Tacky is the New Class.

لفترة طويلة كنت أقول، لما شفت هذا الإيديتوريال، عرفت وش ستايلي بالضبط، لأن هذا كل شيء أتمناه بلبسي، بس شيء واحد مو مضبوط، إني ما ألبس أبيض كثير، مو لشيء بس لأني أحب الأسود أكثر. باقي الأشياء كلها أحس تقولي خوذيني (عندي احساس لو الملابس تحس، كان جت عندي من دون ما أدفع فيها فلوس، مو لأني استاهل أو أي شيء زي كذا، بس أحس رحمة فيني، من كثر ما أمدح فيها). 

الشيء اللي أعتقد إني أحبه، غير تخليط الأشياء، و هو هنا موجود، مع خلط أشياء مو فخمة أبدا زي الكولا، مع ملابس غالية، أو خلط الترتر مع خطوط و ألوان نظيفة و محايدة.

ثلاثة من الصور اللي اخترتها فيها شيء له علاقة بالكولا، مع إني ما أشربه، بس دايم أحس شعار الكولا و طبعاته مرة حلوة، تعطي شعور ڤينتاج. و ألوانه حلوة. طبعا تعرفون إني أحب الترتر، علشان كذا بعد ثلاثة من الصور الأربعة اللي اخترتها فيها ترتر، ليچينچ أو ما أعرف وش ممكن يوصف من لوي فيتون (أعجبني كيف نسقوه مع شيء بسيط مرة) صار مرة أنيق و مو مبالغ فيه، شنطة أشيش اللي على شكل كيسة مكتوب عليها كوك، و سويتر مارك جايكوب الحمراء. (لو بغيتوا شيء يشبه لها أو علي الأقل يشبه للثانيات منها (مو مرة، بس نفس الفكرة) هنا و هنا تلقونها ب39 دولار، أما شنطة أشيش أرخص شيء لقيته ب 460 دولار. 

هنا تلقون باقي الإيديتوريال من مجلة i-D، ما أعرف إذا حتى أنتم معجبين بهذا الإيديت زيي، أو تشوفنه بايخ، و لا فيه شيء مميز؟ 

Pastel Got Cozy

شفت قبل كم يوم هذا الإيدتوريال لسيقريد أقرين. بصراحة ما أعرف لأي مجلة المهم أنه حمسني أكتب عن شيء من زمان ودي أتكلم عنه. هو ألوان الباستيل للشتاء. صراحة الفكرة اللي ببالي كانت اللون الوردي الباستيل للشتاء، لكن الإيدتوريال خلاني أفكر أتكلم عن كل الألوان مو بس الوردي. 

من شفت عرض توب شوب يونيك و أنا عاجبني اللون الوردي كلون لملابس الشتاء (الصورة اللي تحت يمين من العرض)، أعرف أنه بالعادة الناس تختاره للربيع أو الصيف، بس أحسه أنيق مرة للشتاء. بصراحة ما انتبهت أنه فيه ألوان باستيل غير الوردي بالعروض (كان موجود اللون الوردي بأكثر من عرض غير توب شوب). يمكن السبب أنه الوردي كان عاجبني مرة، فما ركزت على الألوان الثانية. لما شفت الإيدتوريال، ما زلت أفكر بالوردي، لكن تذكرت إني شفت بكم عرض ألوان باستيل ثانية. أعجبني كيف بالصورج اللي فوق من عرض روشا، كيف قطعة شتوية كلاسيكية زي الكارديقان الصور مع الأكمام الفرو، نسقت مع هذي التنورة اللي لونها منت قرين. أحس أعطتها روح جديدة، و لا طلعت كأنها قطعة من الأربعينات، بنفس الوقت أعطت تأثير مرة أنيق.
زي ما قلت لكم أنا عاجبني فكرة اللون الوردي للملابس الشتوية، أنتم وش رأيكم بموضوع ألوان باستيل للشتاء، أو تحبونه زي ما هو دايم، مع الملابس الخفيفة الصيفية؟ 

Trend Alert: Rain Boots

من فترة كنت أدور لي على بوت (ما يحتاج أقولكم إني صرت أحتاج بعض المرات ألبس بوت)، ما علينا. و أنا أدور و تعبت من التدوير فكرت: طيب أبوات مطر ما تطلع "كووول"، ما يحتاج أقولكم إني كنت أتوقع إنها رخيصة، لأن بالعموم شكلها مو حلو (على الأقل هذا رأيي فيها)، بس قلت يمكن يطلع شكلها حلو، طيعا إلى الآن ما أعرف أسعارها. 

قبل فترة شفت إيديتوريال لكيري موليقان على هاربر بازار البريطانية و شفتها و هي لابسة هنتر (أبوات مطر) مع هذا البالطو الصيفي من برادا، شكلها ظريف، مو حلو، بس شكله ريفي إنجليزي مرة، بس زي كثير من الأشياء اللي تكون بالمجلات و الإيدتوريالز ممكن تكون ظريفة على الورق، لكن بالواقع لا. حفظت الصورة وقررت أراجع نفسي بعد أكثر (و بنفسي حتى لو شريت أبوات، ما راح أشتريها طويلة كذا. 

اليوم و أنا أقلب بمجموعات الريزورت ل 2014 شفت مجموعة فالنتينو، و أول شيء انتبهت له أنه كثير من "اللوكز" اللي حاطينهم باللوك بوك، كانوا العارضات لابسات أبوات مطر أول سؤال جا ببالي: "ممكن نشوف أبوات المطر صارت موضة؟" ما أستبعد، أعتقد على الأقل واحد أو اثنين بيحاولون يلبسونها يمكن بأسبوع الموضة بنيويورك بسبتمبر، أعتقد إن هانا قابي ممكن تلبسه (مع أنها بالعادة لها ستايلها الخاص اللي مو كل الناس تسويه). بس خلونا نشوف. 

أعرف إن أكثرنا ما يقدر يلبس هذي الأبوات لأنه حر و جونا بالعادة "خالي" من الأمطار، بس لو كنتوا بمكان ثاني، ممكن تلبسون هذي الأبوات على إنها "كشخة"؟ 

Dress with Jeans Underneath

شفت قبل كم يوم غلاف لمجلة قلامور فرانس، على الغلاف كان نتاليا فيدانوفا لابسة فستان أحمر من ديور (هنا نسخة الفستان على الرانواي علشان تشوفونه أوضح) و لابسة تحته بنطلون جينز. أول ما شفته جا ببالي هو هذي النسخة الأكثر كاجوال من موضة بنطلون تحت الفستان (اللي كانت موجودة بأكثر من عرض). 

