الأربعاء، 25 أبريل، 2012

Sweaters for Summer

من فترة مو قصيرة شفت إيدتوريال لإموجين بوتز (ممثلة بريطانية للي ما يعرفها) على مجلة تانك. الإيديتوريال ما فيه شيء مبتكر، أكثره مأخوذ مباشرة من العروض نفسها، لكن أختيار الملابس كان حلو، و الصور حلوة. اليوم و أنا جالسة أفكر بفكرة سويتير صيفي، تذكرت صورة بالإيدتوريال، و قررت إني أتكلم عن السويتر للصيف هنا.


إموجين لابسة بالصورة سويتير من رودارتي ربيع 2012، صحيح واضح أنه فيه شمس، بس بالنسبة لي مو هذا إقتراحي لسويتر للصيف، خصوصا هنا بالسعودية (أو بالخليج) لكن لو كنت بلوس إنجليس (زي مو واضح من الصورة إن إموجين مصورة هذا الإيدتوريال هناك)، أعتقد ممكن ينلبس هذا السويتير للصيف "هناك".

لما رحت أدور على سويترز أو كنزات تصلح للصيف أول شيء جاء ببالي إنه لازم أوانها تكون فاتحة، أو بيطلع شكلك كأنك شريتي لبس شتوي، و لا أمداك تلبسينه، و أنت مصرة :) لما شفت هذي سويتير من إيما كوك icon(يسار) تذكرت جينا ليون بميت قالا السنة اللي فاتت ذاك الوقت قلت لكم إنها عجبتني، ما زالت عاجبتني، و بغيت أحط شيء ممكن يمشي على اللوك اللي هي أختارته، خصوصا و إنه ميت قالا السنة هذي قرب (بعد أسبوع تقريبا)icon.
السويتر الثانية اللي على اليمين من ثيوري أعرف إنها مو رخيصة بس عجزت أقاومها (لونها مرة حلو) مو بس لونها، ظهرها مرة حلو أحس لو أحد لبسها بالصيف مع سكيني جينز بتطلع مرة حلوة، و فيها شيء رياضي و لو أنت مهتمة (الملابس الرياضية موضة بهذا الصيف، أعتقد من تأثير أولمبياد لندن)،.
icon

تعرفون إنه يأنبني ضميري لما بس أدلكم على أشياء غالية، بس وش أسوي بعض المرات ما يملأ العين إلا هي، لكن هنا بعض الإقتراحات من إيسوس كنزة أو سويتر لماع خفيف (حتى هم منسقينه بشكل حلو و عليها تخفيض). و هنا عند زارا سويتر أصفر حلو بعد. و هنا باقي الإيدتوريال لو حابين تشوفونه.

شرايكم بالسويتر للصيف؟