Best Dressed: June 2014

قلت لكم ما أعتقد إن الشهر اللي فات كان فيه خيارات كثيرة، بس أعتقد الخيارات اللي بقت مو سيئة، أصلا المناسبات ما كانت كثيرة. أنجلينا جولي و إيل فانينق إلى الآن يروجون لميلافسينت، بس بشكل عام ما كان فيه مناسبات مهمة أو كبيرة، أو بالأصح لبس مميز (على الأقل من وجهة نظري). 

ببدأ من المفضلة عندي لهذا الشهر على طول، أليكسا شونق بهذا التيور الأحمر (أظن مخمل) من سان لوران، صحيح التيور حلو، و أنيق، و تسريحة أليكسا عاجبتني مرة إنها بسيطة، بس أكثر شيء حبيته هو الفلات اللي لابستها، أظنها من تيبيثا سايمونز. السنة اللي فاتت كان ديور تقريبا موجود بكل شهر، هذي السنة، أظن هذي المرة الأولى اللي فيه لبس لديور، كانديس سوانبيل بهذا الفستان الأسود من ديور، أعجبني شكله الرياضي بهذي الخيوط على جمب، و أعجبني إنها سوت شعرها بهذا الشكل.
أعجبني بعد شكل نيكول كيدمان بهذا الفستان اللي من أرشيف دولتشي آن قابانا (أظن من 2008). إكسسوارات سولانج مع هذي البدلة الفوشية أعجبتني مرة، و شعرها مرة حلو. قريتا بزاك بيزون و نيكولا بستيلا مكارتني أشكالهم مرة أنيقة و أعتقد أنه لوك ما يحتاج شغل كثير علشان يضبط.

أنتم وش رأيكم؟

من أحسن لبس لشهر يونيو 2014؟

كانديس سوانبيل بديور

كيري راسل بروزي أسولين

سولانج بقوتشي

نيكولا بلتز بستيلا مكارتني

تيلدا سوينتون بسكيامبرلي كتور

نيكول كيدمان بدولتشي آند قابانا

قريتا جيرويق بزاك بيزون

أليكسا شونق بسان لوران

Poll Maker

Statement Outwear

أعتقد الشتاء صار شبه حقيقي بشمال الكرة الأرضية كامل. فأظن هذي فرصة كويسة إني أكتب عن شيء شتوي، أولا إذا ما قد قلت لكم قبل، يمكن مو لازم، بس ودي أقولكم إني أحب الشتاء أكثر من الصيف، على الأقل مو صيف السعودية، اللي أظن أبرد شتاء ما يخليني أشتاق له. أنا مو مرة مع لبس الشتاء، مو ما أحبه بس تعرفون إني أحب الملابس الخفيفة، لكن أكيد أحب الجاكيتات الحلوة.

الفترة اللي فاتت شفت أكثر من سليبرتي على الريد كاربيت، جاي بجاكيته (ما أعرف هذا تريند أو إيش؟) بس ما علينا، المهم الجاكيتات مع فساتين السهرة/كوكتيل عجبتني مرة، كل الثلاثة خيارات (أعرف بتقولون كيم كرداشيان هنا واااو). أولا خلوني أوضح أنه أحس لبس كيم فيه لون ماسترد كثير (مو شين بس أحس أنه كثيرة بالنسبة لذوقي) لكنه أعجب أختي، و لأني أعتقد أنه ذوقها حلو، و مادام أعجبها فأكيد بيعجب ناس ثانين غيرها أخترته مع القصة حقت الجاكيتات (و أخيرا خلصنا من شرح موضوع كيم)، المهم أعجبني مرة شكل جاكيتها مع لبسها (الشكل مو اللون)، بعد أعجبني الجاكيت الفرو الأخضر اللي لابسته بلايك مع هذا الفستان اللي فيه تأثير اللانجري، أحسه مع المكياج و المجوهرات أعط اللبس فخامة مرة (أحس أنه لبسها بيدخل قائمة أحسن لبس لشهر ديسمبر، وش رأيكم أنتم؟). 

آخر وحدة هي أليكسا شونق، مع جاكيتها اللي فيه شكل الخياطة الرجالية، أعجبني شكله مع الفستان الأبيض القصير (أعجبني أنه أطول من الفستان)، أظن أنه أعطى شكل للفستان أكثر من لما صورت من دونه، طبعا بالنسبة لي ما أقدر أنكر الدور اللي لعبه الروج الأحمر على هذا اللبس و خلاه مرة أنيق. 