تعرفون إني أحب فكرة خلط قطع فخمة، مع قطع كاجوال، و أعتقد بالنسبة لي، و بالنسبة لأكثر الناس (على ما أظن) ما فيه شيء أكثر كاجوال من الجينز. 

بعد ما بديت أكتب، تذكرت أنه فيه بعض الناس سووا هذي الحركة قبل. أتذكر بفترة رحت لستار ستي (يمكن شيء 2003 - 2005) و أتذكر كانوا فيه كثار لابسين بناطيل جينز تحت الفساتين. وقتها ما عجبتني الفكرة، و لا لبستها (أعرف ناس لبسوها كثير). ما أعرف وش السبب بس أتذكر إني سمعت أنه هذي الموضة جت بتأثير من "المسلمات" في أوروبا، لأنهم يضطرون للبس شيء تحت الفساتين علشان تكون أستر. يمكن هذا السبب اللي خلاها ما تعجبني (مو مشكلة الستر، قضية إني ما أحتاج ألبس فوق بعض لأي سبب). 

المهم لو رجعت هذي الموضة (جينز تحت الفستان)، تعتقدون أنكم ممكن تلبسونها؟ أو بتطلع كول زي ما هي طالعة على نتاليا؟ أو الفرق أنه هذي نتاليا و زيادة على كذا إيدتوريال؟ بالنسبة لي يمكن أجربه بيني و بين نفسي و بعد على فساتين معينة (يعني ما أعتقد أنه ممكن يمشي مع أي فستان). 

يمكن مواصفات الفستان اللي ممكن أجرب معاه، أنه يكون فستان من دون خصر، خفيف و أعتقد المفترض أنه ما ينزل تحت الركبة. و أعتقد الجزم لازم تكون صندل (باختصار ما أظن أنه لو صارت موضة بتكون موضة سهلة للبس)، يعني ممكن عدد مرة قليل يقدرون يلبسونها صح (عندي إحساس ممكن نشوفها على أحد "ستريت ستايل"، بعروض أوت كتور الجاية بباريس، أو حتى بعروض ربيع 2014 بسبتمر الجاي). (ننتظر و نشوف) لهذاك الوقت أنتم وش رأيكم؟ و تتذكرون أنه فيه بعض الناس لبسوها؟ أو أنتم لبستوها؟ و الحين وش موقفكم من الفكرة؟. 

The Great Gatsby Weekend

الجمعة اللي فات بدأ عرض The Great Gatsby النسخة اللي ما أعرف كم رقمها. لكن هذي المرة الفيلم موسيقي و اللي أخرجه هذي المرة باز لورمان مخرج روميو و جوليت و مولان روج (لو كنتوا مهتمين). أعترف إني مو متحمسة أشوف الفيلم إلا لشيء واحد (مع إني أحب تمثيل دي كابريو و كيري موليقان) لكن أنا تحمست أشوفه علشان أشوف الملابس اللي من تصميم برادا و المجوهرات من تصميم تيفاني. 

تعرفون إني من زمان أحب الفلابير، (لبس العشرينيات بشكل عام)، لكن هذي المرة قررت أسوي نسخة مبسطة منه خصوصا بعد ما شفت هذي القطعة (الشيء اللي يحط على الرأس) عند أيسوس ب 25 دولار. بالنسبة لي إذا عندك هذي القطعة، تكفي عن أي شيء ثاني علشان يصير اللبس عشرينيات أو فلابير. 

هنا قائمة بالأشياء اللي ممكن تسويها إذا ما حصل لك تروح لحفلة زي حفلات قاتسبي. أولا إقرا الرواية أو أشتري عقدها P: شوف الفيلم اللي أنتج عام 1974 من بطولة روبيرت ريدفورد و ميا فارو (أحب هذا الفيلم). و الملابس كانت فيه من تصميم رالف لورين. أما أسهل خيار تصفح هذا الإيديتوريال من عدد فوق لسبتمبر 2007 (أحب هذا الإيدتوريال مرة من أول مرة شفته). 

الفستان من سي سي توب شوب، موجود هنا. الرواية موجودة هنا عند أمازون أو ممكن تحملونها من أبل ستور أو من أمازون كيندل أو حتى بي دي إف مجاني راح تحصلونها على الإنترنت (الرواية حلوة بعد). 

The Feminine Touch

ما أعتقد أنه فيه أحد مهتم بالملابس الحلوة، ما يعرف net-a-porter.com، ما راح أشرح إيش هو أولا لأني زي ما قلت من قبل ما أظن فيه أحد ما يعرفه، الشيء الثاني، أظنه أكثر موقع تكلمت عنه، يمكن هو و asos تكلمت عنهم قد بعض، مع فارق الإمكانيات طبعا :). 

الشيء الجديد الي ما أعرف إذا كنتوا انتبهتوا له أو لا، أنه net-a-porter صار عندهم مجلة اسمها The Edit، من زمان و الموقع له مجلة (على الأقل على الأبليكيشين حقهم) لكنها كانت شهرية، قبل فترة (ما أتذكر من متى بالضبط) جابوا رئيسة تحرير هاربر بازار البريطانية لوسي يومانز و أعتقد هي اللي سوت المجلة اللي صارت أسبوعية و اسمها The Edit و موجدة على الموقع. 

المجلة خفيفة مرة، ما فيها موضيع دسمة، إيديتوريال واحد مع لقاء كل عدد مع وحدة مشهورة بالفاشن (أول ما كان عندهم مشاهير) و بعض الزوايا الخفيفة. 

العدد هذا فيه إيدتوريال و لقاء مع العارضة البريطانية جوردن دون. ما عمره أعجبني شكلها قد هذي المرة (صح الإيدتوريال مو ستايلي)، بس التصوير، المكياج، التسريحة كله مرة حلو. 

بالعدد نفسه فيه زي الموضوع المصور أعجبتني مرة فكرته، هو عن المجوهرات الصغيرة، أو زي مو هم مسمينها "اللمسات الأنثوية". أحب مرة العقود و الخواتم و بعض المرات الأساور الصغيرة (مشكلتي مع الأساور إنها على اليدين فممكن تضايق و أنت تشتغلين). 

أعرف إني قريب مرة متكلمة عن المجوهرات، بس مين ما يحب يتكلم عنها. قلت لكم لما شفت موضوع المجوهرات الصغيرة بذا إيديت قررت إني أسوي أنا نسختي و أحط من كل "نوعية" مجوهرات شيء واحد. 

