مو قلت لكم إني ما تابعت هذي السنة زين، كنت أحسب أنه أسبوع باريس خلص، و نسيت أنه ميوميو و لوي فيتون لسا ما عرضوا. أولا خلوني أقولكم إياه شخصيا أستثقل دم مارك جايكوب، لكن خلوني أقول، أعتقد أنه مصمم جيد، و كل مرة يقدم جديد، و لا يسوي فنيو مثير علشان يغطي على العرض (أيه أقصد كارل لاقرفيلد). المهم المعلومة اللي بأقولها، مارك جايكوب خلاص بيترك لوي فيتون.
ما أعرف إذا زي ما يسمونها "قراند فينالي" لكن بالنسبة لي المجموعة هذي الأخيره له مع لوي فيتون عجبتني مرة، حسيت فيها قوثيك (أنا شخصيا مو ذوقي قوثيك، بس أحب اللمسات القوثيك، خصوصا بالشك و التطريز). أكثر شيء عجبني هو موضوع الجينز مع كل هذي الأشياء القوثيك، اللبس اللي فوق يمين ذكرني بأول غلاف لفوق أمريكا مع آنا وينتر، للي ما يعرف وش أتكلم عنه هنا تلقون الغلاف. بصراحة أتمنى أشوف أحد لابس اللبس اللي بالوسط. لو ما فيه أحد لبسه، أكيد لو حصلت لي فرصة بالبسه حتى لزواج (أيه مستعدة ألبسه لزواج). أنتم وش رأيكم؟
بالمناسبة لو مهتمين من تتوقعون بيكون مصمم لوي فيتون الجديد؟ أعتقد مارك موجود معاهم من بدوا يسوون ملابس. أغلب الكلام أنه بيكون ريكارد قاسكيه (مصمم بلانسياقا السابق).
اظنك خربتين يااروى .. احس انه حلو لزواج
ردحذفبس هالشهر لاني رحت زواجات كثير (ثلاثه باسبوعين)
اقولك ان بيئة الزواجات ماتشجع الا على سترتش اسود وبس
يعني الواحد ما يتعب و يدور فساتين قبل شهور؟!!
حذف