السبت، 14 سبتمبر 2013

Sportswear with Fun

من أمس بدأ أسبوع لندن، بس لسا ما عرضت الأسماء الكبيرة فيه (إيرديم، بوربري، كريستوفر كين ...). لكن فيه من المجموعات اللي شفتها، شفت إنه المصممين البريطانيين مطلعين ملابس حلوة لوحدة من موضات الصيف الجاي (اللي أنا أعتقد إنها بتصير موضة) و هي الملابس الرياضية أو اللي فيها تأثير ملابس رياضية (مثل جاكيت البامبر أو كنزة الكريكيت، أو حتى ملابس كأنها ملابس تنس). 


قلت لكم شكل الملابس الرياضية كان بأكثر من عرض بنيويورك (راق آن بون، باند أوف أوتسايدرز، جيل ساندر نيفي، فيلوسفي) لكنه مو زي عروض لندن (على الأقل بالعروض اللي شفتها لحد الآن) يعني مو كل المصممين متجهين لهذا الاتجاه، الإتجاه هذا موجود من فترة سوته فيكتوريا بيكام و ستيلا بعروض فاتت، لكن أعتقد أنه أوضح شيء كان بمجموعة شانيل ريزورت 2014. 
ما علينا، من العروض اللي أعجبتني و كان فيها الاتجاه الرياضي هذا، عرض سيستير باي سبلينق. أول معرفة لي بهذي الماركة كانت بعروض خريف 2013 اللي فاتت، لأني شفت بتمبلر صور كثيرة لكارا دوليفين لابسة وحدة من ملابسهم الصوفية الكبيرة مرة. غير إن المجموعة فيها نقشات قينقام (تعرفون إني أحبها) أعجبني كيف خلوا فيه تأثير ملابس رياضية مع الخطوط السوداء، بعد أعجبني اللبس اللي على اليمين غير أنه كأنه لبس قولف "راقي"، حسيت كأنه لبس ممكن تلبسه نتالي جوس (ستايلست تعجبني مرة، إن شاء الله ألقى فرصة أتكلم عنها). ألوان الملابس بشكل عام أعجبتني، حسيتها كأنها من بينك فيكتورياز سيكريت (أحبه أكثر من فيكتورياز سيكريت).

وش رأيكم بفكرة ملابس رياضية لكل يوم؟ أنا شخصيا عاجبتني، لأني فترة كنت أحب الملابس الرياضية مرة، ولولا إنها غالية شوي (أغلى من محلات الهاي ستريت) كان لبسي وقتها كله أديداس، نايكي و بوما. 

ليست هناك تعليقات:

إرسال تعليق