Trend Alert: Rain Boots

من فترة كنت أدور لي على بوت (ما يحتاج أقولكم إني صرت أحتاج بعض المرات ألبس بوت)، ما علينا. و أنا أدور و تعبت من التدوير فكرت: طيب أبوات مطر ما تطلع "كووول"، ما يحتاج أقولكم إني كنت أتوقع إنها رخيصة، لأن بالعموم شكلها مو حلو (على الأقل هذا رأيي فيها)، بس قلت يمكن يطلع شكلها حلو، طيعا إلى الآن ما أعرف أسعارها. 

قبل فترة شفت إيديتوريال لكيري موليقان على هاربر بازار البريطانية و شفتها و هي لابسة هنتر (أبوات مطر) مع هذا البالطو الصيفي من برادا، شكلها ظريف، مو حلو، بس شكله ريفي إنجليزي مرة، بس زي كثير من الأشياء اللي تكون بالمجلات و الإيدتوريالز ممكن تكون ظريفة على الورق، لكن بالواقع لا. حفظت الصورة وقررت أراجع نفسي بعد أكثر (و بنفسي حتى لو شريت أبوات، ما راح أشتريها طويلة كذا. 

اليوم و أنا أقلب بمجموعات الريزورت ل 2014 شفت مجموعة فالنتينو، و أول شيء انتبهت له أنه كثير من "اللوكز" اللي حاطينهم باللوك بوك، كانوا العارضات لابسات أبوات مطر أول سؤال جا ببالي: "ممكن نشوف أبوات المطر صارت موضة؟" ما أستبعد، أعتقد على الأقل واحد أو اثنين بيحاولون يلبسونها يمكن بأسبوع الموضة بنيويورك بسبتمبر، أعتقد إن هانا قابي ممكن تلبسه (مع أنها بالعادة لها ستايلها الخاص اللي مو كل الناس تسويه). بس خلونا نشوف. 

أعرف إن أكثرنا ما يقدر يلبس هذي الأبوات لأنه حر و جونا بالعادة "خالي" من الأمطار، بس لو كنتوا بمكان ثاني، ممكن تلبسون هذي الأبوات على إنها "كشخة"؟ 

Best Dressed: May '13 Winner

المرة هذي صار فيه تعادل (أتذكر أنه صار كذا قبل بس عجزة أرجع أتأكد) المهم أنتم صوتوا لكيري موليقان و جون سمولز، بنفس عدد الأصوات. بس لأنها مدونتي P:  (أظني قلت الكلام هذا من قبل) قررت إني أختار كيري موليقان. للأسباب التالية: 

صحيح قررت إني أختار كيري مو لأني أحب كيري، أو لأنه هذا اللبس اللي ممكن ألبسه بس، لكن أولا لأنه من فيونيه، أعرف أنه جون و جيفانشي ما قد فازوا بأحسن لبس للشهر (يعني مو أخذوا فرصتهم، فجاية أعطي الفرصة لأحد ثاني)، بس ما أعرف ليه أحس إني دايم أميل للماركات الأقل شهرة، أحس هذي طريقتي لتقدير جهدهم إلي ما يقدره ناس كثار. المهم السبب الثاني من بدأت موضة المنوكروم (الملابس الأسود و الأبيض) تقريبا مع مجموعات صيف 2013 ما شفت لبس عجبني مرة، حلوات، بس بالنسبة لي مو مميزات، فبالنسبة لي هذي طريقة إني أوريكم كيف ممكن الواحد يلبس هذي الموضة بشكل حلو، مو تقليدي. 

* زي دايم أنتظروا بكرا التصويت لأحسن ملابس يونيو. 

Best Dressed: May 2013

قلت لكم المرة اللي فاتت إني متحمسة لشهر مايو لأن فيه كان و ميت قالا. من سوء حظ ميت قالا أنه جاي بنفس الشهر مع كان، فلو أحد لبس فيه لبس حلو أكيد بيجي أحد بكان و يآخذ مكانه، مو لأن الناس اللي تجي كان تلبس أحلى، لكن كان يستمر أسبوعين تقريبا، و فعاليات ليل و نهار، أكيد بيكون فرص أنه أحد شكله حلو أكثر.

ما علينا من الكلام الفاضي، نتكلم بسرعة عن أحسن الملابس لهذا الشهر.

