NRCL Updates

قبل فترة مع عروض الأوت كتو، سويت قائمة للملابس اللي أتوقع إنها تنلبس من عروض الأوت كتو خريف 2011، زي ما قلت لكم وقتها، هذا الشيء أسويه كل سنة، بس ما كنت أوريه أحد، و علشان لما يلبس أحد فستان، و أقول لكم كن متوقعة ما أطلع كذابة P:. 

المهم تقريبا إلى حد الآن انلبس 10 بالمية من الفساتين اللي بالقائمة حقتي، و المريح  (لي طبعا) أنه أساسا ما أنلبس كثير من عروض الأوت كتو لحد الآن. 

هذي صورة للقائمة و الفساتين اللي انلبست لحد الآن، (تقدرون تشيكون على القائمة، و تشوفون مين لبسها وصورهم بتعليق تحت الفساتين اللي انلبست هنا، أو من القائمة الجانبية). راح أترك صور الفساتين اللي انلبست يومين، ثم إن شاء الله باحذفها، علشان ما يكون الألبوم كبير مرة، خصوصا أن جاية ملابس عروض ربيع 2012. 

زي ما قلت لكم تقدرون تناظرون ملابس أوت كتو خريف 2011 و بعد ملابس ربيع 2012 فلا تنسون تشيكون كل يوم، لأنه كل يوم راح أضيف إن شاء الله. 

Actresses Love Express Striped Dress

بعض الملابس ما أقدر أقول أمها داعية لها، لأنها مالها أم، بس تلقى حظ كبير خصوصا بين السلبرتيز. قبل أسبوع أو أكثر شفت فستان مقلم أحمر و أزرق على جانواري جونز. ما همني الفستان، مع إني أحب الملابس المقلمة خصوصا في الصيف، بس ما عجبتني قوة ألوانه، بهذا الأسبوع شفت الفستان نفسه على 3 ممثلات غير جانواري حونز. 

الفستان عرفت بعدين أنه من إكسبريس تقريبا بـ 187 ريال، ما أعرف موجود بمحلات إكسبريس عندنا أو لا، بس لما دخلت الموقع لقيت منه أسود و أبيض (ما أنتبهت إذا فيه أحد لبس اللون هذا أو لا). 

المهم زي ما قلت لكم بعد ما شفته على جانواري جونز (الحامل)، شفته على أماندا سيفيرد، زوي سالدانا و إيمي روسم. من بين الأربعة أعجبني أكثر شيء على زوي، خصوصا أنها لبست معاه هذا الحزام التان النحيف، بالعموم ما يعجبني لما زوي تضيف الحزام على الفساتين اللي تلبسها (سوتها أكثر من مرة) لكن مع هذا عجبني كثير، حسيته أعطى شكل للفستان، إيمي روسم لبست معاه قبعة، جانواري جونز لبست نظارات بإطار أحمر، و شباشب ما أعجبني شكلها، أما أماندا فاتركته زي ما هو مع نظارات وايفارر سوداء و بعد شباشب سوداء. 

ما فيه وحدة بالنسبة لي كان شكلها مو حلو، بس زي ما قلت لكم، أنا حبيت الفستان على زوي أكثر شيء. 

شرايكم بالفستان، أو الفساتين المقلمة كامل؟. و على مين أعجبكم أكثر؟ 

Gray jumper over a dress

هذي التدوينة كان خاطري أحط لها عنوان طويل زي بعض الأفلام بس بالأخير قلت لنفسي بلا كلام فاضي و جيبي الموضوع من الاخر ...

قبل شهرين تقريبا بعرض لوي فيتون لربيع 2011 أليكسا شونق جت بفستان من مجموعة الريزورت للوي فيتون لابسه فوقه جمبر رمادي ... أعرف أنه ناس كثار يحبون أليكسا، بس أنا ما أحبها، مو لأني أشوف لبسها بايخ بس كذا ما أفهم وش ميزها عن الناس الثانين الي يلبسون زين بس ما يحصلون دعوات للعروض و تجيهم ملابس مجانية ... خصوصا و إنها لا هي ممثلة، و لا مغنية و لا عارضة و لا شي ... المهم طبعا لأني ما أحبها زي ما قلت لكم بغيت شوي لأكفر فيها، جبت أختي أوريها اللبس و أشهر بأليكسا كيف خربت فستان بالحركة البايخة الي سوتها، و هي لبس جمبر رمادي ...

