Oscars 2014 Best Dressed

صراحة كنت دايم لما أشوف أشكال اللي يجون للجوائز مع المرشحين الرجال (زوجات أو صديقات)، أقول ليه ما يحاولون يلبسون أحسن؟ مو شرط يلبسون أفخم شيء بالعالم، بس دايم أحسهم ستايل، و لبس أي كلام، الغريبة أمس، أحسن لبس كان عندي كان لوحدة جاية مع زوجها، و صراحة فرحني الموضوع.

كاميلا ألڤيس زوجة ماثيو ماكونهي بچابريلا كدينا، حبيت مرة لبسها، مختلف عن الباقين، ما فيه شك، مو تنورة نافشة، و لا سترابليس، عجبني مرة مكياجها، و تسريحتها، و إنها اختارت شنطة بنفس اللون، لو أن اللي اخترته، كان اخترت كلتش صندوق ذهبية، لكن عجبني اختيارها.
خلونا نتكلم عن الباقين، إيمي آدمز كانت لابسة فستان كحلي من قوتشي بريمير، عجبني شكلها مرة، مشكلتي معاه، إنها بأوسكار 2011 لبست فستان كحلي بعد، ما أعرف ليه ما اختارت لون ثاني. عجبني شكل سالي هاوكينس، بفالنتينو كتور مو أحلى لبس كان أمس، بس دايم أحس شكلها ضايع بالريدكاربيت، وبس هالمرة لا.
كايت بلانشيت كانت لابسة أرماني برافي، زي مو متوقع، جنيفير لورينس كانت لابسة ديور كتور زي مو متوقع بعد، لكن من أكثر اللي أعجبتني أشكالهم، مرة ثانية أوليفيا وايلد و هي حامل، بفستان من فالنتينو.

أنتم وش رأيكم بالملابس؟ و من أحسن لبس عندكم؟ 

The Oscar

هذا تقرير مختصر عن اللي شفته بالأوسكار. أول شيء زي كالعادة، ما فيه شيء من توقعاتي صار، إلا شيء واحد و مو مضبوط غوينث بالترو لبست الفستان اللي من مايكل كورس و اللي أنا اقترحته لأيمي آدمز (إلى الآن مصرة أنه مع شعر أحمر بيطلع حلو أيمي تكفين ألبسيه)، ترى غوينث ما لبست الفستان بالأرايفلز، لبسته بالحفل لما كانت تغني، و لبسته بحفلة فانتي فير آفتر بارتي.

شيء ثاني كان فيه فالنتينو، و ماركيزا زي ما توقعت آن هاثوي لبست من فالنتينو أحمر فنتاج بالأرايفلز (ما أعجبني مرة)، و هايلي لبست من ماركيزا و بعد هالي بيري. 

آن هاثوي من بين المليون فستان اللي لبسته بوسط الحفل لبست من أرماني برافي، مو اللي أقترحته، واحد ثاني أعجبني بعد، بس أظن أنه اللون الأحمر حق العرض كان أحلى، بس يمكن ما تبغى تلبس أحمرين.

 المهم نجي لأحسن لبس، أظن أحسن لبس راح للكتو، و كلهم يستاهلون جيفنشي و فالنتينو و كلها المجموعة الأخيرة من الآوت كتو 

1. Cate Blanchett in Givenchy

كايت، كايت كايت ما أعرف ليه هذي المره تعرف شلون تلبس صح من دون ما تتعب، على إنه الكوليكشين حق جيفنتشي أوت كتو للربيع أعجبني، بس ما حسيت فيه فرق كبير عن حق الخريف اللي فات، بس الألوان تغيرت، بس كيت ورتني إني كنت على غلط و أنه لا الفستان مرة حلو و بذات من ورا. إنبسطت بجد كثير على كايت، و أظن إن أمنيتي إني أشوف فستان يستاهل يدخل قائمة أفضل فساتين الأوسكار للعقد الجاي تحققت :). 

2. Florence Welch in Valentino HC

منيب مستحية أقولكم أنه أول ما شفت عرض فالنتينو أوت كتو لربيع 2011 هذا الفستان أكثر واحد حبيته، و إن كنتوا تابعوني بتعرفون أنه هذا ذوقي يعني لا تقولون عني كذابة :) أحب الأكمام الطويلة، أحب التنانير الطويلة، و الشيفونات، طيب ليه ما لبسته أحد سبب وحيد أنه ما جاء ببالي أحد ممكن يطلع فيه حلو، حتى فورانس ويلش، اللي ما كنت أدري أساسا إنها بتجي  :) للي ما قد سمع عن فورانس فلورانس هي مغنية بريطانية، لبسها مرة حلو، لو تتذكرون قائمة أفضل ملابس 2010 فورانس كانت موجودة بفستان من ديور. 