أحب العقود اللي معها تعليقة صغيرة، بشكل عام قلت لكم أحب هذي المجوهرات الصغيرة اللي ما تصارخ بوجهك شوفوني، ممكن تلبسها كل يوم مع كل شيء و تحسين إنها ما فرقت كثير باللبس، بس هي فارقة عندك. ماركة العقود هذي عرفتها من أختي كانت تفتش فترة على عقود. عندهم عقود صغيرة بكل شكل أعتقد على الأقل بتلقين عندهم لو شيء واحد يعجبك. 

للأساور، أحب أساور "فريندشيب" مع إنه ما عندي و لا وحدة، لأني أعتقد حلاوتها بتجميعها، أعترف إني كسولة، و أكره أفسخ و ألبس، خصوصا أني ما أحب أتروش فيها، أحس إنها تتوسخ و تجمع الوسخ. علشان كذا اخترت هذي الأسوارة الذهب، مع الأحجار. 

ما يحتاج أقولكم إني أحب الخواتم بأحجار، خصوصا لما تكون ذهب أصفر و أحجار ملونة، يعني باختصار كل شيء بهذا الخاتم يعجبني. 

آخر شيء حاولت أختار أشياء أسعارها معقولة، لأنك لما تلبسين شيء كل يوم ما تبغين شيء يكون غالي تخافين عليه، و بنفس الوقت ما تبغينه شيء أي كلام، علشان ما يخرب أو يلون على جلدك. هنا تلقون مجلة نيت أي بورتيه لو مهتمين، ممكن تشيكون فيها على الموضوع اللي قلت لكم عنه. 

Funny Men

أعرف قليل أتكلم عن الملابس الرجالية هنا، مع إني أحبها. السبب اللي يخليني ما أتكلم هو لأنها مو لبسي (ممكن ألبس قطع رجالية) لكن ما راح أكتب عن شيء ما أسويه أو ما جربته (على الأقل مو طول الوقت). المهم اليوم هو من المرات "القليلة" اللي باتكلم فيها عن اللبس الرجالي، أو بالأصح عن رجال مو عن لبسهم (علشان نكون دقيقين).

مجلة جي كيو (للي ما يعرفها هي مجلة رجالية) المهم بعددها الأخير لشهر أبريل، مسوية غلافين الأول لجيمي فالون (للي ما يعرفه هو مقدم برامج و كوميدي أمريكي)، و الغلاف الثاني لجايسون بيمان (بعد للي ما يعرفه ممثل "كوميدي" أمريكي). 

آعرف أن اثنينهم متزوجين (الله يوفقهم P:) لكن إذا فيه نوعية من الرجال أفضلها، فهم الناس اللي زيهم، ظريفين، و لا يمنع أنهم "good looking". 

جيمي طالع بمقال عنه، بالضبط عن مسيرته المهنية، جايسون فيه مقابلة معاه عن أشياء كثيرة منها فيلمه الأخير Identity Theif (بالمناسبة الفيلم ظريف لو تبغون تشوفونه).

كل الإثنين لهم إيدتوريال بالمجلة، تقدرون تشيكون عليها هنا و هنا مع المقال و المقابلة. أقدر أقول (مع أنه الاثنين مو مرة عجبوني) لكن الملابس بإيدتوريال جايسون بيمان أحلى (دايم أميل للسمارت كاجوال لما يجي الموضوع لملابس الرجال). 

* ملاحظة جانبية بايخة: مو كأن رجلين جايسون مرة كبيرة؟

Pop of Color

قبل أسابيع الموضة شفت إيدتوريال أعجبني مرة على فوق كوريا، فقررت أكتب شيء عنه لأني انتبهت إني من زمان ما كتبت عن إيدتوريال، و هذا بذات يستاهل إنكم تشوفونه. (تذكرت كتبت عن إيدتوريال ساندي اللي على فوق الأمريكية، بس هذا ما يحسب لأنه ما عجبني).

الإيديتوريال اسمه Room with a Garden و من اسم الإيديتوريال تعرفون إن كله ورد. من أكثر الصور اللي أعجبتني هذي الصورة اللي فوق، و فيها العارضات لابسات قطع من أشهر مجموعة لربيع و صيف 2013 و هي مجموعة لوي فيتون اللي تكلمنا عنها من قبل.

اللي عجبني بهذي الصورة بالذات إنها عطتني فكرة عن كيف ممكن تلبس وحدة من أبرز موضات الصيف الجاي و هي الملابس الأسود و أبيض: مربعة، مقلمة، كاروهات، بلوكز (الأبيض و الأسود جا بكل الأشكال بمجموعات ربيع و صيف  2013) المهم أنه كيف تنلبس هذي الموضة من دون ما تكون مملة. الشيء اللي فكرت فيه من الصورة، هو شوية ألوان. ما أقول ألبسي أكليل ورد، لكن الفكرة اللي جتني ليه ما يلبس معاه عقد ملون مثلا؟

العقود من اليسار لليمين الأرخص للأغلى: من اليمين العقد اللي كل أحجاره بلون واحد (ما أعرف إذا هذا مشمشي) من جي كرو العقد بالنسبة لي لو كنت تخافين من كثرة الألوان بالمجوهرات، فهذا بيكون خياري الأول، أولا لأن ما فيه ألوان كثيرة، ثانيا لأن سعره معقول، فما راح تدفعين شيء كثير على عقد ما راح تلبسينه. العقد سعره ب 424 ريال تقريبا. العقد الثاني من جيرارد يوسكا العقد ب 620 ريال تقريبا، و بالنسبة لي هذا، لو كنت تحبين العقود الملونة و تبغين تستثمرين بواحد، تقريبا فيه كل شيء، فيه أحجار ملونة، فيه سلسلة ذهب، و فيه لولو. آخر واحد من أريكسون بيامون أعتقد إن سعره خيالي على وشو هو (عقد ملون ما راح ينلبس بكل مكان و مع كل شيء). لكن ما يمنع الواحد يمتع نظره شوي (مو جماله فظيع؟!!). شخصيا لو كنت بألبس قطعة من لوي فيتون (لو كنت) أعتقد هذا العقد هو اللي يستحقه. 

إذا تبغون تشوفون باقي الإيدتوريال تلقونه هنا. 