أمس بنيويورك بإعادة افتتاح بوتيك ديور (نفس الحفلة الي جتها ليف -التدوينة الي تحت-) كانت جاية دري هامنقوي (للي ما يعرفها هي عارضة)، أنا ما أحب دري بعد، بس لازم أعترف إن ذوقها مره حلو، على الأقل لحد الآن ... المهم أنه دري مسوية نفس الشي آخذه فستان من مجموعة الريزورت 2011 لديور، و لابسه فوقها جمبر رمادي. عجبني شكل دري مرة، حسيته كيوت و نظيف، خصوصا إنها فكت الحزام الي جاي مع الفستان وربطته بالسويتر، و لابسه معاه كعبات نود.

وش رايكم بالحركة؟ و على مين عجبتكم أكثر؟

No don't even think to touch Versus ever again

دايم أقول للي متابعيني من زمان تعرفون أنه كنت أسب كثير، بجد أحن أسب بعض الناس، بس بيني و بين نفسي قررت أنه ما أكتب إلا عن الأشياء الي ممكن تفيد. يعني من الآخر مين راح يستفيد من السب ...

لكن للأسف إن كيم كرداشيان سوت شي ما ينسكت عنه و هو إنها لبست فستان من فيرسيز، أكره إني أكون سخيفة بس come on كيم نعرف أنه حتى لو أنت الي جايبته من وين جبيته يعني ما شاء الله ما عرفت أحد غيرك يسوي نود بعد ما عدا الثلاثين ؟!!! تسوين نود كيفك أنت حره، بس تلبسين فيرسيز لا ... هذا مو لبسك، يعني إلبسي ماركيزا ... ماكس أزريا عادي أسكت، بس فيرسيز لا ...

طبعا تبغون مبرراتي إني أقولها لا ما تلبس فيرسيز أولا جسمها، يعني أنا عمري و لا أحب أقول أنه الحل لكل شي العصاله، بس يعني الواحد يحترم نفسه من صغر جسمك يوم تلبسين فستان زي كذا يعني لا إله إلا الله من كل جهه متنفخة ... الشي الثاني لون التان حقها مقرف ... شعرها يحوم الكبد، وجهها الي متروس صبغ!!! ... و أهم شي شوفوا كيف مرخصة اللبس مع هالإكسسوار البايخ الي زي وجهها ... علشان تعرفون إني ما ظلمتها شوفوا الفستان على الموديل و أحكموا. كلمة أخيرة التايت غلط ...

Beautiful Doll

قبل فترة أعلنت حبي لإيل فينانق للعلن ... البنت ذوق، و حلوة و أحس إنها موهوبة مع إني ما شفت لسا فلمها الجديد ... فناس تجتمع فيهم هذي الأشياء، أكيد أتمنى أشوفهم كثير
أمس إيل جاية لحفلة لمجلة إيل بهوليوود ... العجيب بهذي البنت على إنها طويلة، بس تخلي الفساتين فساتين أطفال ... أمس لابسه فستان من ماركيزا مجموعة الربيع الأخيرة الي عرضت بنيورورك قبل شهر، الفستان من ماركيزا مو نوتي باي ماركيزا للي جالسين يدورون على نوتي و للي يسأل وش الفرق بين الإثنين هو نوتي أرخص من ماركيزا لحاله ...

المهم الفستان من الفساتين القليلة الي أعجبتني بالعرض الأخير (أنا مو من معجبين ماركيزا، أشوفه دلوع بزيادة علي) المهم بس كان بفصوص خضراء مزرقة (هنا الفستان من العرض).

الي يعجبني بإيل، و ما أعرف مين الي يزينها إنها عارفة وشو الشي البسيط الي ممكن يحول اللوك من لوك لايق على العمر لشي لما تشوفه تحس الواحد أكبر من عمره بعشر سنوات ... طبعا هنا إيل ما حطت مايك آب يعني روج جامد أو بلاشر أو كحل، الشي الثاني شعرها جدا لابق على عمرها، و هذا الشي أشوف كثير ناس يسونه خطأ بزواجاتهم ... يعني يظنون لأنه أختهم أو أخوهم هو المتزوج يجوون يسوون لأم 9 و 10 تسريحة أو لو حتى بيرم، و يحطون على شعورهم لماع ما أعرف وش سنعه، أو حتى يكبون القلاتر هذا على الوجه ... لما يكون عندك أحد صغير بعمر إيل 12 سنة لبسه فستان حلو زي كذا (يعني أبيض نفاش قصير) لا تحطوون لها مايك آب، و لا تسرحون شعرها ... يعني استشوار أو كرلز خفيفة ترا تكفي وزيادة.

