Red Carpet Worthy: Milano Edition| F.W 2014

أولا أعتقد من كمية العروض اللي تكلمت عنه من ميلانو، صار عندكم فكرة عن رأيي بالأسبوع في ميلانو، صراحة ما أتذكر آخر مرة كنت مبسوطة على ميلانو، بس هذي المرة أحس فيه شيء جديد و مختلف، و المجموعات جديدة، بنفس الطابع حق مصممينها (زي عرض دولتشي آن قابانا). 

زي الأسبوعين اللي فاتوا، باتكلم عن الأسبوع بشكل عام، بعدين أتكلم عن الملابس اللي اخترته. 

• عرض قوتشي كان أول عرض، ما أعجبن، لكنه كان مختلف عن عروضه اللي فاتت، كان ستينات و مختلف عن فكرة الإثارة اللي كانت قبل
• ماك كيو ماكوين و ريد فانتينو عرض بميلانو، و هم بالعادة يعرضون بلندن للأول، و نيويورك الثاني
• ما أعتقد كان فيه ثيم معين للعروض، أشوف كل مصمم سوا الشيء اللي يسويه أحسن شيء بتطوير و تغيير خفيف
• على عكس الأسابيع اللي فاتوا، أظن المكياج كان أقل شيء مبهر بالنسبة لي (أسبوع نيويورك و لندن كان المكياج مرة حلو). 
• بشكل عام أعتقد ميلانو صارت تطلع أسامي جديدة ثابته غير برادا و أرماني و دولتشي آن قابانا

نتكلم عن الملابس، أولا خلوني أعبر عن أعجابي بالفستان الثاني من اليسار فوق من فاوستو بوقليزي، ما أعرف ليه الألوان ذكرتني ببوتشي قديم، بس الفستان نفسه أظن أنه مرة فاوستو، أتمنى أشوفه على لوبيتا نيانقو، أو حتى زوي سالدانا بس ما أعرف ليه أحس آنا ديل روسو بتلبسه. الفستان القوتشي (الأول فوق من اليمين)، أعتقد إلى 80 بالمية بنشوفه ريد كاربيت، أعرف الصورة ما أعطته حقه، بس لما تنفتح الكسرة، فيه كريستالات زي التوب، أقدر أشوف ديان كروقر لابسته، بس ما أتذكر إني قد شفتها بقوتشي (يمكني غلاطنة، بس هذي ذاكرتي). حبيت مرة فستان أرماني (الأول من اليمين تحت) ودي أشوف ميريل ستريب أو ساندرا بالوك فيخ، مع إني نفس الشيء ما أتذكرهم  بأرماني.  الفستان اللي من إم إس جي إم (تحت الأول من اليسار) أحسه بيكون حلو على إيل أو داكوتا فانينق، مع إنه داكوتا صايرة ما تلبس هذي الملابس البناتية، و إيل من زمان ما شفتها. الفستان الأول من اليسار فوق من بوتشي، أحسه بيكون حلو على توني قارن أو شارليز ثيرون أو نايومي هاريس. آخر شيء ودي أشوف الفستان الثاني من اليمين فوق من فرانشيسكو سوكوناميليو علي روني مارا. 

وش رأيكم بأسبوع ميلانو، لو كنتوا متابعين؟ 

Sparks

نرجع مرة ثانية لموضات الخريف و الشتاء الجايين 2012. طبعا لما أجيب الموضات مو شرط معناها أنه لازم كل موسم يصير لنا شكل جديد، الفكرة الأهم إن هذي الموضات اللي تطلع كل موسم، تكون جزء من طريقتنا باللبس مو كأننا منيكان يلبس و يفسخ من دون ما يكون له هو شكل أو بصمة على اللبس (على الأقل هذا الشيء اللي أعتقده)، يعني مو شرط كل موضة تعجبني، أو لازم ألبسها. هذا ما يعني إن الموضة اللي باكتب عنها اليوم ما تعجبني، بس كلام بغيت أقوله :)

أعتقد هذا الموسم ما فيه مجموعة ما حطت شيء يلمع. الشيء الحلو بالأشياء اللي تلمع ترتر أو أي شيء ثاني يسوي نفس التأثير، إنها بسهولة تحول لبس عادي، يعني لو حتى كان جينز لشيء يصلح حفلات أو سهرات. و أهم شيء أنه ما أعرف ليه أحس أنه "ينعش" اللبس. زي كل مرة أعتقد إننا بنشوف أشياء تلمع كثيرة بالهاي ستريت، و أعتقد بيكون فيه ملابس كثيرة بأسعار معقولة، تصلح سهرات و حفلات (أحس توب شوب و ريفير أيلاند بيطلعون أشياء حلوة). 

Marni at H&M

لو كنتوا متابعين تكلمت أكثر من مرة على google + حقي عن Marni at H&M، التعاون الجديد لإتش آن إم مع ماركة جديدة هذي المرة، الماركة الإيطالية مارني. قبل لا تطلع أي قطعة، مجرد سماعي للخبر إنبسطت منه، لأني أحب مارني، رغم أنه التعاونات هذي "بالعادة" ما تجي هنا بالسعودية. 

قبل لا نرجع للتعاون هذا اللي اليوم نزل لبعض فروع H&M بكل العالم (قلت لكم قبل أنه بيكون بـ  8 مارس)، باتكلم لكم عن شيء ثاني. قبل فترة يمكن سنة أو أقل شريت هذا الكتاب عن تي شيرتات فينتاج، صراحة بالنسبة لي لو سألتوني وش أكثر قطعة ملابس ما أقدر أستغني عنها، بتكون تي شيرت حلو، لأنه ممكن يلبس بكل شكل. 

أقدر أجزم إني من الكتاب كامل إلى الآن التي شيرت الوحيد اللي علق ببالي، هذا التي شيرت اللي عليه بينك بانثر، مع إني ما أحب كثير بينك بانثر، صحيح إني زي كل العالم، ترن نغمته "ترم .. ترم ... ترم ...إلخ" بإذني، بس ما أحبه :) يمكن علشانه على الصامت، ما يهم لكن حبيت التي هذا مرة، تمنيت لو هو عندي، أو على الأقل أقدر أسويه لنفسي. 

(نرجع الحين لإتش آن إم آت مارني:)، لما شفت قطع المجموعة بعد فترة، فيه أشياء كثيرة أعجبتني خصوصا من ملابس الرجال، لكن الشيء الوحيد اللي تمنيت إني أشتريه هو هذا التي شيرت. 

ما أعرف تي شيرت بينك بانثير هو السبب، لكن هذا التي شيرت كان الشيء اللي حلمت إني أشتريه. بعد ما عرضت مجموعة فيرساتشي إتش آن إم بالمملكة، قررت إني أجرب حظي هذي المرة، لكن هذي المرة، ما كانت المجموعة بس بالمملكة، كانت بعد بغرناطة، و لا أعرف إذا كانت بفروع ثانية أو لا. 

لو شريتوا شيء اليوم من المجموعة، و ش الشيء اللي شريتوه؟ حصلتوا اللي تبغون أو راح؟ وش رايكم بالمجموعة بشكل عام؟