الثلاثاء، 17 سبتمبر، 2013

Loosen Up

أمس كان يوم حافل بأسبوع لندن (على ما أظن)، كل الأسماء الكبيرة عرضت، تارقيت بعد تعاونهم مع فليب ليم (اللي كنت متحمسة له) و اللي يبدو أنه كل أمريكا كانت متحمسة (سمعت عن طوابير و هوشات عند بعض محلات تارقيت) (إذا مهتمين أقولكم وش صار لي أنا "ترا ما صار لي شيء" قولوا لي). المهم أنه تارقيت أعلنت إن تعاونه الجاي اللي بيكون بفبراير مع بيتير بلوتو (اللي بعد عرضوا عرض حلو أمس)، و سمعت أنه نيت أي بورتيه بيبعونه على العالم. 
ما علينا من  الكلام الفاضي، نتكلم عن العروض. صراحة كنت محتارة أكتب عن مين (عند كريستفور كاين بمجموعته الغريبة، أو بوربري بالمجموعة اللي ارتحت و أنا أشوفها، ما أثارتني بس حبيتها)، لكن أختي قالت لي تكلمي عن بوربري، فقررت إني أتكلم لكم عن بوربري. 



ما أعرف ليه، بس عندي شعور لو أختي شافت الملابس اللي اخترتها، كان قالت لي: "صدق؟!!!" لكني غير إني حبيت الألوان "هادية و فيها باستيل" أكثر شيء حبيته هو هذي البالطوات. تعرفوني أحب الملابس الخفيفة اللي كأن مالها وزن، و لما يكون بالطو شكله خفيف أكيد باحبه، خصوصا و أنه بالطوات بوربري بالعادة ستايلها دايم ماسكة و مخيوطة بحماس (أعرف أسوء وصف ممكن توصف فيه الملابس). حبيت مرة اللوك اللي بالوسط، بجد ودي أشوف أحد مسويه بالضبط، حتى لو يقولون الناس وشي قلة الإبتكار هذي. بعد حبيت الرمادي اللي فوق على اليمين. الباطو اللي عليه مجوهرات (تحت يسار) متحمسة أشوف كيف ممكن أحد يلبسه (ريد كاربيت أو غيره) لو أحد معروف لبسه أكيد بأحاول ألقى كلام أتكلم لكم عنه.