شي أخير عجبتني الجزم السود يعني مخففة من جو العرايس، ما اختارت ذهبي أو فضي أو أي لون ميتلايك لأنه بالآخر هي حفلة لمجلة مو توزيع جوائز ... و عجبني أنه الجزم لها حزام ما أعرف وش يسمى بس هذا الشي الي يتسكر فيه، مع أنه علي الأقل من الصورة الي أناظرها واضح أنه كعب، بس الحزام عاطيها شكل طفولي، و هذي مو أول مره تلبس جزمة زي كذا ... لبست جزمة من هذي النوعية ببريمير فيلمها الأخبر somewhere بفانيسيا، لما لبست فستان من مارك جايكوبزمن مجموعة الريسورت الأخيرة.

Real Shopping Comeback

أعرف إني ازعجتكم بموضوع إني تقريبا بطلت أشتري من أسواقنا لأن أكثرها تسد النفس، و تعامل البياعين زفت ... بس إني الإسبوع هذا زرت السوق أكثر من مرة و للجد كانت فيه أشياء كثير حلوة ...

انتبهت أنه كثير دانتيل، و تعرفون إني أحب الدانتيل، بس ما شريت أي شي دانتيل ... بعد فيه كثير فساتين طويله (ماكسي) للسهرات و للبس كل يوم ...

من الأشياء الي لفتت لي نظري على طول الفستان هذا الي من مانقو (على اليمين) على طول صورته لأنه ذكرني بفستان من مجموعة قبل الخريف من ستيلا مكارتني. الفستان عاجبني مره و النسخة القصيرة منه مانقو مقلدينه بعد بس ما شفته بالمحل شفته على الموقع المهم النسخة الي تنباع و الي شفتها على السلبرتي ما عجبتني لأنه بطنتها بأسود و لا طلع مره حلو، و حتى قلت لاختي ليه ما خلته لحمي بيكون أحلى بكثير ...

هذا هو الشي الي سووه مانقو بنسختهم، يعني ما بطنوه أسود، بطنوه لحمي عشان كذا عجبني مره، للحق ما شفت سعره بس أكيد وش ما كان سعره بيكون أخف على الجيب من نسخة ستيلا الي تنباع هنا ب net-a-porter.com ب 7,101.021 ريال (شي جواتي يقول سلامات؟!!!) أما نسخة مانقو فهي ب 389.224 ريال ... و عليكم حساب الفرق، و تخمين كم قيمة هذا الفستان الطويل، الي أحسه بيكون حلو لو بغيتي فستان لزواج ناس شوي بعاد :)

Rodarte for Target in High Fashion Version

الحمد لله ما خيب ظني كين، طبعا لما أقول الحمد لله أنا جواتي أقول الحمد لله على كل حال، يعني ما يحتاج أشكي إني ما أقدر عليه ... و عشان تعرفون قد إيش أنا مو أنانية شوفوني و أنا ما أقدر على كين انبسط أنه سوا شي كويس يقدر يشتريه ناس ثانين ماعندهم مشكلة دفع 4000 دولار على فستان منه ...
طبعا أحاول أعزي نفسي و أحط لكم اللوك الي فوق من عرضة الأخير بس ما راح أكذب و أقول مو حلو يعني على قولتهم الكذب خيبة، بس باقول أنه استوحاه من هذا اللوك من رودارتي لتارقيت .



طبعا أنا حابة مره هذي المجموعة، مو بس لأني شريت منها (تنورة العيد المسترد هذي هي) و تراها مو من الهرم للي قالي أنه شاف زيها بالهرم، طبعا هي مو غالية، مو أحبها بس لأنها مو غالية، أحبها عشان التل الي عليها، و أحبها عشانها زي الدانتيل، أنا أساسا كان خاطري بالبلوفر بس لقيته غالي 64 دولار، أدري بتقولن من وين غالي، بس أنا كان خاطري أشتري أشياء رخيصة، و أثبت لنفسي إني أقدر أشتري ملابس رخيصة و أحبها مره، و هذا الي صار ...

