الجمعة، 27 أبريل، 2012

Make your own lipstick palette

أعرف أنه إهتمامي الأول هنا الملابس، بس وش أسوي ما أقدر أقاوم المكياج، أحس إني قدامه طفلة بالقوة أمسك نفسي عن شراء شيء يخصه (ببالي أشياء زي ظل من ديور و الأشياء اللي قلتها قبل بهذي الموضوع) لكن إلى الآن ماسكة نفسي عنها لحد ما أحتاجها صدق، مو أحسس نفسي إني أحتاجها. لما تكلمت قبل عن هدايا المراهقات، و قلت لكم إني كان ودي لو أقدر أسوي باليت أحط فيها الأشياء اللي تعجبني، عجبتني الفكرة و جلست أدور على باليت فاضية. 

و أنا جالسة أدور صراحة ما لقيت خيارات كثيرة، بالبداية شفت نوعيات من الباليت تحت فيها مغناطيس، فكرتها إنك تفكين المكياج اللي عندك من علبه (زي ظل ماك أو بوبي براون) و تلصقينها فيه، خصوصا إن كلهم علبهم معدنية. 

مو مرة أعجبتني الفكرة خصوصا إني أدور على شيء يحط فيه الأرواج بعد، أو بشكل أساسي الأرواج. لقيت علب معدنية فاضية بس الفكرة ما كانت مقنعة، حسيتها حوسة شوي. 

و أنا أدور زيادة لقيت هذا الشيء (اللي على اليمين) من جابونيسك، (بعدين عرفت أنهم يسوون معدات مكياج كثيرة (مثل الفرش، و شنط المكياج حقت مايك آب آرتيست). المهم أول ما شفت الشيء هذا تعلقت فيه عاطفيا و حطيته على الويش ليست بأمازون، لكن قررت إني ما راح أشتريه لما تجيني فلوس (كنت منتظره فلوس تجيني). جتني الفلوس الحمد لله، و كأن أمازون بغوا يحتفلون معاي، الكيت هذا أول ما شفته ما كان يشحن للسعودية، و لما شيكت عليه بعد ما وصلتني الفلوس صاروا يشحنونه عادي (يعني مصاريف أقل). هو سعره مو غالي صراحة (مو رخيص حوالي 70 ريال)، بس بغيت أسوي نفسي ثقيلة قدامه، و أنتظر شوي، و خليت الفلوس اللي أنتظرها هي الشيء اللي يقرر متى أشتري الكيت. 

و صلني الكيت نهاية الأسبوع هذا، أحس من فترة ما انبسطت على شيء جاني قد هذا الشيء، لدرجة إني كنت طالعة برا لما وصل، و لما وصلت بديت أحوس فيها و أنا ما فسخت عبايتي :). (كبروا الصورة علشان تشوفون الأشياء). الفكرة من هذا الكيت إنك تستفدين من آخر الروج. لما خلاص الروج ما تقدرين تسخدمينه إلا لو استخدمتي ريشة. المهم الجزء المسطح (المكشطة)، علشان تطلعين الروج من جوا، حطيه بالصحن و ذوبيه بالمايكرويف (إلا ما يصير كأنه شوكولاته سائلة مو موية). بعدين بالشيء اللي زي الملعقة آخذينه من الصحن و تحطينه بالباليت اللي فيها 8 خانات. الروج مثل ما تشوفون قديم (مايك آب فوريفير غيروا شكل علبة الروج حقتهه)، و لا أعرف إذا ما زالوا يسوون هذي الدرجة. المهم إذا بغيتوا تواسونها جوا العلبة، مرة ثانية أستخدموا المكشطة. 
أعتقد أنها مو بس فكرة كويسة لأستغلال آخر قطرة بالروج، لكن بعد ممكن لو بغيتي تسافرين، و لا تبغين تشيلين أشياء كثيرة، تقدرين تنظفينها من جديد، و تآخذين جزء صغير من الأرواج اللي تبغينها، و تذوبينها و تحطينها بالباليت. 

شرايكم بالكيت؟ تشوفونها فكرة جيدة لاستخدام الأرواج القديمة؟