Vogue and Nana Gouvea

اليوم ما راح أتكلم عن الموضة أو عن شيء بالموضة بس ماله علاقة بالموضة (ما يهم) أهم شيء أنه الفكرة تآصل لكم بعد ما أبدأ أتكلم. 

بعد ما ضرب ساندي سواحل شمال شرق أمريكا، طلعت صور لعارضة برازيلية مصورة نفسها بآثار الدمار (صراحة شكلها بس سوت فوتوشوب) يعني لصقت صورها على صور آثار الإعصار. المهم العالم زعلوا و سبوا يقولون موب وقته و فيه قلة احترام للضحايا. أمس و أنا جالسة أتصفح النت زي كل مرة شفت إيديتوريال جديد بيكون بفوق الأمريكية لشهر فبراير. 

صراحة ما أعرف وش تفرق فوق عن البنت المسكينة هذي؟ بس علشانهم صوروا بكارلي كلوس مثلا، أو حطوا معهم مطافي و إسعاف؟!! باقي الصور شوفوها هنا. بالنسبة لي أسوء صورة اللي بالمستشفى، أما الصورة اللي مالها معنى صدق، اللي و هم راكبين بقارب، هي أول صورة شفتها من الأيدتوريال، أول شيء جا ببالي قلت سلامات؟!! بعدين اكتشفت الإيدتوريال كامل. 

أظن إذا ما فيه أحد بيهزء فوق مثل ما هزأوا العارضة البرازيلية، المفروض على الأقل تآخذ نسبة على الفكرة، اللي متأكدة إن فوق أخذتها منها. 

The Bodysuit

ما أعرف إن كنتوا متابعين أو منتبهين، لكن جينفير لورنس الحين بكل مكان، كله علشان فيلمها الجديد The Hunger Games، (بالمناسبة إن حصل لكم تشوفونه، لا تفوتونه الفيلم حلو). طبعا كالعادة مع أي فيلم "مهم" يطلع، نشوف بطلته على أغلفة المجلات، و جنيفير مو إستثناء. ما أعرف صراحة إلى حد الآن كم طلعت على غلاف (أعتقد أربعة)، لكن ثنين من هذي المجلات كانت جنيفير لابسة فيهم بودي سوت. 

كل المجلتين عدد أبريل الغلاف اللي علي اليسار لقلامر بريطانيا، و لابسة جنيفير فيه بودي سوت من برادا من مجموعة الربيع 2012، و الثاني لإنترفيو لابسة فيه (على ما أظن) بعد بودي سوت من دولتشي آن قابانا بعد ربيع 2012. قبل ما أتكلم عن البودي سوت، بجد مبسوطة من الغلافين، من فترة طويلة مرة ما شفت بهوليود وحده جسمها كذا، لو كان جسمي كذا ما فكرت أغير فيه و لا شيء، ولا أنقص و لا غرام ... بجد جسمها أنثوي بشكل رهيب. (علشان كذا مبسوطة إنه في أحد يقدر جسمها، مو لازم تصير مره نحيفة علشان تطلع على غلاف مجلة). 

نرجع للبودي سوت، زي مو واضح إن البودي سوت كانت بأكثر من عرض، أكثرها حتى ما يمكن تكون مايوه، و أعرف أنه مستحيل حتي بأكثر الأماكن تفتح بالعالم، ننتظر الناس يمشون فيها بالشارع، لكنها بتكون حلوة مع أشياء كثيرة. 

دورت بأكثر من مكان على بودي سوت حلوات، ممكن تلبس مع الملابس (مو بس لبس بحر أو سباحة)، و لقيت فيه مجموعة كبيرة مطلعتها وايلدفوكس (يمكن كثير منكم يعرفها قبل)، عليها طبعات حلوة. و ميزة هذي البودي سوت، أنه ممكن تلبس مع ملابس، و تقدرين تسبحين فيها. أعرف أسعارها مو رخيصة، لكن أحاول أعطيها تبرير إنها ممكن تستخدم لأكثر من شيء خصوصا إن طبعاتها حلوة، يعني للبس ممكن تلبسينها مع شورت، مع جينز (سكني، بوي فريند)، مع تنورة مكسرة مثلا (ميد، ماكسي)، فوقها شيء، لحالها فيه لها خيارات كثيرة (من زمان عاجبتني اللي عليها طبعات فضاء). يمكن هنا الصور مو مرة حلوة، لكن شيكوت عليها هنا الهيكل العظمي و هنا الفضاء، و فيه أشكال ثانية مختلفة.

شرايكم بالبودي سوت؟ و وشرايكم بجنيفير لورنس (أنا حابتها)؟ 

Clash of Prints

من فترة طويلة ما حسيت إني شفت إيديتوريال مفيد، يعني فيه صور و أفكار حلوة، بس ما فيه أفكار حلوة للملابس، كل اللي أشوفه ملابس نفسها تنعاد بخلفيات مختلفة.

قبل أسبوع تقريبا شفت سكان، ما كان مرة واضح لإيديتوريال من عدد فوق يو إس لشهر مارس الجاي. عجبني مرة الإيديتوريال. مو لأن الصور فيه حلوة، لكن حبيت الملابس فيه مرة. ما أعرف كم مرة قلت فترة عروض ملابس صيف 2012 بسبتمبر اللي فات، إن الطبعات كانت موجودة بكل مكان، بكل الأشكال، و الأحجام و الألوان. لكن ما جاببالي أنه ممكن أحد يلبس طبعات بهذي الكثرة و إنها ممكن تطلع حلوة. حبيت كيف منسقين الملابس بهذا الإيديتوريال، خصوصا بهذي الصورتين (تلقون باقي الإيديتوريال هنا). عجبني مرة شكل كارا دوليفين بهذي البدلة من مجموعة ربيع 2012 ماري كاترنتزو. أكثر شيء عجبني بالإيدتوريال هذا كأنه يقولك خلط كل الطبعات اللي عندك مع بعض و لا تخافين إنها بتكون مبالغة، أو بتصير غلط على بعض.

الإيديتوريال مليان طبعات من كل الألوان كل شيء مخلط مع كل شيء، أعجبتني الألوان الصارخة (زي اللي على كارا مرة ثانية). و عجبتني الألوان الفاتحة مرة زي اللي على كارا (تحت)، و على سن فيفي (يمين تحت)، و طبعا التيور اللي بعده اللي من دريس فان نوتين (قد تكلمت لكم عنه قبل). من أحسن القطع بكل الإيديتوريال بالنسبة لي كانت الكعب الإيرديم، اللي لابستها العارضات (تحت). 

