الأحد، 22 أغسطس، 2010

Best Seller ?!!

جيرمي دانتي (مدون فاشن) حط قائمة بمية عرض، و وشوا الشي الي بيحقق أحسن مبيعات أو حقق، و الله ما فهمت يعني هو جيرمي الي متوقع هذا الشي، أو صدق دور الأزياء طلعت إحصائياتها على وش أكثر شي إنباع، وش ما يكون بغيت أحط لكم 10 من 120 و أشرشح شوي ... بذوق الناس أو بذوق جيرمي الي هو :)


نجي لمارك جايكوب، يعني بذمتكم وش الميزة بهذا اللبس الرمادي ... يعني فيه كثير بالمجموعة أحسن منه، أنا مثلا أختياري الثاني من اليسار، السويتير مره حلوه، إنها متمددة من الجوانب عاجبني مرة ... بعد التنورة الي حاطها معاها حبيتها كثير، طولها نقشاتها كله عجبني ... يعني هذا اللبس الي ممكن اختاره من المجموعة و أطلع فيه زي ما هو.


نجي لبروينزا سكولير، آه بس يعني من كل المجموعة الي قلت لكم قبل تسطل ما لقى أو لقوا إلا أكثر لبس فيه أقل ابتكار ... يعني جاكيت أسود و قميص أبيض و تنورة جلد؟!!! طبعا قلت لكم قبل وش القطعة المفضلة عندي، و هي الفستان الثاني من اليسار ... و زي ما قلت قبل عجبني أنهم لبسوا تحت الفستان تي طالع ذوووووق.


نجي لستيلا ... تتذكرون لما تكلمت عن العرض أول ما صار ... و هنا أخترت أحسن شي بالنسبة لي، بعد أكثر من 5 شهور عن العرض ... لسا ما تغير شي، الفستان البرتقالي (الأول من الصف الأخير) هو المفضل بالنسبة لي للأسباب الي ذكرتها قبل. أما الفستان التي الرمادي مع الجاكيت الأسود ما أفهم؟!! كل الخيارت الي قبل حلوه مو شينة ... بس عادية يعني ممكن ألقى هذي الأشياء بالهاي ستريت بعشر عشر السعر :)

ما تكلمت عن عرض فيرساتشي أول ما نزل، لأنه مو مودي ... بس قلت أنه الفستان الفضي (الثاني من اليسار) يصلح لكايت هادسون ... لسا ما أحس أنه فيه لبس أموت و أحصل عليه من فيرساتشي ... بس يعني come on ما لقيتوا إلا هذا ... لو ببالي إنس أشتري شي من المجموعة كان صارت التنورة الزرقاء الي بالصف الأول (الثالثة من اليسار) لونها حلو، الخامة حقتها حلوة، و تصلح حفلات مره.



ما تكلمت نفس الشي عن برادا، بس كان لافت لي نظري أنه فيه فساتين كلها كروشية، و جالسة استوعب هذا الشي ... أحبه أو لا :) لسا ما طلعت بنتيجة ... بس برادا رجع السوتيرز بقوة لموضة هذا الشتاء، و الفستان الأسود هذا أشوف أنه عادي جدا ... و لا يستحق أنه بحقق أفضل مبيعات مقابل أشياء ثانية أحلي زي الفستان الأزرق هذا صراحة بالأول ما حبيته، بس مع الوقت أحس أنه جدا جميل، و الي أخونا جيرمي ما حطه :)


آه نجي لدولتشي آن قابانا، الي كان متابع تغطيتي للفاشن ويكز ممكن يتذكر أنا وش قلت عن الفساتين المخمل (واحد منها الأحمر الي بالصف الثاني، الثاني من اليمين) ... إلى الآن عاجبتني هذي الفساتين، خصوصا أنه السيور كأنها ستيانات ... بس مع الوقت حبيت بعد الفستان الشير (الأول من اليسار بالصف الأخير) الي لابسته كارلي، و الله لو إني ما أستحي شوي P: و أمي مو فوق راسي كان لبسته :)


بعد تكلمت عن لانفين و زي ما قلت مرت أكثر من 5 شهور لسا ما تغير شي بالنسبة، البالطو الأحمر، هو خياري من المجموعة (الصف الأول، لثالث من اليسار). بس الفستان الأسود من كل هذي المجموعة، آسفة بس غباء.

يعني بذمتكم، وش الزورد بهذي التورة من بعيد، صح إنها جلد، بس ألقى يشبه لها ب Forever 21 يعني مو هذا الشي الي بافكر فيه لما أشتري من ديور أبدا ... يعني المجموعة كان فيها فساتين شيفونات حلوة، كان فيها جاكيتات و بالطوات حلوة، يعني هذا مو خيار. صراحة صعب إني اختار منه أشياء كثيرة حلوة (غير الشعر) أنتم شوفوا و اختاروا.

لا لا لا لا إلا عاد هذا الاختيار ... يعني ضاقت، من كل هذي المجموعة ما لقتوا إلا لوك الأم؟!!! الفساتين الي بسيور مخمل (الأول من اليمين، و الأول بالصف الأول من اليسار) طبعا مو كلها موجودة المفضل عندي منها هذا، بس خياري من المجموعة الأول بالصف الأخير أنييييق، و فيه طعم قديم حبيته :)
انبسطوا و صلنا الأخير ... أليكساندير ماكوين، أول ما نزل عرضة كنت تقريبا speechless بس تكلمت P: و قلت وش عجبني ... الفستان الي متنقية مو سيء، بس يشبه فساتين بعرض الربيع، و أعتقد أنه فيه خيارات أحسن، وش ممكن أنا أختار ... أكيد أكيد الثالث من اليسار بالصف الأخير :)

إذا تبغون تشوفون باقي 110 عروض :) هنا بتلقونها.