بالموضوع اللي قبله حطيت لكم من فاز بشهر يناير ... طبعا مو أنا فوزتها، أنتم اللي أخترتوا ... الشهر هذا شهر فبراير بالنسبة لي ما أظن راح أقابل شهر صعب زيه. كان عندي كومة ملابس حلوة، لكن ما أقدر أحط أكثر من 20 لوك، لأنه بيكون أفضل لو قلت لكم كل من طلع بمناسبة هذا الشهر كان شكله حلو.
ما علينا ... نرجع للموضوع، بصراحة حاولت أخلي الإختيارات بس 8 زي الشهر اللي فات، بس الموضوع كان صعب مرة، بعدين بررت لنفسي أنه هذا بيكون استثناء (أظن)، لأن الشهر كان مليان بالمناسبات (قرامي، أوسكار، بافتا، قويا، سيزار، أسابيع الموضة، بيناله) فقلت هذي المرة بيكون فيه 12 اختيار.
دايان كروقر بـ 10 كروسبي ديريك لام:
تكلمت لكم قبل عن هذا اللوك، و قلت لكم أنه عاجبني مرة، ما زلت أشوف أنه أحسن اختيار بكل الأشياء، الشعر، المكياج، و الألوان ... و أهم شيء الجزء اللي طالع من تحت التنورة.
ليا سيدو بإيلي صعب:
بصراحة ما قد شفت فستان أسود بأكمام طويلة، و هو طويل كذا يخلي وحدة جذابة بالشكل هذا، لما شفت اللوك هذا
على العارضة زداد إعجابي بجسم ليا، بصراحة ما عمري أبدا شفت وحدة جسمها يحلي أي لبس ... و لما أقول أي لبس، فأنا أعني بجد أي لبس.
زوي سلدانا ببرابال قرونق:
قد قلت لكم إني كنت حابة مجموعة ربيع 2012 حقت برابال قرونق، أعتقد إن زوي سالدنا عندها كل المقومات اللي تخلي هذا اللوك الصعب حلو، طويلة نحيفة ... و حلوة
ريانا بأرماني:
اللوك هذا أخترته، مو بس لأن
ريم قالت لي (هي تستاهل:)، لكن عرفت عنه معلومة جديدة خلتني أعتقد أنه لازم يدخل قائمة أفضل ملابس شهر فبراير. المعلومة هذي تقول إن ريانا ساعدت أرماني بتصميم هذا الفستان، أظن النتيجة تخلينا ننتظر تصميمات جاية لريانا، أو يمكن بعد ماركة خاصة فيها (مو غريبة كل المشاهير صار عندهم ماركات:).
بيكسي جيلدوف بتوب شوب يونيك:
من زمان ما حبيت لوك مكركب كذا، بيكسي أخذت هذا الفستان مباشرة
من العرض (بعد العرض بأقل من يوم)، و لبسته مع كومة إكسسوار. حبيت جزمها، حبيت العقد، حبيت الحزام، و أهم شيد نظارات ميو ميو اللي لابستها، يمكن أكثر شيء ما عجبني هي الكلتش، لو كان بكيفي كان ما شلت شيء مع كل هذي الأشياء.
مانويلا فيلاسكو بكارولينا إيريرا:
بصراحة ما أعرف مين هذي مانويلا، لكن لما كنت أتصفح صور الأرايفيلز لجوائز قويا (جوائز أسبانية)، شفتها و أعجبني شكلها، أعجبني كيف الفستان طايح عليها، لونه قماشة، و الشك الخفيف اللي عليه، عجبتني الشنطة المخمل الزرقاء اللي شايلتها، ذكرتني ب
شنطة من هاوس أوف هارلو مخمل خضراء عاجبتني من فترة.
كايت بوسورث ببوربري:
كايت كانت حاضرة عرض بوربري مع كومة سلبرتيز أعجبني لبس كايت السويتر اللي عليها بومة، مع تنورة بنسيل طالع اللبس حلو مرة، صحيح هو اللوك نفسه من
اللوك بوك لبري فول 2012 بس كايت خلته كأنه شيء هي اللي جمعته.
فلورنس ويلش بأليكساندير ماكوين:
فلورنس لجوائز بريت جت و هي
لابسة فستان من أليكساندير ماكوين، لكن مو هو نفسه اللي غنت فيه، بالنسبة لي الفستان اللي غنت فيه أحلى بكثير، أحب الأقمشة الخفيفة اللي مطرز أو مشكوك عليها، أحس فيه شغل كبير حطه المصمم على اللبس علشان يطلع حلو. (
هنا تلقون لها فيديو يمكن يكون أوضح)
ميشيل وليمز بلوي فيتون:
ميشيل وليمز جت لجوائز سبيرت اللي كانت قبل يوم من الأوسكار بهذي البدلة من لوي فيتون، كل شيء فيها حبيته، لون شعرها مكياجها، شورت شورت و أهم شيء كلتش على شكل كتاب ذا كاتشر إن ذا ري من أولمبيا لو تان، بعض الناس قالوا كأنها رايحة للمدرسة، بس أنا عاجبتني.
جيسيكا شستاين بأليكساندير ماكوين:
أقول لخواتي الشيء اللي يعجبني بجيسيكا، إني أحس لو لمستها يمكن تنجرح، كل شيء فيها ناعم، بشرتها لون شعرها و كثافته، باللوك هذا حبيت كيف هذا الفستان من ماكوين أعطاها صفار ذهبي أعطاها شكل غير عن دايم، بس تظل حلوة.
شايلين وودلي بفالنتينو أوت كتو:
ما كنت أعرف شايلين قبل موسم الجوائز هذا، أختي قالت لي إنها كانت بذا أو سي، لكن عجزت أتذكر، ما أهتميت لا بشكلها و لا بلبسها، لكن لما شفت مقاطع من فيلمها ذا ديسندينت انقهرت إنها حلوة، لكن شكلها بالريد كاربيت دايم مو حلو، بالأوسكار مع هذا الفستان، أول مرة أحس أنه أعطاها حقها.
دايان كروقر بكالفن كلاين:
دايان كروقر باختصار وحده تعرف تلبس ... حبيت هذا الفستان، صح قلت لكم بيصير فيه أحمر كثير بالأوسكار، لكن ما كان فيه ذاك الكثر، لكن الحفلات اللي جت بعد الأوسكار، كان فيه كثيرات لابسات أحمر. الشيء اللي حبيته بهذا الفستان الدانتيل هذا، أولا أعطى لمسة مختلفة لتصميم دايم أشوفه عند كالفن كلاين، الشيء الثاني أنه خلى فتحة الصدر أقل ابتذال، من فترة طويلة ما حبيت فستان أحمر، لكن هذا عجبني مرة، و كالعادة دايان بمايك آب و شعر مناسبين للبس.
.