بس إن شاء الله الله بيعوضني بدل الرودارتي هذا بكريستفور كين ببلاش، أعرف إني أضحك، بس يالله نضحكم معاي :)

Valentino Second Chance by Jessica Alba

قلت لكم من قبل إن فالنتينو الأوت كتو للخريف المجموعة الأخيرة ما عجبتني ... و هي لسا ما عجبتني لحد الآن ... بس فالنتينو واضح أنهم جالسين يدورون على فرصة ثانية يسوقون لأنفسهم من جديد مع جيسيكا ألبا بمهرجان فينيسيا خصوصا أنه جيسيكا ما راح يلقون وحده كيوت أكثر من جيسيكا ألبا.
طبعا جيسيكا الفترة الأخيرة متغير لبسها بشكل كبير، صايره تلبس لبس حلو مرة، و تلبس لمصممين مختلفين، و بعد ملابس بتصاميم و أشكال مختلفة، و مو حده نفسها بلوك أو بمصمم واحد.

أول ما شفت صورة جيسيكا هنا، مررت بحالة ذهول :) كيف خلت الفستان هذا الي على اليسار كذا كيوت، صح ما عجبتني الشنطة بس يظل شكلها حلو و الفستان طالع عليها أنيق و أحلي بكثير من سيري الي أساسا تعجبني ...

الفستان الثاني لبسته جيسيكا لبريمير فلمها الجديد ماشيتي بفانيسيا بعد، و نفس الشي بفستان من نفس المجموعة، الفستان ما فيه أي شي زود أسود قصير من قدام، طويل من ورا و سترابليس بس جيسيكا خلته زود، و الأهم شي أنه فالنتينو ما كفاهم بس يلبسونها منم، لا و سوو لها مع الفستان الأسود نفس التسريحة الي ما حبيتها أبدا للشو و حسيتها كأنها شعر مولود (شوفوا الصورة الأولي) و مرة ثانية جيسيكا تخلي التسريحة كيوت.

Little White Dress

اليوم أنا تعبانة مرة، بس قلت أكتب يمكن اتنشط شوي ... شفت هذا العدد من نميرو مصوره كارل لاغرفيلد و العارضة ناتاشا بولي يعرض فيه فساتين كتو من الموسم الأخير ...

لما شفت هذي الصورة الي على اليمين حسبت ناتاشا لابسه نفس الفستان الفيرساتشي الي لبسته جانواري جونز لبريمير Mad Men بس لما انتبها للأبوات شفت إنها من شانيل، قلت حليني أرجع اشيك و أشوف ... و شفت صورة جانواري و عرض شانيل و عرفت أنه الي على اليمين من شانيل، و الي على اليسار هو الأتيلير فيرساتشي ...

حطيت لكم الصور الفستان بالعكس، و لأني ما لقيت لوك بوك للفيرساتشي قلنا نحط صور جانواري من جديد ... المهم أنا أشوف الفستانين يتشابهون، بس أظن شانيل فيه فكرة من قدام يعني كارل حاس بأنه الفستانين يتشابهون جا وصور حقه من ورا كأنه يقول حقي أحسن ...

ما أعرف بس أنتم وش رايكم، وشو الفستان الأحسن؟ بالنسبة لي شانيل مو لشي بس أحسه ما يحتاج ألبس معاه أي مجوهرات.

Rachel/ Kate or Kate/ Rachel

بداية الاإسبوع الي فات لما شفت ريتشيل بيلسين و كايت بسمورث بعشاء فينيسا برونو احترت مين أختار بين ثنتين بهوليوود يعجبوني مره، بالعادة أميل لكايت، لأن اختيارات ريتشيل بذات لكل يوم أحسها مملة شوي ... بس بهذا العشاء آخر شي أخترت ريتشيل جكيتها، و شنطتها و جزمتها خلوني أختارها ما أعرف ليه، مع أنه شي جواتي يقولي أنه كايت أكثر آناقة.

اليوم شفت الصوره هذي لريتشيل، على طول جا ببالي اللوك هذا لكايت بداية الصيف و أعجبني مره، المره هذي أظن أنه كايت كانت أحلى بهذا اللبس، الدانتيل و الجنز الفاتح خلوني أجب اللوك على كايت أكثر ...

قبل فترة طويلة، يمكن بعد عروض الخريف بوقت قصير لبست ريتشيل الفستان الأبيض لبيرن، المجموعة بالأساس عجبتني عجبني الفستان مره، خصوصا أنه بالعرض كان لونه أسود، و حسيت أنه الأبيض أحلى بس المايك آب و التسريحة ما عجبتني مره.، و الجزمة النود شوي كبيرة أحس بعدها فترة لبست كايت فستان ثاني من نفس المجموعة، و كانت مسرحة شعرها بشكل حلو مره، بس بالأخير أحس حبيت فستان ريتشيل أكثر.