ما أعرف مين يقدر يلبس كل هذي الطبعات و يطلع شكله حلو و لا هو مكركب (غير الموديلز طبعا :)، يعني أحس أنه شيء ماله قوانين يعتمد على حدسك أنت، لكن يمكن الشيء الوحيد اللي أعتقد أنه لازم لازم تسوينه لو لبست لبس كله طبعات، أنه شعرك و مكياجك يكون أبسط شيء ممكن تسوينه، أو بيصير شكلك شوي مهرج D: 

 شرايكم بلبس طبعات على طبعات؟

Best Style Advices for Men

أعرف إني قليل أو نادر أتكلم عن ملابس الرجال، مع إني أحب ملابس الرجال كثير ... الشيء اللي يخلي صعب علي أكتب عن ملابس الرجال للرجال، مو للنساء هو أنه الرجال هنا أكثرهم يلبس ثياب، و اللي يلبس بدل، ما يلبسها إلا بمناسبات محدودة، يعني لبس كل يوم، مو لأي مناسبة ثانية (عمل، حفلات رسمية). 

اليوم وصلني من Mr Porter جريدتهم اسمها Mr Porter Post، أكثر من مرة قلت لكم إني أحب إيميلات مستر بورتيه، فيها شيء يونس :)، إخراجها، مواضيعها، تخليني لو أنا مو مهتمة بملابس الرجال، أهتم غصب علي ... 

الجريدة كان شكلها لطيف (أعجبتني أكثر من مجلة نيت - آي - بورتيه)، موضيعها خفيفة، و كان فيها مقابلات قصيرة مع ثلاثة من أولاد أو أحفاد لمشاهير عن ذوقهم، و كيف يلبسون. حبيت المقابلات، لأني من فترة و أنا ودي أكتب شيء عن ملابس الرجال، بس عيت تجي معاي فكرة صاحية. (كنت أفكر أكتب عن التي شيرت و الجينز)، بس خواتي قالوا لي هذي مو نصيحة. ما زلت أعتقد إنها نصيحة، لأنه بنظري ما فيه أحد يخطي أبدا بجينز و تي شيرت، لكنهم عارضوني بشدة و بطلت .

حاولت أكتب عن عروض الموضة للرجال اللي كانت تقريبا قبل شهرين أو أكثر (مو متأكدة متى)، لكن الملابس كانت مبالغ فيها لنصايح لشخص أكثر شيء يلبسه هو الثوب، خصوصا أنه ملابس الشتاء للرجال للسنة الجالية كلها راجعة للأشياء التقليدية و الرسمية (مثل التوكسيدو، كرافات، بالطوات، و بدل رسمية)، يعني مو بسيط إني أوضح بموضوع واحد كيف تلبس هذي الموضة بأقل تكلف، و لا يصير شكلك كأنك لابس لبس تنكري لشارلوك هولمز أو شارلي شابلين :). 

المهم من الأشياء اللي كانت بالمقابلات القصيرة هذي نصايح أعتقد إنها بتفيد أي ولد أو رجل، كيف يلبس و يطلع شكله حلو، و أنيق. 

توكي براندو

يتكلم توكي حفيد مارلون براندو عن الشيء اللي يهتم فيه بالملابس: "أحب ألبس جاكيتات حلوة فوق التي شيرتات". "أحب البليزر اللي مفصلة بشكل حلو". 

بالنسبة لي أظن أنه بليزر خفيف مهم يكون بدولاب أي ولد، يصلح بالشتاء (لو بردت ألبس فوقه جاكيت ثقيل)، يصلح بالصيف، يصلح مع تي شيرت، يصلح مع قميص. 

إيثان بيك

إيثان بيك حفيد قروقري بيك (رومان هوليدي، هاو تو كيل موكينقبيرد). يقول إن من أهم الأشياء اللي لازم تكون عنده: "نظارت شمسية، و ساعة معدنية كويسة". 

عندي نظرية إن الرجل السعودي يطلع أوسم بكثير بنظارة شمسية، بس يفسخ النظاراة يطلع شخص ثاني أقل بكثير من اللي كان لابس نظارة :) هذا ما يعني أنه بكل مكان لازم يلبس النظارة، لكن نظارة حلوة ممكن تخلي أحد لو فترة قصيرة "وسيم" :). أما الساعات (مع إني ما ألبسها) أعتقد إن ساعة رياضية حلوة، ممكن تكون إكسسوار حلو لأبسط لبس، و تعطيه شكل مختلف (شوفوا كيف ساعة حلوة تغير شكل أي واحد بثوب). 

لوقان بلانيت

لوقان بإجابة عن أفضل نصيحة بالستايل قد سمعها:" لا تلبس بناطيل ضيقة". بالنسبة لي من أهم الأشياء اللي ممكن أنصح بالذات الرجال فيها هي أنهم ما يلبسون أي شيء مو على مقاسهم، لا أضوق و لا أوسع أبدا أبدا أبدا ... ما أعتقد أنه الملابس أوفرسايزيد ممكن تطلع حلوة على الرجال. إما تخليهم نحاف بشكل يكسر الخاطر كأنهم طالعين من مجاعة (لو كانت وسيعة)، أو تخلي أشكلهم "مقززة" لو لبسوا ملابس ضيقة. 

Rounded Necklace

بقولدين قلوب ميشيل وليمز طلعت مع مجموعة ثانية من اللي كانوا حاضرين حفل توزيع الجوائز، بحركة ما حبيتها لو تتذكرون وهو موضوع الربطة أو الطوق. المرة هذي بعد ميشيل و أكثر من ممثلة منهم كاميرون دياز و بينالوبي كروز كانوا لابسات "تقريبا" نفس العقد. 

العقد هذا اللي ما أعرف وش أسمه أنا خرفت له اسم بالعنوان مو متأكدة منه (لو تعرفون قولوا لي)، من زمااااان آخذ لي عقلي، الصيف هذا كنت أدور على شيء يشبه له بس ما لقيت، كذا صف فصوص (ما يهم ألماس أو لا) ما فيه شيء طالع، ما فيه حوسة بس شيء أنيق و فخم، لكن ما لقيت، و القليلات اللي لقيتها كانت غالية مرة. 

