الأربعاء، 22 سبتمبر 2010

Gucci: Ready for the Red Carpet

ما أتذكر مره إني انبهرت بقوتشي بس هذي المره شكل فريدا جينيني خلتني أقول وااااو، كل شي حلو المايك آب التسريحة، الألوان شي ما توقعته من غوتشي أبدا ...
و أنا اتصفح العرض كل ما طلع فستان طلع ببالي أحد يلبق عليه، بالبداية احترت أسوي لمين، لكني انتهيت بفكرة أنه العرض كله مخلوق للريد كاربيت، و أنا أعتقد أنه كثار راح يلبسون منه، بس خلونا ننتظر.



Blake Lively
أنا مو ذاك الحب لحقات قوسيب قيرل، يعني ما عندي مفضلة، بس بين بلايك و لايتون، أفضل ستايل بلايك، الحلو بعد أنه آنا وينتور مصادقتها، و من حطتها جنبها و ستايل بلايك متحسن.
أول ما شفت الفستان على ناتشا بولي حبيته كثير خصوصا من ورا، الفستان من دون كلام فستان ريدكاربيت.
الفستان هذا أحس أنه بيلبق على بلايك ، هو نفسه من دون ما تغير شي فيه (طبعا هي بتنبسط على فتحة الصدر)، الي ما أحبها لما تسوي هذا الإكسبوز، بس الفستان أحسه بيلبق عليها قوة.



Evan Rachel Wood
ريتشيل إيفان وود هي وجه لعطر غوتشي الجديد غلتي (الحين هو موجود بالمحلات، للي يحب عطور غوتشي) ، يعني وارد بشكل كبير إنها تلبس منهم، لو كانت بتلبس غوتشي لأي مناسبة أتمنى أنه يكون هذا اللبس لأنه بألوانه هذي أحسه بيلبق عليها كثير، خصوصا مع شعرها الأحمر.



Kate Hudson
كايت هادسون ظريفة، و أحبها، مو دايم لبسها يعجبني، بس لما تلبس لبس حلو يعجبني مره. ما أحب عليها اللبس المعقد، و أظن هذي الجمب سوت الذهبية بتطلع عليها مره حلوة، خصوصا أنه لما تسوي مايك آب قلامور يطلع شكلها مره حلو. أنذكر إنها تصور فيلم، مو متأكدة، بس أتمنى أشوفها لابسته بواحد من البريمرات.



Victoria Beckham
فكتوريا بيكام حتى بعد ما طلعت لها ماركة، ما وقفت تلبس لمصممين ثانين. فكتوريا على أنها مو دايم تلبس أسود، إلا إني أحس اللون الي يطلع عليها حلو هو اللون الأسود، أما يكون أسود و جلد، فمضمون أنه يكون حلو، مو هي اشتهرت هي وزوجها بالصورة الي كانوا كلهم لابسين فيها جلد أسود.



Rachel Weisz
مع إني ما أشوف ريتشيل وايسز كثير على الريد كاربيت، إلا إنها كثير تلبس لبس حلو، من دون ما أشرح أحس أنه هذا اللبس بيطلع حلو عليها، و لا حتى فكرت بأحد ثاني، بس إني حسيت أنه يصلح مره ريد كاربيت :).


Leighton Meester
لايتين ما أحبها، ما أعرف ليش أحس إنها شايفة نفسها بزيادة، بس للحق أنه الملابس الي تكون زي ما يقولون edgy تطلع عليها مرة حلوه، هذا الفستان الأخضر، لونه و شكله كلهم يصرخون أنه يكون فستان ريد كاربيت، أتوقع لو لبسته لايتن، و لبس معاه إكسسوار مضبوط بيطلع عليها مره حلو.