أنتم وش رأيكم بجاكيت مع فستان فخم (خصوصا لحفلة خارجية)؟ و إيش شكل الجاكيت/بالطو المفضل عندكم بين هذي الثلاثة. 

Best Dressed: November 2013

زي ما قلت لكم اليوم راح يكون عن أحسن لبس لشهر نوفمبر. إلى الآن أفكر بطريقة لترشيحات أحسن لبس، أعتقد إني بأخليها بالأسبوع الثالث من يناير، و طبعا بيكون فيها الفساتين الإثناعشر اللي فازت بترشيحات الشهور اللي أخترتوها. 

ما علينا من أحسن فساتين السنة، خلونا نشوف فساتين نوفمبر. 

أولا خلوني أقولكم إني مبسوطة، فستانيين من اللي قلت إنها راح تكون بالريدكاربيت انلبست، فيه فساتين ثانية انلبست بس النتيجة ما عجبتني، المهم هنا اليوم معانا روني مارا ببلانسياقا و شو كي بفالنتينو كتور. كل الثنتين أعجبوني مرة. بعد أعجبتني كايت بيكنسيل بالقوتشي، من زمان ما أعجبتني هذي الطريقة باللبس "هوليوود قلامور" بس مع لون الفستان أحس شكلها طالع مرة حلو. من زمان عن ليتون ميستر، بس عجبني شكلها هنا، أحسه مرة مرتاح، لكن لو سألتوني وشو اللوك المفضل عندي (اللي ممكن ألبسه على طول) من دون كلام أليكسا شونق (مو مفاجأة إني صايرة أحبها أو أحب ستايلها مرة). 

أنتم وش اللبس الأحسن عندكم؟ الأسماء محطوطة عكس عقارب الساعة. 

Create your free online surveys with SurveyMonkey , the world's leading questionnaire tool.

Best Dressed: September 2013

زي ما قلت لكم قبل، ما أعرف ليه الملابس الحلوة كانت كثيرة هذا الشهر، لدرجة إني لما جيت أختار القائمة النهائية، كل شوي أحذف أحد و أدخل أحد، كله علشان آصل القائمة النهائية الأحسن. بصراحة ما أعرف أنا قدرت أختار الأحسن، أو فيه ناس طلعوا من القائمة و هم يستاهلون، بس خلونا نركز على الموجودين، و إن شاء الله يعجبونكم. 

أقدر أقول إن الثيم حق هذا الشهر هو المنكروم (الأبيض و الأسود) ما عادا دايان كروقر بفالنتينو و آشلي ميداكوي بمونيك لوليه (بالمناسبة كل الثنتين كانوا قبل موجودات بأحسن لبس). أول وحدة عرفت إني راح أدخلها هي لوبيتا نيونقو (الصف الأول، أول وحدة من اليسار) بفستان برادا (أتمنى إني قلت اسمها صح)، بصراحة ما أعرف هو الفستان حلو، و إلا هي اللي محليته. بس بشكل عام أعتقد لو استمرت على الساحة قدامنا وحدة أعتقد إنها بتكون من الموجودات دايم على هذي المدونة. سيينا ميلر بعد من الأشخاص اللي أعتقد إني صايرة ما أقدر أقول لأي شيء تلبسه أنه مو حلو، ما أعرف بس من ولدت و هي صايرة حلوة بعيني، قولوا لي أنكم أنتم بعد تشوفونها حلوة، مو بس أنا أتوهم. إليزابيث موس (أول يمين) للي ما يعرف ماد مين مثلا أعجبني شكلها مرة بالإيمي، و إن خياراتها كلها كلاسيكية، من شكل الفستان، لألوانه للون الروج. 

Create your free online surveys with SurveyMonkey , the world's leading questionnaire tool.

Best Dressed: March '12

زي ما وعدتكم، هذي أحسن الملابس لشهر مارس. على عكس شهر فبراير شهر مارس كان صعب أختار مو لأنه مليان أشياء حلوة، لأني ما اقتنعت بكثير من الملابس فيه، مع أنه فيه أحداث، بس بالنسبة لي ما كانت الملابس مرة حلوة، مع أنه كان فيه بريمير The Hunger Games بأكثر من مكان بالعالم.