ما أعرف كيف بدأ ولعي بالنوعية هذي من العقود، لكن لدرجة رحت أدور على هذا الإيدتوريال لنتاشا بولي (ذيك الفترة)، و اللي كان عاجبني مرة، بس ما حفظته عندي (ما أحفظ أي إيدتوريال على جهازي، أكتب عنها و أحذفها:) لكن هذي الصورة من الإيدتوريال اللي عنوانه Just Married محتفظه فيها تقريبا من الصيف، لأنه نتاشا فيها يلبسها هذا الشايب عقد من كارتييه، بالشكل اللي كنت أحلم فيه. 

قطعت الأمل، لكن بعد فترة أنتبهت لشيء، لو كنتوا تبغون عقود زي هذي، بس ما تبغون تدفعون عليها مبلغ كبير، لأنكم زيي ما تروحون لزواجات و مناسبات كبيرة إلا تقريبا مرة كل سنتين، راح تلقون أشكال حلوة منها عند محلات الفضة، و هي أرخص بكثير من الذهب و الألماس.

شرايكم بالعقد؟ تفكرون تلبسونه مع فستان سهرة؟

The Other Iron Lady

الفترة هذي فيه الترويج لفيلم ميريل ستريب ذا آيرون لايدي عن مارقريت ثاتشر ... قبل فترة مو قصيرة سوت هاربار بازار إيدتوريال عن هذا الشيء كان مرة ظريف (راح أرفعه لكم، و أحط رابطه، بس الحين فيني شوي نوم، فأنتظروا بكرا إن شاء الله، شيكوا على الموضوع من جديد و بتلقون رابط لها :). هذا هو الإيديتوريال إن شاء الله يعجبكم.

ما راح أتكلم عن لبس مارقريبت ثاتشر، و لا عن ميريل ستريب اللي أحبها مرة، لكن عن مرأة ثانية بعد مهمة، لكن بس اليوم لما شفتها بالأخبار، جا ببالي، ليه ما عمري تكلمت عنها، مع إنها تعجبني مرة.

المرأة هذي هي زعيمة المعارضة بمينمار (بورما)، إسمها أون سن سو تشي، شكلها كيوت، لبسها دائما مرتب، ما أعرف كيف غابت عن بالي، بس ما علينا سويت لها سيت تعويض. (بالمناسبة ما زلت أستقبل حساباتكم على بوليفور لو بغيتوا تشاركون معاي بالمدونة). 

The Other Iron Lady by dejavuar featuring j crew sandals

The Row slim fit shirt, $1,067
Jason Wu floral print skirt, $1,250
J.Crew j crew sandals, $198
Rodo leather clutch, $645
Gunmetal earrings, 50 AUD

دورت صور أحسن لها بس ما لقيت، لكن و أنا أدور على صور أكتشفت أنهم السنة هذي اللي خلصت طلع فيلم عنها تمثل دورها ميشيل يوه، لو بغيتوا تعرفون عنها أكثر، و تشوفون لبسها (تراني ما شفت الفيلم)، بس أحب بلبسها إنها دائما تلبس تننانير، كأنها لافتها عليها، و دائما مع بلوز قصيرة، يمكن أكثر شيء أحبه فيها، هي الزهور اللي تحطها على شعرها، و لأني ما أحب حركة الزهور تنحط على الطالعة و النازلة، قررت إني أختار بدل عنها هذي الحلقات اللي أعطتني شعور إنها زهور برية صغيرة، بس ذهبية. و تراي حبيت الصنادل كثير، بصراحة حابة اللوك كامل :). 

لو كنتوا تعرفون أون سن سو تشي، وش رأيكم بلبسها؟ و لو ما تعرفون وش رأيكم بالسيت؟

Think Pink, and Other Colors

أعرف ما أمداني تكلمت عن الشعر الوردي يمكن بداية رمضان، لما طلعت صورة لكاتي بيري بشعر وردي (ولا طلعت لها صورة بعدها). من بداية هذا الشهر رمضان / أغسطس و أكثر من وحدة من السلبرتي طلعوا بشعر ملون. كايت بوسورث بأطراف زرقاء و بعدين دايانا أقرون (حقت قلي) بشعر وردي بعد. كل الثنتين قالوا الناس عنهم إنهم صبغوا علشان أدوار راح يمثلونها بالفترة الجاية، ما يهمني إن كانوا صبغوا علشان شيء راح يمثلونه أو لا، لأني أحب الشعر الملون و أشوف أنه يدخل البهجة على قلبي :). 

بهذي المناسبة تذكرت إيدتوريال مو جديد، بس حبيته، و كنت أدور له مناسبة علشان أكتب عنه و أحطه لكم، الإيدتوريال من مجلة جيليس و العارضة فيه هي شارلوت فري. 

شارلوت عارضة أمريكية (تقريبا جديدة)، بس أهم شيء فيها إنها صابغة شعرها وردي، يعني من طلعت هذي السنة و شعرها وردي، بالمعروض و بكل مكان، يعني مو بس لهذا الإيد. 

اللي كان عاجبني بهذا الإيدتوريال أنهم أستخدموا شعرها علشان يخدم الصور، عاجبني فيه جو السيرك (قبعة كبيرة، بناطيل مقلمة) و أهم شيء شعر شارلوت الوردي. 

من ناحية الملابس و تنسيقها بالنسبة لي ما فيه شيء مميز مرة، بس تعرفون الصور بهذا الإيديتوريال من نوعية الصور اللي البنات يحبون يحطونها بأي مكان يستخدمونه (بي بي، ماسنجير، فايس بوك، تمبلر، تويتر) فيعني إذا ما عجبتكم فكرة الشعر الملون، على الأقل تقدرون تسخدمون الصور لأغراض أخرى :) 

و علشان تتفرجون على باقي الإيدتوريال، وزي ما قلت لكم إذا ما عجبكم شكل شعرها، تقدرون تستخدمون الصور لشيء ثاني، بس لو حتى الصور ما أعجبتكم، ما عندي لكم حل للمشكلة هذي :) 

اللي خلاني أكتب عن هذا الموضوع من جديد، غير أنه زي ما قلت لكم شفت أكثر من سلبرتي صابغة شعرها، لكن بعد لأني شفت بكليرز هذي الخصل الملونة، (إيه أروح لكليرز صح إن عمري أكبر من 15 بس إلى الآن عندهم أحسن ربطات للشعر بألوان كثيرة :).

المهم أنا صراحة ما أعرف كيف ملمس الشيء هذا يعني شعر طبيعي أو لا، شعر إنسان و إلا من وين جاي، بس شكله حلو، و عجبتني ألوانه، و أهم شيء يعطيك فرصة تلونين شعرك، من دون ما تغامرين و تلونينه صدق. خصوصا أنه (على الأقل من وجهة نظري) الشعر الملون صعب يطلع حلو بالمناسبات الرسمية (يعني زواجات، ملكة زوارة) أو ما شابه، لكنها بتطلع حلوة مرة لحفلات ثانية (خصوصا العيد جاي). 

