The New Half Shaved Head

أول ما شفت القصة هذي على رازموند بايك قبل أسبوع أو أكثر، ما كنت أتوقع أحد بيسويها غيرها (مع إني ما توقعت إنها ممكن تسوي قصة زي كذا). المهم، اليوم أكتشفت شخص ثاني مسوية نفس القصة (بعد إنجليزية) هي سيينا ميلر، فقررت إني أتكلم عنها. 

ما أتذكر وين بالضبط أول مرة شفت هذي القصة  بس من زمان (أكيد شفتها قبل ما تقصها رازموند)، عجبتني، بس ما كنت أعتقد إنها قصة ما تصلح إلا لتسريحة: مالي خلق، و الجو قرف، و ودي أخلص الشغل اللي معاي. (كذا أحس هذي القصة تقول). علشان كذا ما قد فكرت فيها أبدا لنفسي (و إلى الآن ما أفكر فيها). أعتقد أنه حتى مع مكياج و تسريحة كل الثنتين القصة تعطي يا شعور مالي خلق أو (أنا bad a**) ما عندي مشكلة بالثانية، بس أحس بعد مو كل واحد يضبط عليه هذا السلوك، إلى الآن لما أشوف صور رازموند بالشعر هذا أعجز أربطها بالمرأة اللي أشوفها بالأفلام و على الريدكاربيت. 

مع أنه كريستين ستيوارت قصت شعرها قريب (قصة مختلفة)، بس أحس هذي القصة ممكن تكون مناسبة مرة عليها. ما علينا ننتظر و نشوف مين راح يقصها بعد رازموند و سيينا. 

أنتم وش رأيكم ممكن تقصونها؟ أو حتى قصيتوها قبل؟ 

Best Dressed: September 2013

زي ما قلت لكم قبل، ما أعرف ليه الملابس الحلوة كانت كثيرة هذا الشهر، لدرجة إني لما جيت أختار القائمة النهائية، كل شوي أحذف أحد و أدخل أحد، كله علشان آصل القائمة النهائية الأحسن. بصراحة ما أعرف أنا قدرت أختار الأحسن، أو فيه ناس طلعوا من القائمة و هم يستاهلون، بس خلونا نركز على الموجودين، و إن شاء الله يعجبونكم. 

أقدر أقول إن الثيم حق هذا الشهر هو المنكروم (الأبيض و الأسود) ما عادا دايان كروقر بفالنتينو و آشلي ميداكوي بمونيك لوليه (بالمناسبة كل الثنتين كانوا قبل موجودات بأحسن لبس). أول وحدة عرفت إني راح أدخلها هي لوبيتا نيونقو (الصف الأول، أول وحدة من اليسار) بفستان برادا (أتمنى إني قلت اسمها صح)، بصراحة ما أعرف هو الفستان حلو، و إلا هي اللي محليته. بس بشكل عام أعتقد لو استمرت على الساحة قدامنا وحدة أعتقد إنها بتكون من الموجودات دايم على هذي المدونة. سيينا ميلر بعد من الأشخاص اللي أعتقد إني صايرة ما أقدر أقول لأي شيء تلبسه أنه مو حلو، ما أعرف بس من ولدت و هي صايرة حلوة بعيني، قولوا لي أنكم أنتم بعد تشوفونها حلوة، مو بس أنا أتوهم. إليزابيث موس (أول يمين) للي ما يعرف ماد مين مثلا أعجبني شكلها مرة بالإيمي، و إن خياراتها كلها كلاسيكية، من شكل الفستان، لألوانه للون الروج. 

Create your free online surveys with SurveyMonkey , the world's leading questionnaire tool.

Best Dressed: June 2013

أقدر أقول إن شهر يونيو ما كان أحسن شهر من ناحية الملابس، على أنه كان فيه بريميرات أفلام مثل ذا بلينق رينق و سوبرمان إلا إنه الملابس ما كانت مرة مميزة، مو سيئة لكن مو مميزة. أقدر أختصر الموضوع أقول أنه أربعة إنجليزيات دخلوا القائمة هذي المرة (أظنه أكبر عدد من بديت أسوي التصويت). و الثلاثة أشياء اللي مو جديدة على "أحسن لبس" هم: سيينا ميلر، لوي فيتون و فالنتينو. 

أظن إن القائمة هذي المرة متنوعة مرة (من ناحية خيارات اللبس). من اللبس الناعم مرة زي الفالنتينو اللي لابسته جايسا شيمينازو (الصف الثاني يسار) للبس كارا دوليفان ببنطلون بوربري و كعب أحمر (مو قايلة لكم أحس إن الجزم الحمراء/الكورال كاثرة على الريدكاربيت). بالنسبة لي أكثر لبس ما يمثلني هو صوفيا فيرقارا من إيرفي ليرو، يمكن اللي متابعني من زمان يعرف أنه هذي النوعية من اللبس ما تعجبني (كليفيج و كرفز و أشياء زي كذا)، لكن حبيت المجوهرات اللي اختارتها مع الملابس حسيتها أعطت اللبس "رقي" و أظن بهذا الشكل حتى لو ما كان ذوقي فهو (على الأقل على حسب علمي ذوق كثيرين).

حبيت لبس أوليفيا باليرمو، و بذات اختيارها للجزم، حبيت لون فستان أشلي ميداكوي (الصف الثاني، الأول من اليمين) مرة حلو مع لون بشرته، آخر شيء حبيت مرة شكل هايلي بينيت بلوي فيتون خريف 2013، هايلي مو أول وحدة تلبس من المجموعة (أتذكر إن كايت موس و فلورانس ويلش و كارلي كلوس كلهم لبسوا منها) لكن بالنسبة لي هايلي أحسن من لبس. لون الفستان مع لون شعرها و بشرتها و تسريحتها و مكياجها و أهم شيء كيف الفستان ماسك عليها كله خلاني أظن أنها تستاهل مكان بالقائمة.

