Statement Outwear

أعتقد الشتاء صار شبه حقيقي بشمال الكرة الأرضية كامل. فأظن هذي فرصة كويسة إني أكتب عن شيء شتوي، أولا إذا ما قد قلت لكم قبل، يمكن مو لازم، بس ودي أقولكم إني أحب الشتاء أكثر من الصيف، على الأقل مو صيف السعودية، اللي أظن أبرد شتاء ما يخليني أشتاق له. أنا مو مرة مع لبس الشتاء، مو ما أحبه بس تعرفون إني أحب الملابس الخفيفة، لكن أكيد أحب الجاكيتات الحلوة.

الفترة اللي فاتت شفت أكثر من سليبرتي على الريد كاربيت، جاي بجاكيته (ما أعرف هذا تريند أو إيش؟) بس ما علينا، المهم الجاكيتات مع فساتين السهرة/كوكتيل عجبتني مرة، كل الثلاثة خيارات (أعرف بتقولون كيم كرداشيان هنا واااو). أولا خلوني أوضح أنه أحس لبس كيم فيه لون ماسترد كثير (مو شين بس أحس أنه كثيرة بالنسبة لذوقي) لكنه أعجب أختي، و لأني أعتقد أنه ذوقها حلو، و مادام أعجبها فأكيد بيعجب ناس ثانين غيرها أخترته مع القصة حقت الجاكيتات (و أخيرا خلصنا من شرح موضوع كيم)، المهم أعجبني مرة شكل جاكيتها مع لبسها (الشكل مو اللون)، بعد أعجبني الجاكيت الفرو الأخضر اللي لابسته بلايك مع هذا الفستان اللي فيه تأثير اللانجري، أحسه مع المكياج و المجوهرات أعط اللبس فخامة مرة (أحس أنه لبسها بيدخل قائمة أحسن لبس لشهر ديسمبر، وش رأيكم أنتم؟). 

آخر وحدة هي أليكسا شونق، مع جاكيتها اللي فيه شكل الخياطة الرجالية، أعجبني شكله مع الفستان الأبيض القصير (أعجبني أنه أطول من الفستان)، أظن أنه أعطى شكل للفستان أكثر من لما صورت من دونه، طبعا بالنسبة لي ما أقدر أنكر الدور اللي لعبه الروج الأحمر على هذا اللبس و خلاه مرة أنيق. 

أنتم وش رأيكم بجاكيت مع فستان فخم (خصوصا لحفلة خارجية)؟ و إيش شكل الجاكيت/بالطو المفضل عندكم بين هذي الثلاثة. 

Perfect Look for Summer

فيه شيئين أنا طايحة فيهم الفترة هذي: ريتشيل زو (خلصت السيزون الأول و الثاني من ريتشل زو بروجيكت)، و الثانية هي بلايك لايفلي، بس تراي لسا ما انحدرت لمستوى GG لا تزعلون ياللي تشوفونه، بس عجزت أتحمل اتحمل تفاهته.
بلايك بالنسبة لي علي الأقل من الأشياء اللي شفتها إنها ما تعرف تمثل، بس صراحة البنت حلوة، و جسمها قاتل.

أنا مو من الناس اللي طايرين بستايل بلايك، و لا أنا بعد من اللي كل ما لبست شيء قاموا يعطونها دروس باللبس، و بعد ما تفرق بالنسبة لي كان عندها ستايليست أو لا (زي ما هي تقول)، لأني ما أشوف إن الموضوع يستاهل إني أفكر فيه أصلا.
ما يهم نرجع للموضوع الأصلي (زي دايم)، و ابغى أتكلم عن لبسها لجاي لينو ..
اللبس بالنسة لي بهذي الفترة يمثل كل شيء خاطري فيه، خاطري بقطعة من ميسوني، بس ما أعرف إيش، وش يستاهل قيمة مرتفعة؟ و أفكر إني أنتظر وش راح يسوون لتارقيت، يمكن يطلع معاهم أشياء حلوة، ينقدر عليها.
خاطري إني آصل لمجوهرات غالية و فخمة متى ما أبغى (تأثير ريتشيل زو)، البرنامج خلاني أقدر المجوهرات بشكل كبير، رغم إني ما أشتريها كثير، لأني ما أشوف إني "أحللها"، بس ودي كذا لما أشتهي أروح لمحل و أختار، و لا عندي مانع بكرا أرجعها لهم.
و أكثر شيء خاطري فيه، إني ألبس قطعة غالية بشكل كاجوال. مو رسمي.