غير أنه الفستان حلو فلورانس عندها كاريزما تخلي كثير من الملابس مرة حلوة. 

RTO: My best Oscar's dresses in the decade

أشتهيت أختار قبل لا يبدأ الأوسكار أحسن ثلاثة فساتين بالنسبة لي بالعشر سنوات اللي فاتت، و اللي أكيد انلبست بالأوسكار. طبعا ثلاثة لأني صراحة ما لقيت أكثر، مو لأنها قبيحة، بس قليل منها حتى بعد سنوات تبقى تعجبني. نجي أول شيء للمركز الثالث:

3. Anne Hathaway in Armani Prive

لا تسألوني أي سنة، راح أتكلم عن الفستان نفسه، أولا لونه، لونه مرة حلو، بمرحلة بين الذهبي و الفضي ... أعجبني كيف أنه عاطي جسم آن شكل، هذا ما يعني إن آن جسمها بايخ، بس الفستان كأنه تمثال يعني مو من الأقمشة اللي تطيح. شيء ثاني أعجبني فيه الترتر اللي يكبر و يصير زي فكرة حورية البحر، مو هذا أول مصمم يسويها ، لا أظن الأخير بعرض برادا الأخير حقت خريف 2011 فيه ملابس كثيرة من النوعية هذي (الترتر اللي على شكل حورية) شيكوا هنا. 

2. Freida Pinto in John Galliano

السنة اللي لبست فيها فريدا بينتو الفستان هذا من جون جوليانو للأوسكار، كانت السنة الزولى اللي تطلع فيها على العالم، بس كانت طلعة محترمة، بملابس مره حلوة. نرجع للفستان بالنسبة لي الفستان فيه كل شيء يخلي أي فستان حلو: أولا الشيفون، حط شيفون على مقطع بيصير حلو (مو لهذي الدرجة) بس صدقوني أنه من أحسن اختراعات البشرية. الشيء الثاني هو الون شولدير أو كتف واحد، إذا كانت الأفلام صادقة فالنوع هذا من الملابس من أقدم أنواع املابس و شوفوا الأفلام اللي تتكلم عن الإغريق :) طبعا أكيد الشك، بس أهم عنصر بالنسبة لي بهذا الفستان هو لونه، هو اللي فرقه عن أي شيء ثاني، يعني لو كان أسود أو أبيض يمكن كان باخ. 

1. Michelle Williams in Vera Wang

مع إني ما أحب فيرا وانق، إلا أنه هذا الفستان تحفة. كل شيء يعجبني فيه، شكله القديم، العقدة اللي عند بداية التنورة، الكسرات اللي عند الدلعة كل شيء بالنسبة لي أكثر شيء حبيته هو لونه، اللي أحس عاطي له شكل غير، ما فيه كثير ناس يلبسون الأصفر الماسترد هذا، مو على فساتين بعد. ما أقدر أنكر دور التسريحة و العقد و المكياج بس الفستان تحفة، و أحسه مره خفيف، و هذا الشيء قليل تلقاه بملابس سهرة إنها تكون خفيفة. 

الليلة زي ما قلت لكم الأوسكار، و إن شاء الله إن كتب ربي لي عمر عشر سنوات جاية، أتمنى يكون فيه فستان اليوم يدخل من قائمة أفضل الملابس للعقد الجاي. 

What she gonna ware?

قلت لكم إني ما اتوقعت الأوسكار قريب كذا. كنت أحسبه بيخلص بعد أسبوع الموضة بباريس، بس صاروا ما يستحون علي أنفسهم، ضغطوني، و خلوه بكرا أو الليلية (يعني على حسب دقتكم بحساب الوقت، لأنه يبدأ الساعة وحدة).
المهم و لأني مضغوطة قررت إني أحط كل التوقعات مرة وحدة، كلها بألبوم واحد. و إن تيغون تعلقون على أي واحد ترى بكون مبسوطة أسمع منكم.
هنا بس تعليقات بسيطة على إختياري:

• أولا زي دايم هذي تمنيات بشكل أصح، أكثر منها توقعات.
• الشيء الثاني أعرف إن خياراتي مو منطقية، يعني ماركات زي فالنتينو، و ماركيزا و مونيك لوليهير ما حطيتها مع إني أقدر أقول إلى 80 بالمية إنها راح تكون موجودة.
• أختياراتي أكثرها علي الموضة، مو على وش دايم يلبس بالأوسكار، يعني الناس تميل للفخم مرة، للنفاشات و المليانة شك. الأشياء اللي زي كذا، بس أنا أخترت شيء بمخمل (شوفوا ميشيل وليمز تراني حابته مره). أقمشة ملونة و شوية ألوان باستيل (الألوان الفاتحة)، و بعد أقمشة ترتر كثير.