أوليفيا باليرمو بروشا:

تعرفون يمكن إني ما أحب أوليفيا باليرمو، مو لشيء، لكن لأنها بالنسبة لي مالها فايدة بالحياة (بجد مالها وظيفة)، و كثير مرات أحس إنها جالسة تتغصب "الكشاخة"، ما أحب اللي يسوي شي بالقوة. ما علينا، أحب روشا أحب ملابسهم، و بهذا اللوك حبيت إنها شايلة مع لبس أسود شنطة بنية (بعد من روشا).

أليسكا شونق ببيلا فرويد تي شيرت و تنورة سيلين: 

علاقتي بأليكسا جدا متأرجحه مره تعجبني، و مره ممكن لو شفتها بغرفة يمكن أحبسها فيها و أخليها تصارخ لما يبح صوتها D:. لكن الآن أنا بفترة تقارب و صايرة تعجبني، أعجبتني مرة بهذا اللوك، و لا عندي مانع إني آخذه منها، و ألبسه الحين. حابة مره بساطته، و بنفس الوقت أناقته.

إليزابيث أولسين بـ ذا رو:

إليزابيث أولسين لابسه لبس كامل من ماركة خواتها ذا رو، أعجبني اللون عليها، كذا حسيت فيه دفا ... فيه شيء من السبعينات، (يمكن اللون من جديد)، أعجبني أنه البنطلون و الجاكيت كلها طقم، أعجبتني النظارة، و أعجبني شعرها.

جورجينا شابمان بماركيزا: 

جورجينا وحده من مصممات ماركيزا، لابسة من ماركيزا، بصراحة بالنسبة جورجينا أحسن من يلبس لماركيزا، أصلا هي حلوة، لكن غير إنها حلوة، تعرف كيف تلبس فساتينها، أحس لو أحد ثاني لبس هذا الفستان اللي من مجموعة ربيع 2012، ما طلع عليه حلو، بس عليها طالع مره راقي.

فانيسا باردي بشانيل: 

بصراحة من زمان ما حبيت فستان من شانيل، ما أقول إنها قبيحة، لكنها ما تخليني أقول واااو، هذا الفستان من مجموعة أوت كتو خريف 2011 على فانيسا ما أعرف هو الحلو، أو فانيسا هي اللي محليته، كل شيء بمكانه، مكياجها، شعرها، الجزم اللي هي مخترتها، و حتي الكيلون، بالنسبة لي على أنه الشيد الوحيد الملون هو روجها، أبدا ما حسيت إن اللوك سايح على بعضه.

أولقا كويالينكو بتود لين: 

بالنسبة لي هذا اللوك أعتقد أنه من الملابس اللي الأشخاص هم اللي يحلونها، و إلا لو أحد ثاني لبسها أبدا ما تطلع حلوة، صحيح إن الجزمة الحمراء ما أعجبتني لكن بشكل عام أعجبني شكلها، خصوصا شعرها، و الحلقات اللي لابستها.

ميشيل وليمز بفالنتينو:

هذا اللوك مو أحسن لوك شفت ميشيل وليمز فيه، و لا أحسن فستان فالنتينو قد شفته، لكن أعجبني كيف أعطى ميشيل إحساس كأنها بإعلان مستحضرات تجميل (هذا اللي أنا حسيته) حلو لون الفستان مع لون شعرها و بشرتها، طوله حلو، لون جزمتها حلوه، و المكياج مره مناسب.

إليزابيث بانكس ببيل بلاس: 

لو سألتوني وش أكثر لون أكرهه على فساتين السهرات، راح أقولكم الأصفر، ما أعرف ليه بالنسبة لي فيه درجة من التنفير غير طبيعية، هذا ما يعني إن شكل إليزابيث كان قبيح، و لا يعني إني بديت أحب، أو أقتنع باللون كفستان سهرة. بس حبيت إن إليزابيث تجرأت و لبست هذا اللون القوي، خصوصا أنه واحد من أكثر الألوان اللي كانت منتشره بعروض ربيع 2012. 

.

Cool Girls

من أكثر العارضات اللي يعجبوني دري هامنقوي، ما أعرف بس أحس إنها "كووول"، دايم مايك آب خفيف، ملابس بسيطة ... مرة تعجبني. الشيء الثاني اللي صاير يعجبني الفترة هذي نوعية من اللبس ما أعرف وش هي، بس كذا بعد أحسها "كووول" (أعرف إني كأني توي متعرفة على الكلمة، بس أحسها هي اللي تعبر عن بالي.

