الجمعة، 13 سبتمبر، 2013

Red Carpet Worthy: NYC Edition

خلص أسبوع نيويورك، غير العروض اللي تكلمت عنها، فيه عروض أعجبتني فيها ملابس، ودي أشوفها بالريدكاربيت. فيه ملابس كثيرة أعجبتني بس قررت إني أختار أحسن ثمانية بالنسبة لي، و اللي بجد أتمنى أشوفهم بالريدكاربيت. قراري كان على أساس إني أرجع و أختار اللبس اللي أعجبني من أول مرة قلبت المجموعة و علق ببالي، علشان ما أخليها قائمة طويلة مرة. 






العروض من اليمين لليسار: (برابل قورونق، ألتازورا، نعيم خان و بيتر سوم)

من الأربعة العروض اللي فوق من أول مرة شفت المجموعات أعتقد أنه برابل مجموعته راح تكون موجودة كثير بالريدكاربيت، ألوانها حلوة، و أعتقد إنها تستاهل الريد كاربيت. التوكسيدو اللي من ألتازورا عجبني من أول مرة، طبعا السبب أعتقد أنه واضح الشريط الكريستالي اللي ماسك الجاكيت، بصراحة لما رحت أشوف المجموعة من جديد علشان أحفظ صورة هذا اللوك، اكتشفت إنها مجموعة حلوة، فيها تفاصيل حلوة، بس تحتاج أكثر من نظرة. 



العروض من اليمين لليسار: (فيلوسفي، رودارتي، بروينزا سوكلير و ديلبوزو)

صراحة أكثر فستانين حرضوني إني أكتب هذا الموضوع هم رودارتي و ديلبوزو، إذا ما كنتوا تعرفون أحب طبعات الحيوانات لما تستخدم استخدام ذكي يخليها أنيق مو رخيص (شوفوا مجموعة أونقارو خريف 2013). ديلبوزو مصمم إسباني أول مرة يعرض بنيويورك، أعجبتني مجموعته مرة، أتمنى أشوفه على الريدكاربيت لأني أعتقد إن هذا المصمم يستاهل تقدير أكثر (هذي المجموعة و مجموعات قبل). و بعد موجود عند نيت أي بورتيه icon.

بالمناسبة تعرفون إني انبسط على شيء تافه زي كذا، لكن ميروسلافا دوما لبست واحد من الفساتين اللي اخترتها لموضوع جايسون وو (أدري ما أمدانا) بس تلقونه هنا.