أرجع للبسها بشكل عام، أعجبني مرة الفستان الميسوني الذهبي هذا، أعجبني إنها لبست تحته تانك أبيض، خلاه كاجوال، و أكيد غطى جزء من صدرها، خصوصا و إن الناس دايم ناقدين عليها قضية الصدر. أعجبني الصاندل الكعب اللي من كريستيان لوبيتن (يمكن أول مرة يعجبني شيء من لوبيتن بقوة) لونه مع هذا الفستان الذهبي الفاتح طالع حلو مرة، و الصندل مخلي اللبس كاجول، بنفس الوقت مو حق بحر أو شارع، الكعب يخليه لبس حفلات. أعجبني كثير إنها لبست مجوهرات (واضح) إنها غالية مرة، الفيروز طالع حلو، مع مجموعة الأساور الثانية.

مع المايك آب، و الشعر، أكيد أختار هذا اللوك أنه يكون أحسن خيار لحفلة بالصيف، تذكروا دايم أنه مو لازم تسوون نفس الشيء، يعني فستان بلون فاتح (ألوان طبيعية)، و من دون موديل معقد (من دون أكمام و قصير)، تانك أبيض، مجوهرات أو إكسسوارت كثيرة على يدك و ملونة، مايك آب خفيف، وايفز بسيطة، و صندل كعب بلون نيون، من أي ماركة، أي محل بيخليك حلوة زي بلايك.

Burberry's trademark

قبل يومين كان فيه القولدين قولب، و زي ما شفتوا أكثر شي أعجبني كان لبس ليتين الي من مجموعة قبل الخريف لبوربري ... الفستان حلو مر، بس الفستان مو أكثر شي عجبني بالمجموعة، أول ما شفتها قبل أكثر من شهر.

طبعا قلت مليون مرة إني ما أتابع أبدا، أبدا GG، بس أكيد أهتم باللبس الجديد لبلايك لايفلي ... فشفت هذي الصورة لها و أثرها صورة لها من سيت المسلسل. بلايك لابسة بالطو من من مجموعة قبل الخريف، عجبني شكلها مرة بس مو هذا البالطو المفضل عندي بالمجموعة لما شفت المجموعة أول مرة.

إن كان فيه شي يسوونه بوربري أكيد أحسن من أي أحد ثاني هي البالطوات، و خصوصا الترينش. قبل فترة جاني بحث مكتوب فيه: موديلات بالطو ماركه، علشان كذا إذا عندك فلوس أول شي ممكن أقترحه بوربري. أكثر شي عجبني من كل المجموعة هو البالطو الي على اليمين، صحيح أنه ما ينلبس بأي مكان خصوصا مع لمعة قماشة و الكريستالات الي فوق، بس حلو مرة. البالطو الثاني بالبداية ما عجبني، ما أعرف ليه بس ما أحب كثير لما يكون فيه بس رقعة خفيفة فرو، يعني أحب الفرو كامل بس رقعة خفيفة ما تعجبني كثير، لكن لما شفته على بلايك عجبني.

The Icon to be

من زمان ما تكلمت عن السلبرتي ... جزء منه بعمد و جزء لا، يعني لما كانت أسابيع الموضة شغاله، قلت باركز على العروض و لما خلص شهر الموضة جالسة أدور شي مميز ممكن ينكتب عنه بس ما لقيت ...

أمس ما أدري قبل أمس بلايك لايفلي خلتني أرجع مره ثانيه و أكتب عن شي يعني مخلط بين العروض و السلبرتي ... لما لبست فستان اللانفان هذا

الي متابعني من زمان يعرف إنه ما كان يعجبني لبس بلايك مو أبدا، بس يعني ما كنت أفكر فيه إنه شي حلو ... طبعا وقت العروض لما كنت أشوف بعض الفساتين كنت متأكده أنه فيه شي راح يروح لبلايك ... و توقعت لها الغوتشي هذا ...

بلايك بأسرع من ما توقعت لبست فستان لانفان المجموعة الأخيرة ، على إني بالعادة أحب لانفان بس هذي المرة ما تكلمت عن عرضم لأنه كان شي مختلف عن دايم، و يمكن فجأني شوي ... بس الحين تأكدت أنه هذي المره لانفان ناوي يطلع فساتين بتطلع حلوه مو بس رانواي، لا حتى لما يلبسها الناس و منهم السلبرتي ...

