Matching Green

ما أدري إذا تتذكرون موضوع كتبته مرة عن أنجلينا جولي (قبل ثلاثة سنوات). عن لبس لبسته و قلت إنه يحتاج حلق أخضر (زمرد). (هنا تلقون الموضوع). الأسبوعين اللي فاتوا كان فيه ملابس كثير حلوة، و فيه فوق كذا مناسبات مرة كثيرة (ترويج أفلام، و افتتاح معارض). من هذولي النساء اللي طالع لهم أكثر من مناسبة، و أشكالهم كانت حلوة: آن هاثواي و كيرا نايتلي. 

آن بحملة ترويجية لفلمها الجديد، و كانت لابسة فستان فضي كله ترتر من مجموعة ويس قوردون الأخيرة (ما قد تكلمت عن هذا المصمم هنا، لكني أعتقد أنه من المصممين الإمريكان الجدد المميزيين. المهم آن بدل ما تلبس جزمة سوداء (زي ما يمكن يجي على بال أي أحد بيلبس فستان زي كذا) لبست جزمة خضراء. نفس الشيء كيرا مع فستان أسود و كحلي من نينا ريتشي لبسته أمس لجوائز قافورنير، اختارت جزم خضراء، بعد بدل السوداء اللي يمكن تجي على بال أغلبنا.

 الرابط بين كيرا و آنا و أنجلينا هو الحلق الأخضر اللي تمنيت وقتها أنجلينا تلبسه مع فستانها الإيلي صعب، آن و كيرا كلهم طقموا الجزم الخضراء مع حلق أخضر، و أعتقد النتيجة مرة حلوة و أنيقة. ما أعرف إذا بنشوف أحد ثاني أو لو حتى كيرا و آن مرة ثانية بنفس الطريقة (جزمة خضراء مع حلق أخضر)، لكن ما أعتقد أنه شيء ممكن أمل منه، لأنه موب مزعج و لا هو كثير (من وجهة نظري)، و لا أعتقد إن حلق أخضر ممكن يكون سيء أبدا. 

أنتم وش رأيكم؟ أعجبكم الحلق مع الجزمة الخضراء؟ قد لبستوها؟ تفكرون تلبسونها؟ 

Prada's Gowns: Yay or Nay?

أعرف أنه كان (مهرجان كان) موجود و أنا متجاهلته، مو لأني ما أتابع، لكن كل مرة ودي أكتب عن شيء أقرر إني أخليه بعدين لأني ودي يدخل بقائمة أحسن الملابس لشهر مايو P:. المهم اليوم صار فيه فرصة إني أتكلم عن شيء صار بكان. قريت عند ريدكاربيت فاشن أواردز (أعتقد ما فيه أحد ما يعرف مدونتها) بتعليقها على فستان ميلا جوفوفيتش اللي لبسته اليوم في كان (على اليمين) لعرض فيلم كليوبترا. 

كاثرين تقول (أعتقد هذا اسم صاحبة المدونة) أنه بهذا الفستان أثبتت ميوتشا برادا أنه ما تعرف تصمم فساتين سهرة. صراحة أنا عجبني الفستان اللي على ميلا (لكان هذي السنة، لأنه موجود بالصورة فوق صورة لميلا بفستان بعد لبرادا بكان السنة اللي فاتت) أعرف أنه ما يلبسه أي أحد، لكن حسيت فيه شيء أنيق و مميز. 

طبعا بما إن كاثرين تقول إن برادا ما تعرف تصمم فساتين سهرة، جمعت لكم هنا بعض فساتين السهرة اللي صممتها برادا، و على الأقل "بوقتها"، كثير عجبتهم. (من اليمين :بالكحلي و الأسود لكان 2013 ميلا جوفوفيتش، فوق: بالأسود كيري موليقان لأوسكار 2010، فوق يسار: ميلا جوفوفيتش كان 2012، تحت يسار: آن هاثواي أوسكار 2013، تحت: قوينث بالترو فانيسيا 2011). 