بشكل عام زي ما قلت أحب لبس كايت ... أنتم مين تحبون؟

I wanna be famous

أقل من شهر بعرض شانيل كروز كوليكشين طلعت آبي لي بهذا الفستان، بالنسبة لي كان أحلى شي بالمجموعة كلها ... لونه، قماشه، قصته كله كله حلو ...

أمس ما أسرع، صح إني أحب كريستين بس على طول تلبسه ليه؟؟!! بكان بتوزيع الجوائز جت بنفس الفستان ... ما أعرف لسا شعوري تجاهه عليها، بس اللون طالع حلو عليها مره.

أعتقد الفستان ما رجع لباريس أصلا العرض كان بسان تروبي، و كريستين ما كلفت كارل قيمة البنزين عشان يرجع للدار على طول وصلوه لها في كان.

أنتم وش رايكم بالفستان، و على مين أحلي؟

On who the turquoise Chanel dress look better?
	Abbey Lee Kershaw
	Kristen Dunst
pollcode.com free polls

Kate & Kate

لما شفت هذي الصوره لكايت هاديسون و هي تصور فيلمها الجديد Something Borrowed مع هذا الشورت الكروشيه (عجبني بقوه، لو لقيت زيه تنوره أو شورت أكيد راح أشتريه، الكروشيه فكره حلوه مره للبس البحر بس شرط ما يكون هو نفسه لبسه البحر يعني باكيني أو المايوه) ذكرتني بهذي الصوره لكايت موس من أعتقد من 96 صورها يورقان تيلر.

فيه زشياء كثيره متشابهه غير الإسم ... لون الشعر الكروشيه الأبيض و الشاطي ... عشان هذي الصوره تحمست أشوف الفيلم خصوصا فيه ملابس ثانيه حلوه بالفيلم.

High Street Goes Even Higher

دايم أقول إني أحب الهاي ستريت، لأنها تجيب لك ملابس حلوه و تقدر تدفع فلوسها ... اليوم جاني من ASOS رساله عن الفساتين الي عندهم، أنا صراحه شبعانه فساتين، بس لاحظت يا كثر الفساتين الي تشبه فساتين من الليبلز ... و حبيت أحطها هنا، لو ودكم بشي منها (ترا ما عليها تخفيض لسا).

قبل سنة أو أقل طلعت ستيلا ماكارتني مجوعه حلوه، كان فيهم هذا التي دريس الي عجب أختي مره ... و أنا أقلب لقيته بسعر لسا رخيص 44.4 دولار يعني 166 ريال، هنا الفستان

مؤخرا صايره مهبولة بفساتين فيرساتشي ... هذا الفستان من كارين ميلين على طول حسسني أنه فستان من فيرساتشي ... الفستان مو رخيص بس للزواجات يستاهل سعره هو ب 340 دولار يعني ب 1275 ريال، الفستان هنا

الفستان هذا من إليكسندير وانق ما فيه أحد من السليبرتي ما لبسه ... إذا كنت تحبين هذا اللوك الفستان بحوالي 67 دولار يعني 243 ريال الفستان هنا

أول ما شفت الفستان هذا حق نارسيسو رودريقز على سارا جيسيكا باركر بعدد فوق الي عن SATC و الي كتبت عنه قبل سنتين ... حبيت هذا الفستان الي حسيته على طول يصلح أنه يكون من كوليكشين رودريقيز الفستان ب 102 دولار ... يعني ب 384 ريال، هنا الفستان

هذا الفستان من كريستفور كين، لبسته إيما واتسون عند دايفيد ليترمان ... حلو و شعره رخيص .. سعره ب تقريبا 77 دولار يعني ب 288 ريال، الفستان هنا

الفستان هذا من ماكوين، أول ما شفته حبيته، لبسته درو بريمو و استهبلت فيه ... أختي لما شافت هذي النسخة عند أسوس مره انبسطت مو رخيصه بس أكيد أرخص من ماكوين، هو تقريبا ب 145 دولار يعني 544 ريال. هنا الفستان

* الموقع عنده تخفيضات قويه يجي موسم التخفيضات، بس مو على كل حال تبقى الأشياء.

