, $1,125

زي دايم كل المعلومات موجودة تحت الصورة، لما شفت الإيدتوريال، تذكرت هذا الفستان من ستيلا مكارتني، عاجبني من فترة و ودي أسوي فيه شيء (عاجبني شكله من ورا) شيكوا عليه من الرابط اللي موجود تحت الصورة. 
بعيت بعد ما أختار زي ألوان فاقعة أو زاهية. الجزم بغيتها وجز بعد، بس أوان باهتة لأن الفستان يستاهل أنه يعطى وجه أكثر من أي شيء ثاني. أخترت العقد هذا بعد علشان أعطي للفستان شكل، خصوصا إن رقبته دائرية ضيقة، و بيمشي معها العقد. 

Denim Skirt Part II

قد تلكمت قبل عن التنورة الجينز، قبل عروض صيف و ربيع 2011، اليوم أكتب عنها علشان شيين الأول، إنه الحين تقريبا كل محل تدخله لازم فيه على الأقل تنوة وحده جينز ... الشي الثاني أختي شرت تنورة جينز من زارا، بالضبط زي اللي على كلاوديا شيفر (حقتها بعد من زارا)، و إلى الان ما عندها أفكار واضحة كيف تلبسها.

قلت لكم أنه فيه عروض كانت فيها تنانير الجينز، بكل الأطوال لكن إن كنت راح أختار أفضل الأطوال أعتقد التنانير اللي تحت الركبة إلى نصف الساق هي الأفضل للي زيينا مو طوال، بس لو كنت طويلة ، أظن أنه التنورة الطويلة بتكون عليك مره حلو. بعد غير الأطوال لون الجينز نفسه، و قصاته مختلفة. أما الأفضل عندي أعتقد اللون التقليدي للجينز هو من أحسن الخيارات للتنورة.

الجينز خياراته كثيرة مرة، قصدي البنطلون بالذات، بس التنورة أظن أنه تحتاج خا خرص أكثر باختيار القطع المناسبة لها. بالنسبة لي التيشرتات الملونة، أو مقلمة خيار مو مره كويس، وحده تخلي شكلك بايخ، و ترخص اللبس كامل، و الثانية تعرض و بتخليك مع التنورة شي منفغص.

القطع الضيفة، سواء كانت تي شيرت أو قميص أكيد أنها مو خيار كويس للي الجزء العلوي فيها مو متناسق مع السفلي، يعني مع النورة اللي قماشها واقف، و لو كنت أنت نحيفة من فوق، بس مو نحيفة من تحت بيصير جسمك من تحت تحفة، علشان كذا أختاري لك شي واسع بس واقف للجزء العولي (زي الي على اليمين).

السكارف اللي على اليمين حابته من زمان، هو كأنه صوره، بس لما تلبسنه يطلع شكله مره حلو، شوفوه هنا. سكارف مع قطعة زي كذا بتحول اللوك من كئيب لأنيق.

إن كنت لبست قميص بأكمام أو من دون أكمام (زي اللي باليسار) سكريه للأخير، و ألبسي معاه عقد بتعليقة مميزة، يعني شي كأن بروش.

طبعا بالأخير النوعية هذي من الجزم أو الصنادل راح تكون منتشرة كثير، و غير كذا، بتمشي مرة مع تنورة جينز، بتعطي طول، مو متكلفة كثير زي أي كعب ثاني فهي صندل بقاعدة خشبية عريضة، و بسيطة.

شيء أخير زي دايم. تبغون رابط أي قطعة، أو من وين، ردوا و علموني. 

Light beige almost white

من فترة و أنا جالسة أدور شي أكتب عنه، و عجزت أحس كل شي مو كامل، فكرت أنه أكتب عن كيرا نايتلي و إنها الفنرة الأخيرة طلعت بأكثر من فستان من شانيل من الثلاث المجموعات الأخيرة (تحلل غيبتها)، بس ماش ما بغيت أكتب شيين عن شانيل ورا بعض.

أمس سيينا ميلر أنقذت الموقف و جت لحفلة اليونسكو بشكل أعجبني مره.

الفستان الي طلعت فيه سيينا أعجبني مره، الفستان من ستيلا مكارتني قد كتبت عنه قبل، وزي ما تشوفون النسخة الي كانت باللوك بوك، و الي تنباع، و بعد الي شفتها على السلبرتي قبل كانت سوداء، الفستان كان عاجبني بس النسخة البيج مع المجوهرات و المايك آب و التسريحة خلوه مره حلو، من كثر ما أعجبني انتبهت أنه الفساتين البيج لبست من أكثر من سلبرتي (سلبرتي معناه واحد أو وحده مشهورة بس بمجال الترفيه) (للي يعرفون لا يقولن خير، لأني لقيت بحث وش معنى سلبرتي).