أودري توتو بعض المرات أحس يكفي حضورها علشان يطلع المكان حلو (آخر أحسن لبس سويته السنة اللي فاتت هي اللي فازت بفستان من برادا بكان)، هذي المرة ما لبست برادا، و جاية بشعر قصير، ذكرني بشكلها لما كانت تروج لفيلم دافنشي كود. أودري لابسة فستان سماوي فاتح، من مصمم (فرنسي) توي أعرفه أسمه يكيانق ين. كيري موليقان و زوي سالدنا كانوا من أحسن اللي لبس موضة المنكروم (الأبيض و الأسود). بس زوي أضافت جزم حمراء مع اللبس (زوي صايرة تكثر لبس جزم حمراء أو كورال). نيكول كيدمان من زمان ما شفتها كذا، لكن تقريبا كل لبس لبسته بالمهرجان (كانت عضو لجنة تحكيم) حلو، حبيت بالأخص ديور كتور اللي لبسته للإفتتاح، و فالنتينو كتور (الأول من اليمين بالصف الثاني)، (بالمناسبة هذا هو الفستان اللي كانت آن هاثواي بتلبسه للأوسكار، و غيرت بآخر لحظة).

سيينا ملير باللوك اللي من بوربري لبسته لميت قالا (تكلمنا عنه قبل)، جون سمولز (عارضة بورتو ريكية) بجيفنشي (المجموعة اللي حابته، بس إلى الآن محد لبسها بشكل حلو). و مرة ثالثة إيلي صعب.

Create your free online surveys with SurveyMonkey , the world's leading questionnaire tool.

Prada's Gowns: Yay or Nay?

أعرف أنه كان (مهرجان كان) موجود و أنا متجاهلته، مو لأني ما أتابع، لكن كل مرة ودي أكتب عن شيء أقرر إني أخليه بعدين لأني ودي يدخل بقائمة أحسن الملابس لشهر مايو P:. المهم اليوم صار فيه فرصة إني أتكلم عن شيء صار بكان. قريت عند ريدكاربيت فاشن أواردز (أعتقد ما فيه أحد ما يعرف مدونتها) بتعليقها على فستان ميلا جوفوفيتش اللي لبسته اليوم في كان (على اليمين) لعرض فيلم كليوبترا. 

كاثرين تقول (أعتقد هذا اسم صاحبة المدونة) أنه بهذا الفستان أثبتت ميوتشا برادا أنه ما تعرف تصمم فساتين سهرة. صراحة أنا عجبني الفستان اللي على ميلا (لكان هذي السنة، لأنه موجود بالصورة فوق صورة لميلا بفستان بعد لبرادا بكان السنة اللي فاتت) أعرف أنه ما يلبسه أي أحد، لكن حسيت فيه شيء أنيق و مميز. 

طبعا بما إن كاثرين تقول إن برادا ما تعرف تصمم فساتين سهرة، جمعت لكم هنا بعض فساتين السهرة اللي صممتها برادا، و على الأقل "بوقتها"، كثير عجبتهم. (من اليمين :بالكحلي و الأسود لكان 2013 ميلا جوفوفيتش، فوق: بالأسود كيري موليقان لأوسكار 2010، فوق يسار: ميلا جوفوفيتش كان 2012، تحت يسار: آن هاثواي أوسكار 2013، تحت: قوينث بالترو فانيسيا 2011). 

المهم، السؤال لكم أنتم الحين، تعتقدون فعلا برادا ما تعرف تسوي فساتين سهرة؟ و إيش رأيكم بفستان ميلا لكان السنة هذي؟

No Makeup Makeup

الأسبوعين اللي فاتوا لاحظت شيء بالريدكاربيت (خصوصا مع كيري موليقان) هو مكياج من دون مكياج. آحب هذا المكياج، تكلمت عنه قبل لما كان موجود بعروض المصممين للصيف اللي فات. بس هذي المرة على السلبرتي، و بالريد كاربيت.

زي ما قلت لكم قبل أكثر عروض صيف 2012 كان المكياج فيها "مكياج من دون مكياج"، و زي ما قلت لكم أحبه، بس ما أعرف شعوري تجاهه على الريدكاربيت. أتمنى أقدر أخليه مكياجي دايم، بس ما عندي الشجاعة، مو معناه إني ما أمشي إلا بمكياج (أحب المكياج) بس يمكن يمر شهر أو أكثر من دون ما أحط و لا شيء على وجهي يمكن المفروض أقول إني ما أقدر أتحمل، مو ما عندي الشجاعة لأني أطفش بسرعة، و ودي أجرب أشياء جديدة.

زي ما قلت لكم، ما أعرف وش شعوري تجاه الموضة هذي، خصوصا من كاري (صح شكلها حلو) بس لأنها طلعلت بهذا الشكل بأكثر من مناسبة حسيت إني طفشت منها، و بدت تأثر على الملابس P:. 