المهم، السؤال لكم أنتم الحين، تعتقدون فعلا برادا ما تعرف تسوي فساتين سهرة؟ و إيش رأيكم بفستان ميلا لكان السنة هذي؟

Chic Geek

قبل فترة كتبت عن لبس النظارات مع الفساتين، خصوصا الملابس الفخمة ... صراحة بعد عرض ديسكويرد، و لبس إيلاري للنظارات مع فستان من بوتشي، توقعت أشوف الحركة هذي أكثر، بس شكلها ما أعجبت كثيرين.

ببريمير لآيس إيج، اللي تمثل فيه آن هاثوي، سوت نفس الحركة، لبست مع فستان غوتشي بنفسجي، نظارات، أنا ما أعرف أساسا آن تلبس نظارات أو لا، بس أعرف أنه الستايلست حقتها هي ريتشيل زو، و ريتشيل من بين كل زبائنها، أشوفها متحمسة بس لثنتين: آن و كاميرون دياز، فما أستبعد إنها هي اللي اقترحت عليها تسوي كذا.
لما قريت تعليقات على هذا اللوك، شفت كثيرين سبوا حركة النظارات هذي، بس أنا أعجبتني (مو مرة) بس أحسها كيوت، و كسرت حدة الفستان خصوصا مع الذيل اللي هي مسويته.

يمكن اللي يخليني أحب هذي الحركة إني شايلة هم الوقت اللي لازم ألبس نظارات، وشو شكل النظارات اللي ممكن ألبسها خصوصا أني أشوف شكلي مو حلو أبدا بالنظارات، فأنبسط إني أشوف أحد لابسها حتى لو شكله أحلى من دون نظارات.

RTO:Anne In Armani Prive

قلت لكم إني منشغلة أركب الناس على بعض، قصدي اللي بيجون للأوسكار أحطهم بملابس، شفتها بالعروض. كنت شوي موسعة صدري أحسب أنه الأوسكار أبعد شوي، بس صار الأسبوع الجاي. فقلت خلاص راح أحط اللي أحس أنه ماراح أغير رأيي بلبسهم. و اليوم أبدأ بآن هاثوي اللي بتقدم الحفل.

آن هاثوي مو غريبة عليها تلبس أرماني برافي، بس بالصراحة أستبعد إنها تلبس هذا، لكن هذا الفستان من أكثر الفساتين اللي أعجبتني بالكوليكشين حق الأوت كتو لأرماني قبل أكثر من شهر. (شوفوا باقي الكوليكشين). الفستان زي باقي الكوليكشين اللي مدحته قبل ألوانه، و أقمشته غريبة، بس أكثر شيء عجبني فيه هو شكله، ما قد شفت هذا الشكل علي فستان سهرة، بجد أتمنى أشوفه بالريدكاربيت، و خصوصا علي وحده زي آن جسمها حلو و طويلة.

Do you think Anne would wear Armani Prive
	Yes
	No
pollcode.com free polls

Like a princess

ما عندي شي هذي اليومين، و جالسة أدور على شي أكتبه و ما لقيت المهم، أنه قبل يومين شفت فيلم Princess Diaries أدري فيلم سخيف و بايخ، بس و الله مو ذنبي ذنب mbc Max  ...

الفيلم للحق ما فيه شي يسوى .. بس لما شفت الأخير، لما بدت آنا هاثوي ترقص مع ذاك الحلو (شوفوا الوصف بس). بعد زواج نيكول رتشي، الي قلت لكم عنه (ترا الصور طلعت شوفوها هنا). جاي على الربيع زواج كايت ميديلتون من وليم (حاسة فستان زواجها بيكون بايخ) ... قلت لكم شفت آن بالفستان، و جا ببالي هذا الفستان من مجموعة خريف 2011 لجايسون وو.