أول وحده جت ببالي هي كيرا نايتلي بالفستان الشانيل من مجموعة الأوت كتو الأخيره، الفستان ما عجبني مره على الموديل (زي كثير من المجموعة)، بس كيرا بقصتها الجديده، تخلي كل فستان حلو.

إيفا منديز لابسه فستان من ليلا روز، الفستان عجبني من تحت شكل قماشه مره حلو الشعر بعد حلو ...

فترة كنت أدور لي على فستان سهرة و كنت أدور فستان بلون فاتح، إن شاء الله الحين لو بغيت فستان سهرة، أظن اللون البيج متوفر أكثر الحين.

Real Shopping Comeback

أعرف إني ازعجتكم بموضوع إني تقريبا بطلت أشتري من أسواقنا لأن أكثرها تسد النفس، و تعامل البياعين زفت ... بس إني الإسبوع هذا زرت السوق أكثر من مرة و للجد كانت فيه أشياء كثير حلوة ...

انتبهت أنه كثير دانتيل، و تعرفون إني أحب الدانتيل، بس ما شريت أي شي دانتيل ... بعد فيه كثير فساتين طويله (ماكسي) للسهرات و للبس كل يوم ...

من الأشياء الي لفتت لي نظري على طول الفستان هذا الي من مانقو (على اليمين) على طول صورته لأنه ذكرني بفستان من مجموعة قبل الخريف من ستيلا مكارتني. الفستان عاجبني مره و النسخة القصيرة منه مانقو مقلدينه بعد بس ما شفته بالمحل شفته على الموقع المهم النسخة الي تنباع و الي شفتها على السلبرتي ما عجبتني لأنه بطنتها بأسود و لا طلع مره حلو، و حتى قلت لاختي ليه ما خلته لحمي بيكون أحلى بكثير ...

هذا هو الشي الي سووه مانقو بنسختهم، يعني ما بطنوه أسود، بطنوه لحمي عشان كذا عجبني مره، للحق ما شفت سعره بس أكيد وش ما كان سعره بيكون أخف على الجيب من نسخة ستيلا الي تنباع هنا ب net-a-porter.com ب 7,101.021 ريال (شي جواتي يقول سلامات؟!!!) أما نسخة مانقو فهي ب 389.224 ريال ... و عليكم حساب الفرق، و تخمين كم قيمة هذا الفستان الطويل، الي أحسه بيكون حلو لو بغيتي فستان لزواج ناس شوي بعاد :)

Fashion Dairy: Rihanna

أنا مو من المعجبين بريانا (ما أعرف أغانيها زين) بس قصدي يعني ستايل و شخصية ... ملابسها أحسها sluty شوي، فيها تفسخ بايخ المهم الأسبوعين الي فاتت كل شوي طالعة، و لبسها كثير منه حلو و شعرها الأحمر، أحس أنه لابق عليها (أصلا من أول ما صبغته و أنا عجبني أكثر من البرتقالي) البايخ الأول .

أول لبس عجبني بالإسبوعين الي حطيت عنهم هو لبسها من بروينزا شولير الأخضر من مجموعة الربيع ل 2010 ... أنا بشكل عام حابة المجموعة كلها، صحيح مو حابة الحزام زي دايم، و لا عجبتني الصنادل الغلاديتر ... يعني ببالي لو لبست شبشب أسود كان بيكون أحلى ... بس هذي ريانا يعني لازم تخلي الشي edgy شوي.

اللبس الثاني جينز شورت مع وردي بوي فرايند جاكيت ... اللبس ما فيه شي جديد .. بس عجبني الكروبد تي لأنه شفاف.

اللبس الأخير ما أعرف من وين بالضبط شاكة بثلاثة أسامي (فيرسيس ، ستيلا، و أوسكار) بس عجبني مره، كلاسي الدانتيل و القصات حقاته مطلعته مره حلو، أظن أنه بيطلع حلو على أي أحد خصوصا أنه أسود و يغبي عيوب الجسم

High Street Goes Even Higher

دايم أقول إني أحب الهاي ستريت، لأنها تجيب لك ملابس حلوه و تقدر تدفع فلوسها ... اليوم جاني من ASOS رساله عن الفساتين الي عندهم، أنا صراحه شبعانه فساتين، بس لاحظت يا كثر الفساتين الي تشبه فساتين من الليبلز ... و حبيت أحطها هنا، لو ودكم بشي منها (ترا ما عليها تخفيض لسا).

