اليوم ما راح أتكلم عن الموضة أو عن شيء بالموضة بس ماله علاقة بالموضة (ما يهم) أهم شيء أنه الفكرة تآصل لكم بعد ما أبدأ أتكلم.
بعد ما ضرب ساندي سواحل شمال شرق أمريكا، طلعت صور لعارضة برازيلية مصورة نفسها بآثار الدمار (صراحة شكلها بس سوت فوتوشوب) يعني لصقت صورها على صور آثار الإعصار. المهم العالم زعلوا و سبوا يقولون موب وقته و فيه قلة احترام للضحايا. أمس و أنا جالسة أتصفح النت زي كل مرة شفت إيديتوريال جديد بيكون بفوق الأمريكية لشهر فبراير.
صراحة ما أعرف وش تفرق فوق عن البنت المسكينة هذي؟ بس علشانهم صوروا بكارلي كلوس مثلا، أو حطوا معهم مطافي و إسعاف؟!! باقي الصور شوفوها هنا. بالنسبة لي أسوء صورة اللي بالمستشفى، أما الصورة اللي مالها معنى صدق، اللي و هم راكبين بقارب، هي أول صورة شفتها من الأيدتوريال، أول شيء جا ببالي قلت سلامات؟!! بعدين اكتشفت الإيدتوريال كامل.
أظن إذا ما فيه أحد بيهزء فوق مثل ما هزأوا العارضة البرازيلية، المفروض على الأقل تآخذ نسبة على الفكرة، اللي متأكدة إن فوق أخذتها منها.
ليست هناك تعليقات:
إرسال تعليق