Best Dressed: November 2013

زي ما قلت لكم اليوم راح يكون عن أحسن لبس لشهر نوفمبر. إلى الآن أفكر بطريقة لترشيحات أحسن لبس، أعتقد إني بأخليها بالأسبوع الثالث من يناير، و طبعا بيكون فيها الفساتين الإثناعشر اللي فازت بترشيحات الشهور اللي أخترتوها. 

ما علينا من أحسن فساتين السنة، خلونا نشوف فساتين نوفمبر. 

أولا خلوني أقولكم إني مبسوطة، فستانيين من اللي قلت إنها راح تكون بالريدكاربيت انلبست، فيه فساتين ثانية انلبست بس النتيجة ما عجبتني، المهم هنا اليوم معانا روني مارا ببلانسياقا و شو كي بفالنتينو كتور. كل الثنتين أعجبوني مرة. بعد أعجبتني كايت بيكنسيل بالقوتشي، من زمان ما أعجبتني هذي الطريقة باللبس "هوليوود قلامور" بس مع لون الفستان أحس شكلها طالع مرة حلو. من زمان عن ليتون ميستر، بس عجبني شكلها هنا، أحسه مرة مرتاح، لكن لو سألتوني وشو اللوك المفضل عندي (اللي ممكن ألبسه على طول) من دون كلام أليكسا شونق (مو مفاجأة إني صايرة أحبها أو أحب ستايلها مرة). 

أنتم وش اللبس الأحسن عندكم؟ الأسماء محطوطة عكس عقارب الساعة. 

Create your free online surveys with SurveyMonkey , the world's leading questionnaire tool.

MET Gala's Trend: Dark Lips

أمس كان فيه ميت قالا، مو زي العام، أحس هذي المرة أحس مليان أشياء حلوة، لدرجة إلى الآن عجزت أقرر وش أحسن شيء. يمكن بكرا أكتب عن أحسن الفساتين و أحطها بألبوم، لكن اليوم بأتكلم عن أكثر شيء كان موجود بالحفل. أول شيء هو الروج العنابي الغامق. قد تكلمت عنه قبل، لكن حبيت إن شفته بكل مكان. 

أحب درجة الروج هذي، اللي يحببني فيها إنها حلوة على أي درجة بشرة. و على أي لون شعر، و أهم شيء ممكن يحول شكلك بشكل "درامي" ممكن من وجه بسيط لوجه فخم مرة، أعتقد مستحيل أحد ما ينتبه لك. ما أعرف متى حبيت هذي الدرجة من اللون، بس قد قلت لكم قبل إني كنت أدور عليها بكل مكان و آخر شيء لقيتها عند رافيلون (هنا تلقون إسم الدرجة بالضبط). 

بعد ما شفت هذا العدد من السلبرتي حاطين هذا اللون، أعتقد أنه يستاهل منكم أنكم تجربونه بواحد من زواجات الصيف الجاية، بالنسبة لي اللون من أكثر الأرواج اللي أعتقدت إني حصلت مليون ريال لما لقيته. 

Missoni for Target

اليوم قريت هذا الخبر عن أنه تارقيت بتسوي تعاون مع ميسوني، يطلعون مجموعة بأسعار مقبولة ... الخبر فرحني مو لأنه ميسوني بس، لأنه تارقيت بالنسبة لي من أحسن الناس اللي يسوون تعاون مع ماركات كبيرة، و الأهم أنه أسعارهم صدق مقبولة، مو تجي بـ 200 دولار أو شيء زي كذا.

المهم هذا التعاون خلاني أتكلم عن شيئين ... الأول الصورة اللي فوق و هي من الحملة الدعائية لميسوني، و اللي اختاروا وجه لها ليتين ميستر. عجبني الكمباين مرة، النوعية هذي من التصوير تعجبني، علشان كذا أخذت الصورة و لصقت عليها شعار تارقيت.
متحمسة أشوف وش راح تارقيت يسوون، أو وش ميسوني راح يسوون لتارقيت، لأنه قلت لكم زيليون مرة إنه من أكثر الأشياء اللي شريتها و أحبها هي تنورة من رودارتي فور تارقيت، و الشيء الثاني، يمكن أي أحد مهتم بالفاشن، يفكر لو مرة يقتني شيء من ميسوني مو بس لأنه عندهم ملابس منسوجة كل العالم يعرفونها بشكل الزقزاق، بس لأنه قطعهم بالنسبة لي timeless يعني ما تحس إن موضتها راحت.

المهم هذي فرصة إني اتكلم عن مجموعة خريف 2011 لميسوني. المجموعة أعجبتني مرة، خصوصا ألوانها و نقشاتها ... صحيح أنه نقشاتها و ألوانها ما كأنها خريف و شتاء، بس أنا ما تشكل عندي هذي الأشياء، بس يمكنها فكرة من ميسوني أنهم يطلعون الشخص اللي يلبسها من جو كآبة الشتاء :) و اللي يخليني ما أهتم، أحس أنه أحسن الملابس اللي تقدر تلبسها أي وقت، يعني ألبس فوقها كم قطعة تصير للشتاء، ألبسها لحالها تصير للصيف.