* أعرف إن حالتي حالة مع التصويتات، بس صلحت التصويت، و حطيته على موقع ثاني، إن شاء الله ما يخرب. 

Create your free online surveys with SurveyMonkey , the world's leading questionnaire tool.

Best Dressed: May 2013

قلت لكم المرة اللي فاتت إني متحمسة لشهر مايو لأن فيه كان و ميت قالا. من سوء حظ ميت قالا أنه جاي بنفس الشهر مع كان، فلو أحد لبس فيه لبس حلو أكيد بيجي أحد بكان و يآخذ مكانه، مو لأن الناس اللي تجي كان تلبس أحلى، لكن كان يستمر أسبوعين تقريبا، و فعاليات ليل و نهار، أكيد بيكون فرص أنه أحد شكله حلو أكثر.

ما علينا من الكلام الفاضي، نتكلم بسرعة عن أحسن الملابس لهذا الشهر.

أودري توتو بعض المرات أحس يكفي حضورها علشان يطلع المكان حلو (آخر أحسن لبس سويته السنة اللي فاتت هي اللي فازت بفستان من برادا بكان)، هذي المرة ما لبست برادا، و جاية بشعر قصير، ذكرني بشكلها لما كانت تروج لفيلم دافنشي كود. أودري لابسة فستان سماوي فاتح، من مصمم (فرنسي) توي أعرفه أسمه يكيانق ين. كيري موليقان و زوي سالدنا كانوا من أحسن اللي لبس موضة المنكروم (الأبيض و الأسود). بس زوي أضافت جزم حمراء مع اللبس (زوي صايرة تكثر لبس جزم حمراء أو كورال). نيكول كيدمان من زمان ما شفتها كذا، لكن تقريبا كل لبس لبسته بالمهرجان (كانت عضو لجنة تحكيم) حلو، حبيت بالأخص ديور كتور اللي لبسته للإفتتاح، و فالنتينو كتور (الأول من اليمين بالصف الثاني)، (بالمناسبة هذا هو الفستان اللي كانت آن هاثواي بتلبسه للأوسكار، و غيرت بآخر لحظة).

سيينا ملير باللوك اللي من بوربري لبسته لميت قالا (تكلمنا عنه قبل)، جون سمولز (عارضة بورتو ريكية) بجيفنشي (المجموعة اللي حابته، بس إلى الآن محد لبسها بشكل حلو). و مرة ثالثة إيلي صعب.

Create your free online surveys with SurveyMonkey , the world's leading questionnaire tool.

Best Dressed Met Gala 2013

أمس كان ميت قالا و كان عنوانه Punk: Chaos to Couture المهم ما أعرف إذا المفترض إن الضيوف يلبسون بنك أو لا، لكن إذا كان المفروض يلبسون بنك، أعتقد إن سيينا هي الوحيدة اللي التزمت بالثيم من دون ما يطلع شكله بايخ. أو كأنه رايحة لحفلة تنكرية. 

سيينا جت بلبس من بوربري، يمكن الفستان لحاله ما أعتقد أنه مثير، لكن مع الجاكيت البايكر اللي كله دبابيس و تسريحة شعره (الشعر على الجنب) و الطوق اللي فيه بعد دبابيس، و بعد الحلقات اللي حاطتهم كلهم بنك، بنك، بس اللي عاجبني بسيينا إنه على عكس أغلب اللي جايين ما سوت مكياج غريب، أعتقد هذا اللي خلا الشكل بالنسبة لي حلو مرة. 

أعتقد أنه سيينا بهذا الشكل ضمنت لها مكان بأحسن لبس لشهر مايو. 

Light beige almost white

من فترة و أنا جالسة أدور شي أكتب عنه، و عجزت أحس كل شي مو كامل، فكرت أنه أكتب عن كيرا نايتلي و إنها الفنرة الأخيرة طلعت بأكثر من فستان من شانيل من الثلاث المجموعات الأخيرة (تحلل غيبتها)، بس ماش ما بغيت أكتب شيين عن شانيل ورا بعض.

أمس سيينا ميلر أنقذت الموقف و جت لحفلة اليونسكو بشكل أعجبني مره.

الفستان الي طلعت فيه سيينا أعجبني مره، الفستان من ستيلا مكارتني قد كتبت عنه قبل، وزي ما تشوفون النسخة الي كانت باللوك بوك، و الي تنباع، و بعد الي شفتها على السلبرتي قبل كانت سوداء، الفستان كان عاجبني بس النسخة البيج مع المجوهرات و المايك آب و التسريحة خلوه مره حلو، من كثر ما أعجبني انتبهت أنه الفساتين البيج لبست من أكثر من سلبرتي (سلبرتي معناه واحد أو وحده مشهورة بس بمجال الترفيه) (للي يعرفون لا يقولن خير، لأني لقيت بحث وش معنى سلبرتي).

أول وحده جت ببالي هي كيرا نايتلي بالفستان الشانيل من مجموعة الأوت كتو الأخيره، الفستان ما عجبني مره على الموديل (زي كثير من المجموعة)، بس كيرا بقصتها الجديده، تخلي كل فستان حلو.

إيفا منديز لابسه فستان من ليلا روز، الفستان عجبني من تحت شكل قماشه مره حلو الشعر بعد حلو ...

فترة كنت أدور لي على فستان سهرة و كنت أدور فستان بلون فاتح، إن شاء الله الحين لو بغيت فستان سهرة، أظن اللون البيج متوفر أكثر الحين.