فاصل إعلاني

من زمان عن فاصل إعلاني، بس اشتقت أكتب لما شفت كريتسن بيل لابسه هذا لافستان من ليلا روز، هب ما أمداهم يشيلون أغراضهم من الشو نفسه ... بس آسفة على كريستين صاير بايخ، لا زينت شعرخا، و لا لبست جزم حلوه، و المقاس مو مره مضبوط شوفوا كيف الفستان من تحت أبدا مو حلو عليها ... حلو أنك تشوف الفساتين كيف كانت بالرانواي و كيف صارت على الناس حتى لو كانوا سليبرتيز

Too Close

أحب، أحب أحب تصوير الفاشن فيه إبداع مو طبيعي ... تعجبني أعداد مجلة هاربرز بازار، و اليوم شفت صور لعدد مارس و عجبتني قوه بالعدد عاطين العارضات لوك بعض المصممين الفكره مجنونه و الصور مره حلوه،، هذس مو ألو مره تصير مره قبل فوق الفرنسية سوت عدد كامل عن محررة فوق الأمريكية آنا ونتور ...

هنا الصور:

جون قوليانو

سونيا غيكيل

كارولينا إريرا

ري كاواكوبو

فيفيان ويستوود

كارل لاغرفيلد

و الي تبغى تشوف الصور كاملة، تلقاها هنا

Versace: Niney Dress

ماراح تصدقون بس وأنا أقلب كوليكشين فيرساتشي صرت أقلب بسرعة حاسه أنه فيه شي بس يصلح لكايت هاديسون، شي يشبه هبالها بناين ... ما راح أتكلم كثير بس أنتم شوفوا و بالمناسبة حبيت الفستان مررررره ...

The Muse

تعجبني جانيوري جونز، و كثير يعجبني اللبس اللي تلبسه، بس صراحة لبسها بالقولدين قلوبز مو أحسن شي لبسته، بالبداية حبيته، بعدين حسيت الهيدباند تو ماتش ... بس شكلها أعجبت أحد ... يعني بعد شهر تقريبا بعرض دونا كارين تسوي للعارضات تقريبا نفس التسريحة و نفس لمايك آب ...

بس دونا جاحدة ما قالت إنها استوحت العرض من جانوري ... و حتى ما دعتها للعرض؟!!! p:

Too Quick

بكل مكان أول شي أقوله أحسد السلبرتي كيف يحصلون هدايا و هم أصلا أغنياء؟ !!!! .... اليوم و أنا أشوف الصور و أخبار شفت ديمي مور بهذا اللبس بغت تجيني سكته يعني أمدانا أحلف لكم إن الآوتفيت هذا غرض بس قبل يومين بنيويورك بعرض دونا كارين؟!!!!! يعني و لاأخذ معاها و لا 24 ساعة عشان تحصلة، و الأكيد مجانا ... بس أعترف أنه طالع حلو عليها بس قاهرتني بنت ال.... حتى الجزم ما خذتهم يعني ما بقى إلا الطوق و إلا كملت ...

حسيته كأنها واحد من ربعنا الي يصدقون أنهم مالكين العالم أي شي يعجبهم من دون تفكير يجيبونه لو إن شا الله بأربعة أضاعف سعره ... أرجع و أقول أنا متأكده إن ديمي ما شرته لأن لسا ما نزل بأي محل ....

Brave In Fuchsia

أعرف أني أكتب متأخره عن فساتين golden globe، بس كنت مليانه بروجيكتز فتأخرت.

بالعادة ما أحب اللون الفوشيا يصير فستان، بس شين أحبهم بهذا الفستان أنه من لاكوا، و أنه ديان كروغر لابسته، أعجب كيف هذي المره ذوووق، كل شي تلبسه يطلع حلو ... هذا الفستان عجبني من فساتين الحفلة ....

الشي الي أموت أعرفه مين يسرح شعرها ما قد شفت خصلة مكانها خطأ هذا المرة صدق ألمانية.

Sisters Face-Off

من فترة أعتقد بداية الصيف طلعت كورتني ببلاي سوت، و بعد كم يوم طلعات فيها كيم قلت باخاطرها و هم خوات عادي (تصير كثير هنا)

هالمرة ردتها كورتني لكيم، لبست كيم فستان أبيض و تطلع بعدها كورتني لابسته هذا مو لايق، خصوصا لما تكون وحده حامل (مانسويها) يعني من الآخر أول مرة أشوف أخت تتلابس مع أختها الحامل أظن بالثامن :D