Why does GG ruin everything I love?

كالعادة متأخرة، ما أعرف ليه صاير عندي بطأ استيعاب بعد ما يخلص الشي يجي ببالي إني أكتب عنه، بس زين على الأقل أظن الحين ما فيه أحد ما شاف هذي الصورة، طبعا للي ما يعرف هذي صوره من تصوير Gossip Girl للموسم الجديد الي بيصورون حلقتين منه بباريس ... (أدري الله يعين) ... ما أكذب عليكم أول ما شفت الصوره جتني غمته زيادة على الي تجيني بالعادة لما أشوف صور لهم، لسببين الأول أنه الصور هذي جت بعد ما شفت المسلسل أخيرا (يعني شفت حلقات) و غير أنه بايخ الملابس عليهم طالعه عفوا بس زباله ... الشي الثاني مو لأنهم بباريس ما يهمني الي مقطع قلبي الفستان الي على بلير (لايتن) آه منها بس هذا الفستان من أحسن فساتين السنة الي فاتت بالنسبة لي، لما شفته بعرض موسكينو قتلني ما أعرف ليه بس أحس شوي لآكله من حلاوته بس كالعادة هذا المسلسل و بقدرة قادر يخرب الأشياء، أولا مين يلبس هذا الفستان لتمشي؟!!! أكيد لايتن و واحد قروي توه عارف النعمة ... الشي الثاني وشي هذي البيني الي لابستها يا شيخه و الله الفستان ما يتحمل أساسا لو راح ألبسه (ياليت) أولا لحفلة ثانيا بس راح أحط ذيل مستشور و بس هذا كل شي ... أما إذا كنت مصره على القبعة القبعة الوحيدة الي ممكن ألبسها معاه قبعة بوتير زي هذي ... المشكله مو بس هنا الشنطة حكاية ثانية، الحين شايفة هي كيف الفستان ألوانه و أقمشته كثيرة؟!!! كيف تزيد عليه كذا و تخربه ؟!!! المفروض ما تآخذين شي و إذا لازم لازم (زي القبعة) على الأقل خليها كلتش مو شي يعلق

ما راح أتكلم عن سيرينا و فستان جورج شقرا الي يبلص و هي تتمشى فيه بالصباح لأنه للحق أهون من بلير و من بعيد ما يبين أنه ما يصلح أبد خصوصا مع البوي فريند جاكيت

آخر شي عشان أوريكم قد إيش أنا تعذبت هذي صورة الفستان من مجموعة ربيع 2010 لموسكينو زي ما قلت لكم على فريدا قوستافنسون (سبحان من خلق و فرق).

I Didn't Cheat

أكثر من مره قلت إني ما أحب ليتين لأسباب كثيره وحده منها أنها مصدقه أنه FASHION ICON و هي و لا جاب ما أظلمها أنها ما تلبس زين بس أكثر لبسها عادي، و بعض المرات أقل من عادي خصوصا لما تظن أنها فلته بالموضه.

أشين شي صدق لما الواحد يظن أن الناس ما تشوف العالم وش لابسه، و أنه ماشيه علينا أنه هو الي اخترع اللوك مو غشه من أحد ثاني زي أوليفيا باليرمو قبل أسبوع تقريبا، المره هذي لايتين تسرق لوك سويته أليكسا شونق من أكثر من ثلاث شهور

Can I borrow this ..

قبل يومين طلعت لايتن بهذا عالبحر و كنت مختارتها Look Of The Day .. من بعدها بيومين طلعت دور باريمو بنفس القبعة، شكلها استعارتها منها .. بس يمكن ناسية أنه في شي أسمه بابراتزي و أنهم راح يصورونها P:

أنا رزه ..

ما أمداني أمدح بلايتون بالموضوع الي قبل قبل هذا، بس طلعت لي بلبس بافتتاح بوتيك كلوي بلوس أنجلس بلبس مو حلو، بس مو هو المشكلة، المشكلة جزمها الفلة .. حسستني بالإحساس الي أحسه لما أشوف وحده معها فستان أو لبس للعيد و جالسة تدور جزمه له بالضبط ..
أو ذكرتني فينا أول يوم كنا ندور لفستان الزواج جزمة زي نفس اللون و طبعا ما نلقى إلا عند بي ليس (منيب أكذب زي بعض الناس، و أقول ما قد لبست لبس موب زين بحياتي) ..

بس بجد الجزمة حتى لو كانت كلوي، و أنا مو متأكده تجيب البلا شكلها مع الفستان ..

يا عالم متى تفقهون أنه كل ما دخلتوا ألوان أكثر طلع لبسك أحلى .. وش المشكلة لو كانت جزمتها ذهبية مثلا، أو حتى سودا ؟!!!


مواضيع ذات صلة:

سمو الأميرة لايتون ..

ماريا كاري .. و الجزم ..