بأسابيع الموضة اللي كانت قبل شهرين، أظن بعرض فالنتينو كانت أليكسا شونق جاية، لعرض فالنتينو، اللي يعرفني قبل يعرف إني ما أحب لا أليكسا، و لا ستايلها كثير (طبعا هي تعتبر إن ستايلها ولادي)، لكن بذاك العرض كان شكلها بالنسبة لي غير.

أول مره شفت الصورة، كانت الجزء العلوي بس، مع أنه هذا شكل أليكسا بالعادة، يعني ما تسوي شيء غريب بشعرها، لكن أعجبني أختيارها للنظارة هذي مع فستان الفالنتينو الأحمر هذا ... حبيت كيف خلته فستان كاجوال مره، يمكن لأني شفته قبل على ريتشيل وايسز، و كانت مخليته فستان فخم مع تسريحة شعرها، و المجوهرات اللي لابستها معاه.

مو ما عجبني على ريتشيل، لكن حبيته مره على أليكسا ... بعد فترة شفت الصورة كاملة و حبيت شكلها زيادة، خصوصا إنها لابسة معاه سلبيرز حقات مارك باي مارك جايكوبز، السليبرز كانت عاجبتني من الموسم اللي فات، بس لما جت التخفيضات حقت نيت أي بورتيه، لقيتها مخلصة، فلما شفتها على أليكسا انبسطت أنه أحد لبسها بشكل حلو.

المهم نرجع للوك اللي سويته اليوم ... مع كل التعاونات اللي بين المصممين و بعض الماركات آخرها فيرساتشي لـ H&M زي ما تعرفون (ترى جزء من المجموعة كان بفرع المملكة، لو لحقتوا عليه و شريتوا منه شيء قولوا لي :).

أمس (على ما أظن) كان فيه حفل لتعاون بين كريستوفر كاين، و جي براند للجنوز، و كان جاي بعض هذولا الناس اللي يجون الحفلات :) و كانت من بينهم دري هامنقوي، طبعا اللي جايين كانوا لابسين قطع من هذي الجنوز. الشيء اللي أحبه بكريستوفر كين هو أنه يعرف يسوي ألوان نيون تشهي، يخلك كل مرة تحسين إن دولابك فاضي لأن ما فيه قطعة نيون.

Cool by alorwa featuring cutler and gross sunglasses

MTWTFSS Weekday jumper shirt, €7,50
Mulberry low jeans, $310
Keds suede shoes, $45
Proenza schouler bag, $2,804
Cutler and gross sunglasses, $495 قلت لكم هذي محاولة أجمع فيها كل الأشياء اللي أحس إنها بتخليني كول، سويتير نيون ... سنيكيرز و شنطة بروينزا سكولير .. دري بالصورة لابسة واحد من بناطيل المجموعة برتقالي نيون (واضح :) و قميص يلمع (قصديري) أعتقد أنه كريستوفر كين ريزورت 2012 ... لو بغيتوا تشوفون المجموعة، أو تشترون منها تلقونها هنا. 

It's White

مر خمسة أيام على كان، و ثنتين من اللي توقعتهم طلعوا و لسا ما فيه أحد لبس من جموعة شانيل الأخيرة ... باقي نشوف لبس إليزبيث أولسين لليلة، و لبس الفوتوكول و البريمير لكيرستين دونست ...

المهم أقدر أقولكم رسميا أنه الصيف هذا راح يكون صيف أبيض، كل العالم لابسة أبيض، من أول يوم لما أوما ثورمان اللي عضو بلجنة التحكيم طلعت بدولتشي آن قابانا أبيض للفوتو كول (قد لبسته قبل)، و بعدين لبست فيرساتشي أبيض للإفتتاح.

هذا الفستان لبسته أليسكا شونق لبريمير فيلم sleeping beauty الفستان فينتاج من الستينات (شكله حلو مرة من ورا) غير لونه، و مكياج أليسكا و شعرها ... أعجبني الإكسسورات اللي لبستها أليسكا مع الفستان، الجزم و الشنطة و العقد كلهم حلوات مرة.

أعجبني إنها لبست كعبات كلاسيكية سوداء، لا فضي و لا ذهبي، و لا من تصاميم الجزم الجديدة.

