الأربعاء، 18 سبتمبر، 2013

Red Carpet Worthy: London Edition

أمس خلص أسبوع لندن للموضة، يمكن العرض الوحيد المهم بالنسبة لي هو عرض ميديم كيرشوف، أعجبتني المجموعة، بالذات الشنط، بس ما شفت شيء ممكت أتكلم عنه هنا. أو يمكن ما كنت متحمسة أكتب عن أي شيء، لأن أغلب وقتي أمس ما كنت عند الكمبيوتر. ما علينا، خلونا نحط الملابس اللي أعتقد إنها تستاهل الريد كاربيت من أسبوع لندن. 

من اليمين العروض ل: إيرديم، لورين سكوت، برين و هاوس أوف هولاند

ما أقدر أقولكم قد إيش عاجبني الفستان البنفسجي من هاوس أوف هولاند، أتمنى بجد أشوف على الريد كاربيت (سيينا ميلر مثلا) عرض هاوس أوف هولاند عجبني بشكل عام، أعتقد أنه أحسن من مجموعة الخريف، أتمنى أشوفه بهوليوود أكثر، لأني ما أشوف إلا البريطانيين يلبسون له. أعجبني بعد عرض إيرديم، اخترت هذا الفستان ما أدري جمب سوت أعتقد بنشوفها على الريدكاربيت يمكن بوبي دولفين. لورين سكوت كان عرضها بتأثير آسيوي شرقي واضح، أحس بنشوف هذا اللبس على الريدكاربيت (أعتقد معدل) يمكن على نيكول كيدمان، لأن لورين سكوت هي ستايلست نيكول. 



من اليمين: تمبرلي لندن، بيتير بلوتو، ماريوس شواب و كريستوفر كاين

تمبرلي لندن له حضور مو قليل على الريد كاربيت، كانت بهذي المجموعة فيه أكثر من لبس عليها طبعات الحيوانات هذي، حبيت إنها حاطتها هنا مع طبعات زهور، أتمنى أشوف كيري واشنطون بهذا اللبس من بيتير بلوتو، أعتقد بنشوف ملابسهم أكثر خصوصا مع تعاونهم مع تارقيت (قصدي يمكن بحفلة إطلاق المجموعة). الفستان اللي من كريستفور باختصار لو ما شفت أحد لابسه بأموت، لأنهم أغبياء يشوفون فستان زي كذا و الأغلب أنهم يقدرون عليه، و لا يلبسونه (قصدي السلبيرتي). 
إذا كنتوا تابعتوا عروض لندن، وش أكثر شيء عجبكم؟