قبل سنة أو أقل طلعت ستيلا ماكارتني مجوعه حلوه، كان فيهم هذا التي دريس الي عجب أختي مره ... و أنا أقلب لقيته بسعر لسا رخيص 44.4 دولار يعني 166 ريال، هنا الفستان

مؤخرا صايره مهبولة بفساتين فيرساتشي ... هذا الفستان من كارين ميلين على طول حسسني أنه فستان من فيرساتشي ... الفستان مو رخيص بس للزواجات يستاهل سعره هو ب 340 دولار يعني ب 1275 ريال، الفستان هنا

الفستان هذا من إليكسندير وانق ما فيه أحد من السليبرتي ما لبسه ... إذا كنت تحبين هذا اللوك الفستان بحوالي 67 دولار يعني 243 ريال الفستان هنا

أول ما شفت الفستان هذا حق نارسيسو رودريقز على سارا جيسيكا باركر بعدد فوق الي عن SATC و الي كتبت عنه قبل سنتين ... حبيت هذا الفستان الي حسيته على طول يصلح أنه يكون من كوليكشين رودريقيز الفستان ب 102 دولار ... يعني ب 384 ريال، هنا الفستان

هذا الفستان من كريستفور كين، لبسته إيما واتسون عند دايفيد ليترمان ... حلو و شعره رخيص .. سعره ب تقريبا 77 دولار يعني ب 288 ريال، الفستان هنا

الفستان هذا من ماكوين، أول ما شفته حبيته، لبسته درو بريمو و استهبلت فيه ... أختي لما شافت هذي النسخة عند أسوس مره انبسطت مو رخيصه بس أكيد أرخص من ماكوين، هو تقريبا ب 145 دولار يعني 544 ريال. هنا الفستان

* الموقع عنده تخفيضات قويه يجي موسم التخفيضات، بس مو على كل حال تبقى الأشياء.

lil Funny Thing

funny thing by alorwa featuring Forever21 dresses

Items in this set:

Polka Dot Bustier Dress, $23

Discount John Galliano Patent-leather platform sandals | theOutnet.com, 605 GBP

Stella mccartney bags, 595 GBP

Unique Round Sunglasses, $36

Quartz and Diamond Ring, $10,500

السنة هذي مع كثير أشياء أتابعها أتابع american idol ... إذا بتسمع ناس تغني صح اسمع هم ... فيه أصوات كثيره حبيتها وحده منهم هي شوبان ماقنيس، صوتها فيه قوه مو طبيعية اللوك تبعها مو ذاك الزود، بس لما صارخت الأسبوع الي فات بهذا الفستان، الي اكتشفت أنه من Forever 21 لما جت لي رسالة من الموقع تقول أنه خفض على عدد من الأشياء واحد منها هذا الفستان الي صار بعشرة دولارات (إذا مهتمين)، الفستان كيوت، مو مره حلو بس يحتاج له ذوق عالي عشان ما يصير بايخ، يعني شنطة صغيرة بسلسال طويل. جزم حلوه و مايك آب محترم ...
ما راح أتكلم كثير عن الأختيارات الثانية لأني تركت لكم أسماء الأشياء الي بالست ...بس بخليكم مع الأغنية استمتعوا :)

New-classic

High Class by alorwa featuring Lee Angel jewelry

Items in this set:

Puff-shouldered lace jacket, $3,365

Knotted silk-chiffon skirt, $1,495

Christian Louboutin Bianca suede platform pump 3090187 - Designer..., $555

Chain Bow Necklace: Gold, $145

Rihanna's Got Pop Seoul - Photo Gallery | Just Jared

من أكثر من أسبوع ريانا طلعت بهذا اللبس عجبني أنه غير ذوقها دايم و شوي كلاسيكي، أخترت لها هذا الجاكيت الي أظن ما في أحد من السليبرتي ما لبسه هو من ستيلا مكارتني، جاكيتها عجبني بس حسيت شوي أنه مبهذل ... الشي الثاني التنورة الي أخترتها أحب التنانير الدرابيه، بالنسبة لي تنورتها أحلى كثير من الي اخترتها ... جزمتها حلوه، بس حبيت هذا الكعب الي طالع بكل الألوان الحين بكل مكان، يمكن أول مره شفته على فيكتوريا بيكام .... آخر شي حبيت أزيد لها هذا العقد الي فيه أكثر من سلسال، حبيت أنه يكون عشان يغطي شوي على وسع الفتحه ..