Denim Skirt, Once Again

أعرف إني قلت لكم راح أكتب عن أحسن ملابس يونيو، لكن المشكلة إني ما لقيت شيء يفتح النفس، كل الملابس الزينة كانت لابستها إيما ستون، صح حطيت ببالي إني أكتب عن جولة الترويج حقتها لفيلمها الجديد The Amazing Spider-Man بس أصبروا شوي علي :) المهم إنه صار عندي جهاز جديد، و إن شاء الله كل الأمور بتمشي تمام.

جاني اليوم إيميل من Net- A- Porter عن أنه الأحد الجاي آخر أيام التخفيضات الموسمية حقتهم، و قررت أفتش للمرة الأخيرة بالموقع، و أنا أفتش تذكرت أنه بعرض شانيل أوت كتو اللي كانت جايه له بوبي ديلفين، كان شكلها عاجبني مرة.

ما أعرف وش ما أحب بهذا اللوك، حبيت فيه بساطتة، لكنه بنفس الوقت فخم، أعجبني كيف دخلت النظارات عليه أعطته جو سبعينات شوي، بعد حبيت أنه الأشياء مايلة للدفا شوي، يعني بس جاكيت حلو معاه، و يتحول لبس شتوي بالكامل (طبعا مع جزمة مختلفة). و لأنه أعجبني مرة، رحت أدور على تنانير جينز عند نيت آي بورتيه، لو عجبكم اللوك حقها زيي، وودكم تلبسون زيها.

التنورة الأولى من اليسار مارقريت هويل هي التنورة الأرخص، صحيح لونها مو نفس اللون اللي لابسته بوبي، لكن شكلها (بينسل)، أقرب للشكل اللي لابسته بوبي بالصورة. على اليمين هذي التنورة من مولبري صحيح أغلى، لكن غير إن شكلها حلو، لونها يمكنه أقرب للون اللي لبسته بوبي (التنورتين كلهم عليهم %50). 

شرايكم بلبس بوبي؟ و بالتنورة الجينز؟

Denim Skirt Part II

قد تلكمت قبل عن التنورة الجينز، قبل عروض صيف و ربيع 2011، اليوم أكتب عنها علشان شيين الأول، إنه الحين تقريبا كل محل تدخله لازم فيه على الأقل تنوة وحده جينز ... الشي الثاني أختي شرت تنورة جينز من زارا، بالضبط زي اللي على كلاوديا شيفر (حقتها بعد من زارا)، و إلى الان ما عندها أفكار واضحة كيف تلبسها.

قلت لكم أنه فيه عروض كانت فيها تنانير الجينز، بكل الأطوال لكن إن كنت راح أختار أفضل الأطوال أعتقد التنانير اللي تحت الركبة إلى نصف الساق هي الأفضل للي زيينا مو طوال، بس لو كنت طويلة ، أظن أنه التنورة الطويلة بتكون عليك مره حلو. بعد غير الأطوال لون الجينز نفسه، و قصاته مختلفة. أما الأفضل عندي أعتقد اللون التقليدي للجينز هو من أحسن الخيارات للتنورة.

الجينز خياراته كثيرة مرة، قصدي البنطلون بالذات، بس التنورة أظن أنه تحتاج خا خرص أكثر باختيار القطع المناسبة لها. بالنسبة لي التيشرتات الملونة، أو مقلمة خيار مو مره كويس، وحده تخلي شكلك بايخ، و ترخص اللبس كامل، و الثانية تعرض و بتخليك مع التنورة شي منفغص.

القطع الضيفة، سواء كانت تي شيرت أو قميص أكيد أنها مو خيار كويس للي الجزء العلوي فيها مو متناسق مع السفلي، يعني مع النورة اللي قماشها واقف، و لو كنت أنت نحيفة من فوق، بس مو نحيفة من تحت بيصير جسمك من تحت تحفة، علشان كذا أختاري لك شي واسع بس واقف للجزء العولي (زي الي على اليمين).

السكارف اللي على اليمين حابته من زمان، هو كأنه صوره، بس لما تلبسنه يطلع شكله مره حلو، شوفوه هنا. سكارف مع قطعة زي كذا بتحول اللوك من كئيب لأنيق.

إن كنت لبست قميص بأكمام أو من دون أكمام (زي اللي باليسار) سكريه للأخير، و ألبسي معاه عقد بتعليقة مميزة، يعني شي كأن بروش.

طبعا بالأخير النوعية هذي من الجزم أو الصنادل راح تكون منتشرة كثير، و غير كذا، بتمشي مرة مع تنورة جينز، بتعطي طول، مو متكلفة كثير زي أي كعب ثاني فهي صندل بقاعدة خشبية عريضة، و بسيطة.

شيء أخير زي دايم. تبغون رابط أي قطعة، أو من وين، ردوا و علموني.