الجمعة، 5 يوليو 2013

Trend Alert: Rain Boots

من فترة كنت أدور لي على بوت (ما يحتاج أقولكم إني صرت أحتاج بعض المرات ألبس بوت)، ما علينا. و أنا أدور و تعبت من التدوير فكرت: طيب أبوات مطر ما تطلع "كووول"، ما يحتاج أقولكم إني كنت أتوقع إنها رخيصة، لأن بالعموم شكلها مو حلو (على الأقل هذا رأيي فيها)، بس قلت يمكن يطلع شكلها حلو، طيعا إلى الآن ما أعرف أسعارها. 



قبل فترة شفت إيديتوريال لكيري موليقان على هاربر بازار البريطانية و شفتها و هي لابسة هنتر (أبوات مطر) مع هذا البالطو الصيفي من برادا، شكلها ظريف، مو حلو، بس شكله ريفي إنجليزي مرة، بس زي كثير من الأشياء اللي تكون بالمجلات و الإيدتوريالز ممكن تكون ظريفة على الورق، لكن بالواقع لا. حفظت الصورة وقررت أراجع نفسي بعد أكثر (و بنفسي حتى لو شريت أبوات، ما راح أشتريها طويلة كذا. 


اليوم و أنا أقلب بمجموعات الريزورت ل 2014 شفت مجموعة فالنتينو، و أول شيء انتبهت له أنه كثير من "اللوكز" اللي حاطينهم باللوك بوك، كانوا العارضات لابسات أبوات مطر أول سؤال جا ببالي: "ممكن نشوف أبوات المطر صارت موضة؟" ما أستبعد، أعتقد على الأقل واحد أو اثنين بيحاولون يلبسونها يمكن بأسبوع الموضة بنيويورك بسبتمبر، أعتقد إن هانا قابي ممكن تلبسه (مع أنها بالعادة لها ستايلها الخاص اللي مو كل الناس تسويه). بس خلونا نشوف. 

أعرف إن أكثرنا ما يقدر يلبس هذي الأبوات لأنه حر و جونا بالعادة "خالي" من الأمطار، بس لو كنتوا بمكان ثاني، ممكن تلبسون هذي الأبوات على إنها "كشخة"؟