RTO: Reese Witherspoon in Jason Wu

نرجع لكم مرة ثانية لتخمينات الأوسكار من جديد و إن شاء الله يمديني أحط لكم باقي التخمينات. اليوم راح أحط ريزي ويذيرسبون، صراحة ما كنت أدري إنها بتجي بس لما شيكت على القوائم لقيتها.

ريزي مثال للممثلة الي ودك تقفل الشاشة بوجهها لا شفتها، و بالذات بالريد كاربيت، ما أعرف ليه ما تعرف تفتح النفس بلبسها؟ دايم شكله سخيف و بايخ، و تحس إنها أساسا هو نفس اللبس تلبسه كل نرة، بس تغيير الألوان.
المرة هذي أخترت لها من جايسين وو، و إن لبست هذا اللبس ماراح تكون أول مرة تلبس من هذي الماركة، ما بغيت شيء أحمر، أو أصفر أو أزرق لها كالعادة، بنفس القصات اللي دايمة، فكرت لها بلبس بين و بين، يعني يشبه لبسها بس فيه فكرة شوي.

Do you think Reese Witherspoon would ware Jason Wu?
	Yes
	No
pollcode.com free polls

RTO: Jennifer in Naeem Khan

نرجع مرة ثانية للأوسكار، و بأحاول أحط أكبر كمية من التوقعات أقدر عليها، خصوصا إني ما اتوقعت أنه الأوسكار بيكون الأسبوع الجاي، أو الأحد الجاي بالضبط، و كنت مطولة بالي، الليوم باحط جينفير لورنس، و هي مرشحة للأوسكار، ما أعرفها قبل، و لا شفت فيلمها هذا، بس البنت بالطلات اللي قبل شكلها ما أعجبني قبل. أحسها ما تعرف تصرف نفسها.

نعيم خان، أحب كثير من فساتينه فيها طبع هندي الألوان، و كثرة الذهبي و النقشات، ما أعرف ليه ما حد يلبس له كثير، يعني ما أتذكر شفته ملبوس إلا مرتين بالصيف اللي فات و كلهم من سمانثا جونز اللي بسيكس آند سيتي هنا الأول، الثاني هنا، و كنت متخيلته للأوسكار اللي فات على ماقي جولنهال. المهم إني ما حبيت كل الطلتين.
نرجع للفستان و جينفير أولا الفستان فيه شيء بيكون من موضات الشتاء الجاي، هو الأقمشة المنقشة و خصوصا الفساتين الطويلة اللي كلها نفس النقشة من الأول للاخر.
نرجع لجنيفير إلى الآن ما أعجبتني، و أظن فستان زي كذا بكتف واحد، و مو لون فاقع و لا غامق بيطلع حلو عليها.

Do you think Jennifer would wear Naeem Khan?
	Yes
	No
pollcode.com free polls

RTO: Here I'm

السنة هذي بينالوبي غير إنه على العادة بتقدم جائزة أفضل ممثل مساعد لإنها فازت بأفضل ممثلة مساعدة السنة الي فاتت، السنة هذي مترشحة لنفس الجائزة ... بينالوبي زايد وزنها بالسنتين الأخيرات، و أختفى إلى حد كبير خصرها ... عشان كذا ما تعجبني الفساتين الماسكة عليها يعني بجد حتى لو كانوا حلوات ... ما يطلع شكلها حلو عليها .

لسا ما شفت Nine الي هي مترشحة عنه، بس شفت الترايلير و يعجبني تمثيلها لما تصير مجنونة و متحمسة أشوف الفيلم. المهم نرجع لاختيارنا و زي ما قلت أحب الفساتين الي تضيق عند الخصر بعدين تتوسع، لأنه تعطي جسمها شكل ... هذا الفستان من أوسكار دي لا رينتا أحس أنه بيكون حلو عليها و يمكن تفوز بأوسكار ثاني علشانه :)