أنتم قولوا لي وش رآيكم؟ و ممكن تروحون لمناسبة كبيرة بمكياج من دون مكياج؟ 

MET Gala 2012: Best Dressed

و أخيرا بعد يوم و زيادة قدرت أقرر أحسن ملابس لميت قالا أمس أو قبل أمس. غير التريندز اللي قلت لكم عنها، كان فيه كثير فساتين ذهبية/ فضية لماعة. (كنت راح أتكلم عنها) لكن لما شفت كثير منهم أخترتهم لموضوع الروج الغامق و الشعر، و حتى أحسن لبس، ما بغيت أكرر نفس الصور من جديد، فقررت على طول أحط هنا أحسن الملابس. 

صراحة عجزت أختار من أحسن الأحسن، لكن أكيد ميت قالا هذا السنة كان فيه كثير أشياء حلوة (ما أتذكر عجبني شيء كثير السنة اللي فاتت). يمكن أسوء شيء بهذي السنة، إن آشلي أولسين ما جت، ما أعرف ليه بالذات بهذي المناسبة أحس لازم كل الثنتين لازم يجون. 

هنا بس حطيت صور مقربة للي عجبوني، لكن بتلقون بالألبوم صور للفساتين من قدام، و تحتها كل واحد من وين. تعليقات بسيطة راح أكتبها هنا على تقريبا كل وحدة. 

• عجبني كثير شكل كيري موليقان، أصلا اشتقت لها من زمان ما طلعت، لكن أسوء شيء بالنسبة لي كان أختيارها للجزم، لكن ما يمنع إنه شكلها عجبني. 
• عجبني شعر ماري كايت أولسين، أحب لما يكون فيه شعر طاير من التسريحات (أتذكر ديان كروقر كانت تسوي تسريحات تشبه هذي كثير)، اللي يخليني أحبها، أحس أنه فيه شغل دقيق و جامد كان عليها. بعد حبيت الشيء اللي شايلته ما أعرف هو شنطة أو علبة مكياج قديمة أو إيش؟!!
• عجبني كثير القفاز اللي لابسته كارا دوليفان، أحس من دون القفاز كان الفستان بقى حلو لكن ما فيه طعم ميت قالا. 
• أعجبني الشعر الأسود مع هذا الفستان على جيسيكا ستام، جلست أتحيلها و هي لابسته بشعرها الأشقر، عجزت أتخيل أنه بيطلع بهذا الشكل. 
• عجبني لون شعر لانا مع مكياجها، ما حبيت إنها صبغته غامق، لكن أكيد المكياج هذا خلاني أول مره أحس إن لانا ممكن تطلع حلوة :). 

لو كنتوا تابعتوا فساتين ميت قالا من عجبكم أكثر؟

Best Dressed: January '12

السنة اللي فاتت 2011 قررت إني أسجل عندي أي لوك عجبني، علشان نهاية السنة أحط قائمة لأفضل الملابس و لا أنسى شيء ... بالآخر طلعت بمجموعة كبيرة مرة، و بطلت أكتب لأني عجزت أقلص القائمة.السنة هذي سويت نفس الشيء، لكن قبل يومين قررت بدل ما أجمعها كلها للأخير، و أبطل زي السنة اللي فاتت، قلت أحط استفتاء لكم كل شهر أنتم تقررون وش أحسن لبس لهذا الشهر، خصوصا يناير ما خلص.

إيل فانينق برودارتي:

فستان عباد الشمس كان عاجبني مرة من العرض، توقعت كريتسن دونست تلبسه، لكن إيل هي اللي لبسته، و طلعت بشعر مرة حلو، و وجه فريش.

كيري موليقان بلانفين:

للأسف ما فيه صور كثيرة لكيري بهذا الفستان، لكن فيه فيديو لها، يوريك قد إيش كان شكلها حلو، الفستان شكله غير الأشياء اللي بالعادة تلبسها كيري، أهم شيء عجبني كيف متموج.

روني مارا بفالنتينو:

تلكمت عن هذا اللوك قبل، بالنسبة لي ما زال أحسن لبس طلعت فيه روني، و هو أكثر لبس ملون لبسته لحد الآن.

رامولا قاراي بأليساندرا ريتش:

قلت قبل إن أليساندرا ريتش صايرة فساتينها مفضلة على الريد كاربيت. ما ألوم اللي يلبسها بأغلب الحالات طلعت أشكالهم حلوة، رامولا مو استثناء، لون لافستان مناسب لون بشرتها ... و شكله طالع حلو على جسمها.

