الثلاثاء، 15 أبريل، 2014

Coachella by Guest Editor: Reemito

اليوم مرة ثانية، مو أنا اللي راح أكتب، ريم Reemito هي اللي بتكتب لكم هذا الموضوع عن كوتشيلا، قد كتبت عنه بالسنوات اللي فاتت، لكن متأكدة أنه بعجبكم هذي المرة أكثر، لأنه على عكسي ريم فصلت و وضحت بأشياء أنا ما عمري تكلمت فيها. و الجزء الأحسن من الموضوع، إنها راح تكتب موضوعين مو بس واحد.



رح أكتب عن مهرجان كوتشيلا الموسيقي الي صار هالأسبوع.. والكوتشيلا للي ما سمع عنه أكبر مهرجان موسيقي سنوي في كاليفورنيا بدأ عام ١٩٩٩ يكون موزع على أسبوعين لكن الحفلات بس في الويك إند ويستضيفون فرق موسيقية من الإندي روك والهيب هوب. الي يميز الفيستيفال هذا إنه أكبر تجمع للمشاهير وأنصاف المشاهير نشوفهم بلوك وشكل مختلف عن الطريقة الي عرفناهم فيها في الريد كاربت إيفينتز. وتصير فيه حفلات تسويها براندز مثل هالسنة لاكوست وإتش آند إم الي أعلنت عن تعاونها مع آليكساتدر وانق.


الشي الي يميز الكوتشيلا بعد إنه أكبر تجمع للهيبيز والكل يلبس على طريقة الهوبو\بوهيميان لوك. اللبس يكون بسيط على شكل ميني شورت وكروب توب أو تانك وأحياناً بيكيني توب، الشوز الأغلب يختارون صاندل أو فلات أو بوت لكن السمة البارزة هي الإكسسوارات٬ القبعات والأساور والنظارات الشمسية، الهيد باند، الأظافر بعد.


بما إن المهرجان استمر ثلاثة أيام عندي صور كثير وصعبة تصنيفها. بس ببدأ بالأشياء الغريبة والمختلفة وأكثر اسم شفته خلال المهرجان في الأيام الي فاتت: فانيسا هدجنز، تحضر من أربع سنوات تقريباً والي ألاحظه إنها تحب كثير هذا الستايل حتى شفناها تلبس بشكل مقارب في الريد كاربت. فانيسا تحب تبالغ كثير في الألوان والإكسسوارات في الصورة نشوفها بثلاث إطلالات مختلفة خلال الأيام الي فاتت وكل لوك مختلف تماما. وهنا مدري وش الحكاية هل عندهم غبار زي جونا الجميل وإلا هي كملت مبالغة في اللوك.


سيلينا قوميز جت في لوك مختلف بعد... فستان كورشيه أبيض مع بوت أسود وقبعه، ما حبيت اختيارها كونها اختارت شورت أبيض وتوب أسود. وشي برضو ما عجبني أحسه طلعها بتيت أكثر. الفستان زي ما هو هنا يبين قد إيش ناعم على الموديل. 


باريس هيلتون -شخباري- معروفه بالهيد باندز ومالت كثير للهيبي لوك في السنوات الأخيرة. هنا مع أختها نيكي وما أعجبني لبس الثنتين.

كندال جينر في طلتين المشترك فيهم الكوت.. من بين الاثنين أفضل الي بالجينز شورت.



كيشا في بلاي سوت،، اللون مع البرنت كان رايق لكن مشكلتي هنا مع الشعر.. الخصل الملونه ما قدرت أتقبلها للآن. شوفوا نفس اللوك على وحدة ثانية كيف رايق بنفس الوقت النظارات سوت جو ولو إني كارهه البوت.


وعلى سيرة الخصل الملونه.. كيتي بيري لها صور في كل مكان في الكوتشيلا، هالسنة شفناها بخصل خضرا وبيري معروف عنها كل فترة تختار لون غريب. ما كرهته بس أحتاج وقت أحبه خصوصاً نفس اللون عملته كايلي جينير. (الصورة الثالثة إضافة من عندي للعارضة كلوي نورچارد، بس علشان أكمل ترتيب الصور "آسفة ريم"، لكن هذا شكلها بكوتشيلا).


تقريباً الجزء الأول ينتهي هنا.. في الجزء الثاني بكتب عن أكثر ما حبيت والتريندز الي شفناها في الكوتشيلا هالسنه.