آخر شيء بس بغيت أعلمكم عن سعرها، سعر الخصلة الوحدة بـ 33 ريال أو ما يعادلها من العملات الأخرى :). 

شرايكم بالإيديتوريال؟ و ممكن تستخدمون هذي الخصل من كليرز، و إن كنتوا استخدمتوها كيف لقيتوها؟

Statement Headwear

من فترة و أخوي الصغير كل شوي يجيني و يقولي تعرفين ذولاك الزرق (يحسب إني ما أعرفهم) سووا له فيلم 3D. طبعا بعد سؤال و جواب عرفت أنه "الزرق" هذولا هم السنافر.

اليوم شفت هذا الشيء، شيء ما أعرف إذا يسمى إيديتوريال أو إيش بس فيه "سنفورة" لابسة من ملابس خريف 2011. الشيء هذا مسويته هربر بازار و تلقون هنا الباقي.

مو أول مرة تسوي مجلة أزياء "إيدتوريال" شخصيات كرتونية، قبلها شفت إيدتوريال لسمبسونز، و مرة شفت إيدتوريال لشخصيات ديزني التقليدية: ميكي و ميني و دونالد و البقية ... على أنهم هم المصممين.

مو بس كذا، شكل المصممين بعد يحبون الشخصيات الكرتونية، مثل بمجموعة دي آن جي ربيع 2011 كان فيه تي شيرت عليه سنو وايت. مو هذي الفكرة اللي أبغى أتكلم عنها، بس يعني كذا "سالفة تجر سالفة". أخترت هذي من بين الصور الثانية لأن سنفورة لابسة شيء من أكثر الأشياء اللي أعجبتني من خريف 2011 و هي قبعة لانفين، مو بس القبعة هي الشيء الوحيد اللي عاجبني من هذي المجموعة.

الشيء الثاني اللي أعجبني بعد بالعرض نفس الشيء، قطعة أو إكسسوار للشعر، ما أعرف وشو بس كأنه ورق أو زهرة سوداء، كل الإثنين عجبوني، بس القبعة مشكلتي معها، المشكلة الأبدية، هي أنها ما تنلبس هنا، مع أنه عندي قناعة، إنه بنشوفها كثيييير بصور "ستريت ستايل".

الشيء الثاني حابته (ما أعرف كيف يركب) علشاني ماراح أواجه صعوبة بلبسة، و مع إيش ينلبس، و حبيته بعد لأنه ممكن يخلي شعر مسرح بشكل عادي جدا شكله مرة حلو.

تعليق بسيط، الفستان الأبيض و الأسود (يسار) هنا صورته كاملة، حلو مرة، و عندي إحساس أنه فيه أحد من السلبرتي راح يلبسه. 

The White Tee

أمس لما وقت زي دايم بصندوق البريد، لقيت شيء أسود مغطي، و قريت مكتوب بالأبيض Net-a-Porter.com المهم شوي لأكسر الصندوق من الحماس، و لما فتحته لقيت مجلة الموقع مرسلينها لي، و أنا ما طلبتها (شكرا يا نيت آي بورتيه) هذا اللي قدرتوا عليه P:.
مع أني مو مرة مع مجلات الأزياء (يعني مطبوعة) أحسها تشتتني بكبر و كثر صورها، بس شفت هذا الشيء و عجبني.

لقيت هذي الصفحة، طبعا هذي شكلها عقب ما قصصتها، بس هي (يعني الأساسية) بس مرسوم عليها هذي البنت و هي لابسة هذا التي، و حاوليها هذي الخيارات من التنانير. و أنا أخترت هذي.
قبل لا أدخل معكم بتفاصيل اختياري، التي شيرت الأبيض السادة، صار من أهم موضات ربيع و صيف 2011 و شكرا لمجموعة جيل ساندر (اللي بنظري أظن إنها أنجح المجموعات لهذا الموسم).

نرجع لخياراتي، أخترت هذي التنورة من روكساندا لينشيشلأن لونها حلو، و شكلها حلو، بالنسبة لي بتعطي التي الأبيض شكل حلو، صحيح مو عاجبتني يعني فوشيا على فوشيا بايخ شوي، بس لو كان عندي فلوس، راح زختار هذي الجزم من عليه، من زمان عاجبتني عزالدين عليه أحسها تحفة، و هذا الكعب الصندل الرمادي بيكون حلو مع اللبس.
 نجي للتنورة الموسكينو، ودي أقول للي سواها إحلف ... يعني ببساطة، ألقى تنورة زي هذي عند Forever 21، معقولة أدفع حوالي 4000 ريال على تنورة زي كذا؟ ما أدري بس فيه مثل يقول رزق الهبل على المجانين، ما سوو شيء زي كذا، إلا لاقين أحد يشتري.
التنورة جيل ساندر، حلوة نقشاتها بس طفشت من التنانير البنسل (اللي ناس يسمونها "سكني")، بالنسبة لي أفضل الشنطة اللي زي النقشات، يعني ممكن ألبسها مع اللوك هذا.
التنورة اللي من إيرديم حلوة، بس هذا الشكل مليته شوي، و بعد أحسه بناتي على ذوقي، التنورة مو موجودة إلا على أي نيت بورتيه الأمريكي.
التنورة اللي يمكن أختارها بعد تنورة روكسندا، هي هذي التنورة اللي من كريستفور كين، لونها حلو، و يكفي إنها دانتيل، بس خلاص إنا قررت إني أبغى روكسندا، يعني روكسندا P:.

شرايكم بهذا اللبس؟ يعني بس روحي لأقرب زارا خوذي تيشيرت أبيض، و ألبسي التنورة اللي تحبينها.

Which Team Kate Would Join

السنة هذي شكلها سنة الزواجات. أنبسط كثير على موضوع الزوجات، أحب حفل الزواج المنظم و شكله حلو، و جديد. زي ما قلت لكم أقل من شهر و وليم ولد ولي عهد بريطانيا راح يتزوج خطيبته كايت ميدلتون اللي نشف ريقها من عشر سنين.