تيلدا سوينتين بحيدر أكيرمان:
هذا اللوك بالنسبة لي كان من أحسن الأشياء اللي لبستها تيلدا سوينتين، لونه علي بشرتها مرة حلو، ذكرني بفستان من جان بول قوتييه تقريبا بنفس اللون لبسته كايت بلانشيت بعد لقولدين قلوب 2005.

كايت بوسورث بأنتطونيو بيراردي:
كل شيء بهذا اللوك يخليني أختاره، أولا الفستان، ثانيا الشعر (عجبني أنه مشدود على ورا)، أكثر شيء عجبني أنه كل شيء أحمر بهذا اللوك من الفستان للروج، و آخر شيء الجزم.

دايان كروقر بإرديم:
كثير أقول صعبة على ديان إنها تطلع بشكل مو حلو ... الفستان هذا من أكثر الأشياء اللي أعجبتني بعرض إرديم، لكن بالنسبة لي دايان حلته أكثر خصوصا مع شعرها، و كيف ماسك على جسمها.

روز بيرن بإيلي صعب:
تكلمت عن روز بالبوست اللي قبل هذا، عن أحسن ملابس جوائز ساق ... رجعت أكثر من مرة أشوف اللي جوا، و ما زلت أظن أنه روز كانت من أحسن من لبس بالجوائز، و بكل شهر يناير.

Cannes Diaries: Carey Mulligan

كيري موليقان ذووووق ... قلت لكم من زمان إني أحس إنها بتصير شي، جت لكان عشان فيلمها الجديد Wall Street 2، المهم كيري من وصلت لكان و هي لابسه فستان من بارادا عليه صور شاطيء و أكيد أنه ذوق لأن كيري لابسته، و لأنه من برادا (فستان صيف ما فيه كلام) و لابسة نظارات من ديور ... بعدين لبست من غولاند موغيه فستان كلاسيكي من موغيه بسفطاه و قصاته ... حلو خصوصا مع الكعب .

الشي الي قتلني فستانها من أتزارو .... وااااااو كذا الوحد يمشي على الريد كاربيت حق كان ما أعرف كيف آصفه، لا اللون، لا الياقه الي كلها مجوهرات، و لا حتى طوله ... إما التسريحة و المايك توجع ... بجد تخلني أغار منها.

The Grandma

أحب كيري موليقان ... كيوت و أنيقة، بس آسفة ببريمير فيلمها الجديد The Greatest لابسه فستان (أعتقد من شانيل أو برادا) صراحه اللوك يصلح للملكة اليزبيث ... :) يعني لا اللون و لا التصميم ... و لا طول القستان ، حتى الكعب قله يقول أنا جده ... ؟!!!!
من جد قهرتني بهذا اللوك ... بس قبل يومين انبسطت من إيما على لبسها، لأني زي ما قلت حبيت أنه مو الستايل تبعها ... كيري شكلها كانت تبغى تسوي شي زي إيما فطلعت بلوك ما توقعنها لوك الجده

RTO: New look, new suggestion

صحيح مرات تطلع فساتين أحس إنها ألبق من الي أقترحتها، بس ما أغيير رأيي يعني يقالي عند كلمتي، جبت اقتراح ثاني لكيري مو لشي، لسبب واحد إنها غيرت لون شعرها، و بالفستان الأول أحس بيطلع شكلها كأنها لابسه قميصص نوم مع هذا الشعر. أحتوت لها لبس من أسبوع لندن مع أنه ما فيه ناس كثير تلبس من مصممين بريطانيين ما أعرف ليش (يمكن عشان البريطانيين بخلاء، ما يلبسون أحد من دون فلوس فما نشوف كثير لبسهم على مشاهير P: ...

أخترت لها هذي المره قصير عشان خاطر ريم :) ... مع إنه في كلام إن آنا ونتور لما قابلت كيري اقترحت عليها إنها تلبس قصير بس قالت كيري أنه في شي ببالها ... يعني وارد أنه مو قصير ...

RTO: I'm Not a Big Dress Girl

تكلمت قبل عن كاري، و قلت أنه لبسها يعجبني ... أنبسطت أنها بتكون كثير على الريد كاربيت السنة هذي، بس إلى الآن ما عجبتني، و لا عجبني فستانها بالقولدين قلوب، الفساتين النافشة عليها مو حلوة، يمكن علشان شعرها ... عجبني هذا اللبس من Alexis Mabille و حسيته عليها بيطلع حلو، لأنه مو نافش و لأنها طويلة ... أقدر أقول تسعين بالمية ما راح تلبسه ... بس ودي أشوفها فيه.