ملابس الخريف لسا بالمحلات، بس على ما أظن أنه جايسون ما ينباع برا أمريكا، يعني للي خاطرها فيه، و لسا ما جوا الناس الي تعرفهم من أمريكا، يمكن توصي عليه قبل ما تنشال ملابس الشتاء من المحلات و ترا فيه تخفيضات، و المواقع الي تبيعه، ما عرضت هذا الفستان. بشكل عام أنا ما أحب الفساتين هذي  fairy-tale ، بس لو كانت فستان عروس يمكن الوضع مختلف، ما أظن أنه كايت راح تلبس لجايسون وو، لأنه أمريكي، و الأغلب إنها بتلبس لمصمم بريطاني.

قلت لكم عندي فراغ، و لما شفت الفستان حق آنا زي ما قلت لكم، قلت يالله نكتب عنه، للي يحب هذي النوعية من الفساتين، خصوصا إني لو ما كنت مره مع الفساتين النفاشة، أحب كثير النقش الذهبي.

ما لقيت صور أحسن لفستان آن، بس أنتم لو تحبون الأفلام البايخة (شرايكم بالأسلوب؟!!)، شوفها.

Meant To Be Together

آن هاثوي و كايت بلانشيت أشياء كثيرة تجمعهم ... أولا كلهم طوال و زي ما توشوفون كلهم بيض، ثنتينهم ترشحوا للأوسكار، و ثنتينهم ما فازوا :P و آخر شي و أهم شي، كلهم حبايب لأرماني
و نسيت شي اكتشفت مؤخرا أنهم لبسوا نفس الفستان لوستوود بسنوات مختلفة كايت بلانشي ما أعرف متى لبست هذا الأزرق، و بالإسبوع الي فات آن لبست نفسه آن بس بني ببريمير Alice In Wonderland
و أنا أقلب عرض إيتروا الي في شي بهذي الماركة يحببني فيها لقيت هذا الفستان و على طول طرت ببالي كايت بلانشيت، ثم مباشرة جت وراها آن هاثوي ... ما أعرف مين بيطلع عليها أحلي ... بس كلهم يلبق عليهم

Looks better on who?
	Cate Blanchett
	Anne Hathway
pollcode.com free polls

Road to Oscar: Armani and Anne

آن هاثوي حضرت الأسبوع الي فات عرض أرماني برايف، المهم و هذا الي يقطعني لما السليبرتي يحصلون هدايا ... آن قالت بعد العرض أنه عجبها مجموعة فساتين من المجموعة "و إذا كان السيد أرماني بيتكرم عليها، ودها لو تلبس من المجموعة". آن بتحضر هذا الأوسكار أكيد ... لأنها أعلنت الترشيحات اليوم، و مادامها شحذت أكيد سنيوري أرماني بيعطيها الي تبي، قلت الكوليكشين، فيه أشياء عجبتني و أشياء حسيت أرماني ما تغير من عرفته يعني فساتينه كأنها كلها مجموعة وحدة.

بالنهاية اخترت هذا الآن ما راح أقول أتوقع أنها راح تلبسه، بس لو سألتني أحس أن هذا الشي الي بيصلح لها.

OSCAR '9 .. Anne Hathway Loves People mag

شكل آن هاثوي تحب مجلة بيوبل .. أو إنها نست تشتري فستان .. و قلبت المواقع و ناظرت أختيار بيوبل للبس الي بتلبسه بالأوسكار.. أو آخر خيار إنها تشجع الدموقراطية، لدرجة تخلي الناس يصوتون على وش المفروض تلبس .. لأنها لبست الي فاز بالتصويت .. :)

هنا صورة للتصويت الي كان قبل أسبوع و كان الخيار بين ماركيزا بالعاجي و الأسود .. أو أرماني بريفي بالفضي .. أنا حقيقة حسيت أنه حق ماركيزا أنسب لها خصوصا أنه الفساتين الي كلها نفس الضيق ما تطلعها حلوة، يعني لو كانت لابسه فستان من فوق ضيق و من تحت واسع كان أعطاها خصر .. لكن بالنهاية اختارت الي صوتوا عليها ناس أكثرp:



الفستان مو شين .. بس مو ذاك الزود و لا يصلح علي قصيرات .. و بصراحة شكله من ورا أحلى بكثير من قدام .. :) خصوصا مع الحجر الأسود هذا ..