Geeks on dresses

جا نهاية التيرم و جت معاه الإختبارات و الواجبات ... و طبعا مع الأعياد (عندهم) و رأس السنة، ما فيه أخبار و لا أشياء أتكلم عنها .... بس شفت هذي الصوره لإيلاري بلازي (زوجة كريستيانو توتي) اللاعب الإيطالي ... و قلت نكتب كلام سريع عنها.

يوم أنا مهتمة بالكورة، كنت أعرف تقريبا كل شي عن اللاعبين، كنت أعرف زوجاتهم و عيالهم، و بحسب خبري، أظن إيلاري مقدمة برامج، ما أعرف هذي الصورة قديمة أو جديدة بس أهم شي باتكلم عن إنها لابسة نظارات مع فستان كوكتيل.
إيلاري زي ما تشوفون لابسه فستان ذهبي من بوتشي مع كعبات ذهبية بعد ... و لابسه نظارات، قلت لكم قبل عن عرض دسكويرد إنهم لابسين فيه نظارات، ما أعرف راح نشوف نظارات أكثر بالريدكاربيت و على التيلفزيون، بس أساسا أنا صراحة ما توقعت أشوفها أصلا، ما كرهت شكل إيلاري، و لا حبيته، و لا بعد حسيت إنه ملفق يعني إلا مسوية الحركة بالقوة، ما أعرف ممكن تكون حلوة على أحد ثاني يمكن درو باريمو (ما أعرف وش جابها ببالي) أو آن هاثوي ننتظر و نشوف وش يصير ب 2011 :)
هذي أول تدوينة بالسنة الجديدة، الحمد لله خلصنا ثالث سنة و هذي المرة عدد المواضيع أكثر من أي سنة بكثير، و تفاعلكم أكبر بكثير من كل سنة ...
أستناكم السنة الجاية، مع كل تدوينة، و كل حدث، شكرا :)