الأربعاء، 2 أكتوبر، 2013

Red Carpet Worthy: Paris Edition

مع نهاية أسبوع باريس، هنا بالنسبة لي أحسن اللبس اللي شفته بالعروض، و أتمنى أشوفه على الريد كاربيت بس ما تكلمت عنه. أولا خلوني أقولكم لسنوات كانوا يتكلمون على أنه باريس هي اللي فيها أحسن العروض. ما كنت أشوف باريس سيئة، بس كذا دماغي يقول لي الموضوع بس سمعة، يعني باريس عاصمة الموضة و الكلام الفاضي هذا. ما علينا أعتقد إني هذي المرة اقتنعت من كثرة الخيارات اللي كانت قدامي على نهاية هذا الأسبوع.

من اليمين: (نينا ريتشي، مانيش أرورا، ديور، كلوي)

حبيت مرة هذا اللبس من نينا ريتشي أعرف فلورال وش الجديد؟ بس إني حسيت أنه مره خفيف، و أحس ريحته مرة حلوة أعتقد لو ما لبسه أحد على الريدكاربيت (أتمنى أشوفه على كيرا نايتلي) يمكن يطلع بإعلان عطر لنينا ريتشي. مانيش أرورا كان عنده فساتين كثير حلوة (ما أعرف ليه قليل مره على الريدكاربيت) لكن ودي أشوف أكثر له مع هذي المجموعة. الفستام الأزرق اللي من كلوي قتلتني حركة الأكمام، متحمسة أشوفه "أوف رانواي" على أي أحد، بس لو كان لي خيار، كان خليت كيرستين دونست تلبسه.

العروض من اليمين: (بلانسياقا، سان لوران، إيلي صعب، فيونيه)

خلوني أبدأ من الفستان اللي من إيلي عجبني شكله من فوق مره، أعتقد أنه بيطلع حلو مرة على الريدكاربيت، ما ودي أصير وقحة بس أمنيتي إني ما أشوفه على داكوتا فانينق، أحسها تخلي الملابس من دون طعم، بالذات فساتين إيلي. الجمب سوت هذي أعتقد إنها تصرخ ريدكاربيت، بعد باصير وقحة و أتمنى ما أشوفها على ليدي قاقا، حتى ما ودي أشوفها على ريانا، بانبسط لو لبستها وحدة ما توقعت إنها تلبس شيء زي كذا نيكول ريتشي مثلا أو حتى أودري توتو. أما فستان بلانسياقا أعتقد أنه هو الفستان الوحيد، من كل الأختيارات اللي اخترتها اللي متأكدة إلى 90  بالمية أنه راح يلبس (أتمنى أشوفه على كيري موليقان أو روني مارا أو كايت بلانشيت).

أنتم وشي أفضل الملابس اللي شفتوها بباريس؟

أعرف إني بازعجكم شوي، بس فستانين من الاختيارات اللي اخترتها لبست نتالي جوس بماري كاترنتزو (أعتقد أنه فيه أحد ثاني بيلبسه بشكله الكامل على الرانواي) و إلينا بيرمانوفا بأليساندرا ريتش (إلى الآن أتمنى دايان تلبسه).