أولا خلوني أقول أن هذا الأوسكار، بالنسبة للملابس أعتقد أسوء أوسكار مر علي. فيه ملابس "حليوة" بس مو الشيء اللي أتمنى أشوفه بالأوسكار. صراحة جلست طول الحفل حيرانه مين أختار آن هاثواي ببرادا أو جيسيكا شستاين بأرماني برافي.
جيسيكا الفستان حلو (مو مميز)، أكثر شيء عجبني لونه مع لون شعرها. آن الفستان مرة حلو، و مميز بس شيئين ما عجبوني: لونه مع لون بشرتها أحس شكله راح (يمكن لو على سوداء طلع مرة حلو، زوي سالدانا مثلا) و الشيء الثاني العقد اللي محطوط على ورا. ما أعرف ليه أحس ريتشيل زو توها تطيح بالحركة و سوتها مع جينفير لورانس و آن .. الحركة مو شينة بالعكس أحبها من إعلان شانيل نمبر فايف اللي سوته نيكول، لكن مع آن بالنسبة لي شكل الفستان بالذات من قدام ما يسمح، العقد مسوي زحمة، و مغطي على الموديل.
المهم نجي لأحسن لبس بعد هذي المقدمة الطويلة. بعد ما خلص الحفل كنت أناظر صور لبعض الجايين و شفت أليسيا فايكندير بإيلي صعب كتور.
أعتقد إن أليسيا هي ممثلتي المفضلة الحين (طبعا أقصد من ناحية اللبس لسا ما شفت تمثيلها)، أقدر أقول إن 90 بالمية من اختياراتها للملابس تعجبني. مرة أنيقة من دون تكلف، داين اختياراتها مثيرة، و متنوعة، و أهم شيء كل مرة تطلع، كل مرة أحس إني أشوف وحدة طازجة.
أحب إيلي على الريدكاربيت، توقعت إني باشوف أكثر منه، لكن هذي المرة ما لبس له إلا أليسيا و ساندرا بولك. فستان أليسيا على الرانواي مو أحسن فستان بالنسبة لي، بس على الريد كاربيت أعجبني مرة، لونه حلو مرة، أعجبني الحزام (ما أعجب أختي) لكن أعجبني بذات شكله من ورا، و خصوصا إن الفستان مطرز بخيوط ذهبية خفيفة (أتمنى لو أقدر أشوفه على الطبيعة).
باختصار كل شيء يصرخ بهذا الفستان آناقة من اللون، لنفس تصميم الفستان، التسريحة اللي اختارتها أليسيا، و الإكسسوار (ما حاولت تغطي على شكل الفستان اللي أصلا هو لحالة تحفة) فجت من دون أي إكسسوار و بلا أي مجوهرات ما عدا حلق ألماس.
مين كان المفضل عندكم أمس؟
جينيفر لورنس كانت الأفضل بالنسبة لي.. حتى لما طاحت جلست أتأمل بالصور شكلها أنيقة مرة وهي بالأرض هههههه
ردحذفالأسوأ بالنسبة لي إيمي آدمز.
جنيفر بالنسبة لي شكلها كان أحسن شكل طلعت فيه طول موسم الجوائز،و صحيح صورتها و هي طايحة "تاريخية" و شكلها مره حلو، لكن على أنه الفستان مره ضابط عليها، شكله مو من الأشكال اللي أحبها، و قماشة أحسه من نوعية الأقمشة اللي لازم تشوفينها علشان تقدرين الشغل اللي فيها.
حذفجسيكا شاستين ما عجبتني ابد اللون احسه ما خدمه كآنه لوحه الوانها ماعت على بعضها ابد ما عجبني.. وشكل جينيفر صدق يجنن بالديور وبالكالفين كلاين صدق فتنة ونفس ريم اعتقد حتى شكله وهي طايحة كان فيه اناقة لو انا ستايلست سويت ادتوريال بس علشان اصور مودل بنفس الطيحة التاريخية.. وان هاثوي عجبني الفستان بس لونه مره بيضاء كانت احس كان المفروض تسوي تان شوي والعقد كان احلى شي مررره انيق من قدام ووراء وعطاها شكل
ردحذفجيسيكا قلت لك حبيت لون الفستان مع لون شعرها، أما عقد آنا عجبني بس مو مع هذا الفستان، حسيته ظلم الفستان، لو هي و جنيفير لورانس تبادلوا العقود كان أحسن ... جنيفر لابسة عقد مرة صغير بمساحة واسعة، و آن لابسة عقد كبير بمساحة ضيقة.
حذفلا مره بايخ لو تبادلوا عقود مره شين بيطلع شكل جينيفر اقل من عادي وشكل آن شين.. عقد ان بالعكس اعطى الفستان شكل افخم كان ممكن يكون بسيط بلاه وعقد جينيفر كان مره انيق كان الفستان يحتاج عقد بس لو عقد ثاني كان صار زي اي لبس ثاني بالاوسكار.. اعتقد اللبسين كانوا اكبر من فهمك واستيعابك للموضة معليش
ردحذف