الخميس، 4 يوليو 2013

The Battle of the Red Carpet


أعتقد خلصت عروض أوت كتور خريف 2013. زي ما وعدتكم راح أتكلم عن العروض بشكل عام، و بنفس الوقت بأحط أحسن الملابس اللي بنفس الوقت أعتقد إنها أو أحب أعتقد إنها بتكون على الريدكاربيت (تعرفون أحب أتخيل نفسي إني صدق ستايلست P:). من العروض اللي فاتت خمسة (على الأقل متأكدة إني شفتها من التسعة اللي اخترتها لبست على الريد كاربيت) فأنتم سايروني و خلوني أخمن أو أتمنى وش راح يلبس الفترة الجاية من المجموعات اللي عرضت هذا الأسبوع. 


قلت لكم قبل شانيل بالنسبة لي كان سيء، ما قدرت أختار منه أي شيء، رجعت مرة ثانية وجلست أحاول أشوف شيء ممكن يطلع حلو، بس عجزت (فيه لوك أو ثنين قدرت أتخيل أنه ممكن يطلعون حلوات مع تعديل). المهم نجي للملابس أعتقد إن أرماني برافي أكثر مجموعة حسيت إنها شيء مختلف (على الأقل عن السنوات اللي فاتت)، ديور و فالنتينو مصممينهم جالسين شوي شوي يغيرون من شكلهم. أكثر شيء أعجبني و بجد أتمنى أشوفه هو الفستان القصير اللي فيه شيء أزرق سماوي من جامباتيستا فالي (مرة حبيته). ودي أشوف بعد أحد يلبس الفستان اللي عليه طبعات حيوانات من جان بول قوتييه، بس ودي اللي يلبسه ما يلبسه برخص (عندي طبعات الحيوانات "نمر، فهد" بسهولة تتحول للبس رخيص، بس لو لبست بأناقة تطلع حلوة). آخر شيء إيلي صعب بالنسبة لي ما كان عنده جديد، بس أعتقد أنه راح يكون أكثر واحد يلبس له على الريدكاربيت. 

إذا كنتوا تابعتوا العروض، وش أحسن عرض عندكم؟ و لو ما تابعتوا، وش أحسن شيء من الفساتين اللي حطيت صورتها هنا؟ 

هناك تعليق واحد:

  1. تعرفين إني مسوية بوست عن لبس العرايس من مجموعات الأوت كتور، نسيت أنه إلى الآن بالمسودة، فقلت ليه ما علقت على لبس العرايس بموضوع فساتين العرايس ؟!! D:.
    حبيت العقود الكثيرة بهذا اللوك من أرماني.

    ما فهمت وش قصدك بالنوعية هذي؟ color block؟

    ردحذف