بعد زي ما قلت لكم أعجبني العقد اللي لابسته (على الأغلب شوبار) لأنهم هم راعين المهرجان، بس اللي حبيته، أنه لاهو فخم بزيادة على اللبس، و الأهم أنه بساطة اللبس أعطت قيمة لكبر الحجر الأصفر هذا.

إليزبيث أولسين طلعت بفستان من مجموعة ذا رو الخريف 2011 (كذا الخوات). ناعم مرة، حلو مرة، و لابق عليها ... حلو شعرها، حلو المايك آب و و لبسها للصندل مخلي اللبس صيفي مرة. أهم شيء أنه يشبه اللبس الستايل اللي توقعت إنها تسويه (مشوها علي) لأني مقهورة بعد ما شفت جيسيكا باركر بكان بعد لابسه من إيلي، بفستان توقعت أنه بينلبس للريد كاربيت، بس من سخافتي ما علمت أحد، و الحين لو قلت إني توقعت بيقولون بلا كذب، عقب ما لبسته؟!! علشان كذا إن شاء الله من الفاشن ويكز الجايات باسوي ألبوم للأشياء اللي توقعت إنها تنلبس على الريد كاربيت، و أرفعها قبل ما يبدأ الناس يلبسون و أقول تراي توقعت :)

قبل لا أخلص مو بس أوما و أليكسا و إليزبيث كانوا بأبيض فيه كثار، منهم العارضة الإيطالية بيانكا أظن بياتي .. ريتشيل ماك آدمز و حبيبتي الجديدة اللي باحط عيني عليها الفترة الجاية، ممثلة نص أسبانية نص فرنسية تمثل بـ ذا بايرتز أوف ذا كاريبيان، على إنها حورية اسمها أستريد :)

Gray jumper over a dress

هذي التدوينة كان خاطري أحط لها عنوان طويل زي بعض الأفلام بس بالأخير قلت لنفسي بلا كلام فاضي و جيبي الموضوع من الاخر ...

قبل شهرين تقريبا بعرض لوي فيتون لربيع 2011 أليكسا شونق جت بفستان من مجموعة الريزورت للوي فيتون لابسه فوقه جمبر رمادي ... أعرف أنه ناس كثار يحبون أليكسا، بس أنا ما أحبها، مو لأني أشوف لبسها بايخ بس كذا ما أفهم وش ميزها عن الناس الثانين الي يلبسون زين بس ما يحصلون دعوات للعروض و تجيهم ملابس مجانية ... خصوصا و إنها لا هي ممثلة، و لا مغنية و لا عارضة و لا شي ... المهم طبعا لأني ما أحبها زي ما قلت لكم بغيت شوي لأكفر فيها، جبت أختي أوريها اللبس و أشهر بأليكسا كيف خربت فستان بالحركة البايخة الي سوتها، و هي لبس جمبر رمادي ...

أمس بنيويورك بإعادة افتتاح بوتيك ديور (نفس الحفلة الي جتها ليف -التدوينة الي تحت-) كانت جاية دري هامنقوي (للي ما يعرفها هي عارضة)، أنا ما أحب دري بعد، بس لازم أعترف إن ذوقها مره حلو، على الأقل لحد الآن ... المهم أنه دري مسوية نفس الشي آخذه فستان من مجموعة الريزورت 2011 لديور، و لابسه فوقها جمبر رمادي. عجبني شكل دري مرة، حسيته كيوت و نظيف، خصوصا إنها فكت الحزام الي جاي مع الفستان وربطته بالسويتر، و لابسه معاه كعبات نود.

وش رايكم بالحركة؟ و على مين عجبتكم أكثر؟

I Didn't Cheat

أكثر من مره قلت إني ما أحب ليتين لأسباب كثيره وحده منها أنها مصدقه أنه FASHION ICON و هي و لا جاب ما أظلمها أنها ما تلبس زين بس أكثر لبسها عادي، و بعض المرات أقل من عادي خصوصا لما تظن أنها فلته بالموضه.

أشين شي صدق لما الواحد يظن أن الناس ما تشوف العالم وش لابسه، و أنه ماشيه علينا أنه هو الي اخترع اللوك مو غشه من أحد ثاني زي أوليفيا باليرمو قبل أسبوع تقريبا، المره هذي لايتين تسرق لوك سويته أليكسا شونق من أكثر من ثلاث شهور