علشان هذا الزواج كل العالم هابة، كأنه ما تزوج غيرهم، زي ما قلت مليون مرة مع إني أحسه بيكون زواج بايخ. المهم Vogue UK طلعت عدد مايو كله تقريبا خاص بهذا الزواج، وسوت الإيدتوريال اللي فوق، و علشان أوفر عليكم صراحة الإيدتوريال بايخ، بس أنا جبت صور منه علشان قضية وحدة، خصوصا لما شفت الفستان الأوت كتو الديور الموف (أكيد يمين)، و جا ببالي هل ممكن تلبس كايت لون غير الأبيض و درجاته؟ أشك.

السنة هذي كان فيه زوجين للسلبرتي الأول (اليسار) زواج نيكول ريتشي، و لبست فستان فيه من ماركيزا، الفستان أبيض زي ما تشوفون، و يميل كثير للكلاسيكي. أساسا نيكول كانت تبغى فستان مستوحى من فستان قريس كيللي اللي تزوجت رينيه أمير موناكو.

الزواج الثاني هو زواج ريز ويذيرسبون الثاني، تزوجت بفستان وردي من مونيك لولير، كفكرة أنا أساسا ما يدخل مزاجي إلا الأبيض و درجاته، لكن على قلة الصور اللي شفتها لها (جلست أنتظر و عيا يطلع مع الناس صور زيادة) أعجبني شكلها (لولا شريطة وردية عند الخصر) بس أكثر شيء عجبني بالموضوع إنها لبست طرحة بيضاء مع الفستان، طلع شكلها مرة رايق. و هذا نفس الشيء اللي مسويته فوق مع الفستان الموف، ملبسه الموديل طرحة بيضاء.

أنا ما أتوقع بتلبس من أي وحدة من المصممتين مونيك أمريكية، و ماركيزا هي مصممة بريطانية، بس دار الأزياء مكانها نيويورك، و الغالب إن كايت بتلبس لبريطانيين (أو الأكيد).
الشيء الثاني ما أتوقع بعد تلبس لون مو تقليدي، لأن الزواجات الملكية الأوربية اللي قبلها كلها كانت أبيض: ماري أوف دينامارك، ميته مرييت أوف نوريج و آخر وحده الصيف اللي فات هي ولية عهد السويد فكتوريا.
و آخر شيء أتوقع أكيد ماراح تلبس شيء يشبه فستان ديانا، مو لأنه قديم، لأنه بيكون شكلها مثير للشفقة لو جلست تنسخ دايانا من جديد، خصوصا أنه خاتم الخطوبة، هو خاتم خطوبة ديانا.

لاحظتوا كل الزواجات الملكية ما فيها سترابليس، و أكثر شيء مكشوف كانت فيكتوريا، تتوقعون تلبس كايت سترابليس، أو من دون أكمام؟ بالنسبة لي لا. 

Collar Still Alive

الصيف اللي فات طلع عرض ميو ميو اللي كله عصافير و بسس، الشيء اللي ميز ذاك العرض هو القبات. طبعا الشيء الأميز بالقبات إنها كانت منفصلة عن الملابس، يعني تشترى لحالها، نفس الشيء بالعرض اللي بعده عرض الخريف 2010 كانت القبات منفصلة.

اليوم شفت إيديتوريال من مجلة i-D (تعجبني مرة المجلة هذي) و تحمست أكتب عن القبة.

لو شفتوا باقي الإيدتوريال (هنا)، بتشوفون أنه كل القطع و اللي أساسا مالها قبة حطوا لها هذي القبة الدانتيل. ما أعرف من وين هذي القبة بس عجبتني، و عجبني إنها تمشي على أشياء كثيرة و تخليها كيوت و بناتيه قوة، من أكثر الأشياء اللي أعجبتني عليها هو الشيرت دريس الجينز اللي من ستيلا مجوعة ربيع 2010، ما كان عاجبني قوة لحالة بس مع القبة حبيته.

زي العادة رحت أدور على مواقع تبيع قبات، و زي كالعادة طلع لي أسوس المنقذ يبيعون قبة كروشية مرة حلوة و ناعمة بتقريبا 60 ريال. أعجبتني سعرها معقول، و تصلح مع أشياء كثيرة و أهم شيء تشبه الإيديتوريال.

أما إذا ميزانيتكم مفتوحة ففيه هذي القبة من فيونيه تنباع منفصلة، زي اللي كانت بالإيديتوريال حق الألوان الطبيعية. عند ماتشز بـ 1100 ريال. 

Very Natural

كل صيف يميزه شيء معين، و مجلات الأزياء دايم تسبق الناس بحبتين، يعني علشان تعلم الناس وش يسوون (مو هذا دورها)؟. الألوان الطبيعية كانت موجودة بعروض ربيع 2011 إذا تتذكرون لما غطينا العروض، كان الأبيض بكل مكان تقريبا.
بعض المرات بالنسبة لي أحتاج أشوف إيدتوريال حلو علشان ينعش تفكيري بوش أكتب بالمدونة، و يعطيني إلهام لوش ألبس.

لما شفت صور الإيدتوريال هذا، حبيته قوة خصوصا هذي الصورة، فيها شيء من التسعينات. مو بس كذا، حبت فكرة أنه للصيف هذا يكفي تلبسين ملابس لونها أبيض أو ألوان طبيعية مع مجوهرات ستايتمنت (فضي أو ذهبي)، و خلاص هذا كل شيء ... يعني و لمزيد من الإثارة روج أحمر بعض المرات.

علشان كذا سويت سيت، ما عجبني شكله النهائي، مو تجميع الملابس فيه، بس باحطه لكم، لأنه أختيار الملابس عاجبني، و لا أبغى أزود شيء أو أنقص منه.

Natural by alorwa featuring oversized handbags

Stella McCartney print dress, 1,465 GBP
Donna Karan platform wedge heels, $750
Heidi Mottram oversized handbag, $378
Mawi cameo jewelry, $1,125

زي دايم كل المعلومات موجودة تحت الصورة، لما شفت الإيدتوريال، تذكرت هذا الفستان من ستيلا مكارتني، عاجبني من فترة و ودي أسوي فيه شيء (عاجبني شكله من ورا) شيكوا عليه من الرابط اللي موجود تحت الصورة. 
بعيت بعد ما أختار زي ألوان فاقعة أو زاهية. الجزم بغيتها وجز بعد، بس أوان باهتة لأن الفستان يستاهل أنه يعطى وجه أكثر من أي شيء ثاني. أخترت العقد هذا بعد علشان أعطي للفستان شكل، خصوصا إن رقبته دائرية ضيقة، و بيمشي معها العقد.