حصلي بالفترة اللي فاتت إني أجرب أنواع مكياج جديدة (مو شيء جديد:)، لكن الجديد إني ما خططت لهذا الشيء، خصوصا إني الفترة هذي أعتقد إن عندي كل شيء أبغاه (طبعا قصدي مايك آب) (تقريبا:). كل التجربتين اللي جربتهم كانوا عينات، علشان كذا أعتقد أن هدفي الجديد الحصول على أكبر عدد من العينات أقدر عليه :) خصوصا إن تجريب الأشياء بعينات يعطيك راحة و مساحة أكثر للتجريب، من التجريب بالمحل.
العينة الأولى اللي حصلت عليها كانت ماسكارا إيف سان لوغان، إسمها شوكينق. صراحة من فترة ما فكرت أغير الماسكارا اللي أستخدمها (الحين أستخدم ماسكار ديور شو فضية. بعد مشوار طويل مع الماسكارات كنت أعتقد إن ديور هي الخيار الأخير اللي راح أثبت عليه و لا أغيره (لو لا إني جربت هذي العينة من إيف سان لوغان شوكينق)، بإعلانهم اللي شفته بوحدة من المجلات كاتبين إنها تعطي تأثير كأنه رموش صناعية (صراحة أول مرة أشوف إعلان صادق)، ما أبالغ لما أقول إني أول مرة أحس إن رموشي تخوف :) أنا ما ألبس رموش صناعية، و لا مهتمه فيها لكن أكيد لو لقيت شيء يخلي رموشي أطول و أكثف راح أنبسط عليه، يعني إن شاء الله بس تخلص الماسكارا اللي عندي أكيد راح أجيب لي شوكينق من إيف سان لوغان.
للحق ما أعرف كم سعرها بالضبط، لأنه زي ما قلت لكم جتني عينة، و العينة زي ما تعرفون مجانية، فما كنت مهتمة اسأل عن السعر لأني ما كنت مهتمة فيها أساسا، لكن لم جربتها و زي ما قلت لكم عجبتني سويت بحث عليها و لقيت إن سعرها بالدولار بـ 30 دولار، يعني تقريبا 112 ريال لو المحلات عندنا كانت أمينة و باعتها بسعرها الأصلي.
آخر شيء راح أقوله الماسكارا تجي بأكثر من لون فيه غير الأسود أزرق كحلي و فيه بني عنابي و فيه أخضر غامق، و فيه شيء بنفسجي، و فيه أسود رصاصي و برونزي.
الشيء الثاني اللي راح أتكلم عنه هو أساس من كليرنس أسمه إيفير مات ... من أسمه الأساس يعطي تأثير طافي أو من دون لمعة (للناس اللي عندهم بشرة دهنية أو مناطق دهنية بالوجه)، نفس الشيء ما خططت إني أجرب هذا الأساس ... كان موجود بوسط إعلان بوسط مجلة، ضايقتني العينة، فشلتها من المجلة و حطيتها على جنب. و لأني شفت نفسي فاضية قررت أجربها، الأساس سايل، من حسن حظي أنه صارت الدرجة اللي حاطينها مناسبة لون بشرتي (ما أعرف رقم الدرجة، حاولت أعرف بس ما فيه شيء مكتوب على العينة)، أعجبتني النتيجة مرة، حسيت كأنها هذي بشرتي صدق ما فيه أي طبقة، لدرجة و أنا أمسحها مو متأكدة مسحت كل مكان أو لا، لأنه مو واضح أبدا.
الأساس هذا حلو مرة للي تحب أنه المايك آب يكون ما كأنه مايك آب ... لو كنت عارفة عنه قبل كان شريته، أنا كنت أستخدم أساس من سشيدو، ما لقيته لما خلص، دورت كثير على شيء بديل، و أخيرا شريت HD من مايك آب فوريفير ... لسا العلبة تقريبا جديدة، مو مرة حابتها أحسه مايل شوي للوردي، هو تقريبا نفس لون البشرة، بس أنا مايلة للصفار، فلما أحطه أحس إني جالسه أحط وجه ثاني، و الأسوء إني لو فيه أماكن ما غطيتها، بيوضح على طول. فأكيد إني راح أشتري كليرنس المرة جاية. الأساس هذا نفس سعر الماسكرا (المفترض) لأنه بعد السعر اللي حصلته، لقيته على الإنترنت، فما أعرف بصراحة سعره بمحلاتنا كم.
إن كنتوا جربت وحده من هذي الأشياء شرايكم؟ مبسوطين عليها زيي؟