كل شي علي بلايك كان تمام باللوك الي فوق، و ما أعرف أشكر مين، أشكر آنا وينتور و إلا صدق بلايك يعني في طريقها إنها تكون من الناس الي بنتابع لبسهم بالكثير من الشهقات :) ... قلت أنه كل شي تمام ... الجزم لابسه نفس الجزم الي بالعرض الحزام أو الي قالت لي منوري أن يسمونه هارنس فاتن ... كنت أحسبه جزء من الفستان بس صار منفصل أصلا يكفي هذا البروش الي على شكل حشرة الي محطوطه عند الرقبة وااااااو. من الأشياء الي اعجبتني غير المايك آب و التسريحة الإكسسوار، و بالخصوص الأساور أحسه صدق جزء من اللبس مو مرقعة ...

إذا هذي البداية من بلايك ما أعرف وش بيكون لو كانت معزومة لوحده من حفلات توزيع الجوائز ... و على الي أشوفه الفترة الأخيرة، صدق أتمني إني أشوفها كثير.

Stud Necklace on GG

قبل يومين كتبت عن العقد الكبير، و قلت لكم أنه حلو مع كثير أشياء ... و حتى مع الملابس البسيط (يعني ملابس طلعات كل يوم)، و من فترة قصيرة، و أنا أشوف صور GG الي اليوم طالعة، قلت لأختي أنه بليك عاطينها وجه لبسها صاير أحلى ... ثم قالت لي أختي إنها ممكن تترك المسلسل، فطلعت أختي الثانية :) بنظرية أنه ممكن خلو لها شوي سلطة على أختياراتها للملابس ...

اللبس هذا عجبني ... التوب الأصفر شكله فينتاج كروبد و بأزارير ذهبية قديمة طالع حلو مع الهاي ويستيد شورت الي قماشة كأنه قماش رجالي، ما حبيت كثير الشنطة، بس بالعموم اللوك طبيعي و مقبول أنه الواحد يطلع فيه ... بس أهم شي أنه بلايك أو سرينا لابسه عقد كبير و طالع مره حلو مره مع اللبس.

أنتم شرايكم، باللبس و بالعقود الكبيرة؟

Why does GG ruin everything I love?

كالعادة متأخرة، ما أعرف ليه صاير عندي بطأ استيعاب بعد ما يخلص الشي يجي ببالي إني أكتب عنه، بس زين على الأقل أظن الحين ما فيه أحد ما شاف هذي الصورة، طبعا للي ما يعرف هذي صوره من تصوير Gossip Girl للموسم الجديد الي بيصورون حلقتين منه بباريس ... (أدري الله يعين) ... ما أكذب عليكم أول ما شفت الصوره جتني غمته زيادة على الي تجيني بالعادة لما أشوف صور لهم، لسببين الأول أنه الصور هذي جت بعد ما شفت المسلسل أخيرا (يعني شفت حلقات) و غير أنه بايخ الملابس عليهم طالعه عفوا بس زباله ... الشي الثاني مو لأنهم بباريس ما يهمني الي مقطع قلبي الفستان الي على بلير (لايتن) آه منها بس هذا الفستان من أحسن فساتين السنة الي فاتت بالنسبة لي، لما شفته بعرض موسكينو قتلني ما أعرف ليه بس أحس شوي لآكله من حلاوته بس كالعادة هذا المسلسل و بقدرة قادر يخرب الأشياء، أولا مين يلبس هذا الفستان لتمشي؟!!! أكيد لايتن و واحد قروي توه عارف النعمة ... الشي الثاني وشي هذي البيني الي لابستها يا شيخه و الله الفستان ما يتحمل أساسا لو راح ألبسه (ياليت) أولا لحفلة ثانيا بس راح أحط ذيل مستشور و بس هذا كل شي ... أما إذا كنت مصره على القبعة القبعة الوحيدة الي ممكن ألبسها معاه قبعة بوتير زي هذي ... المشكله مو بس هنا الشنطة حكاية ثانية، الحين شايفة هي كيف الفستان ألوانه و أقمشته كثيرة؟!!! كيف تزيد عليه كذا و تخربه ؟!!! المفروض ما تآخذين شي و إذا لازم لازم (زي القبعة) على الأقل خليها كلتش مو شي يعلق

ما راح أتكلم عن سيرينا و فستان جورج شقرا الي يبلص و هي تتمشى فيه بالصباح لأنه للحق أهون من بلير و من بعيد ما يبين أنه ما يصلح أبد خصوصا مع البوي فريند جاكيت

آخر شي عشان أوريكم قد إيش أنا تعذبت هذي صورة الفستان من مجموعة ربيع 2010 لموسكينو زي ما قلت لكم على فريدا قوستافنسون (سبحان من خلق و فرق).

2 in 1

بلايك لايفلي طلعت أول اليوم بتسريحة و من بكرا طلعت بنفس التسريحة