من فترة و أنا أشوف الأوفيرأول بكل مكان، إذا كنت طفل بالتسعينات أكيد أنه كان عندك على الأقل أوفر أول واحد. صراحة ما أعرف وش شعوري تجاه "رجعتها" ما أحس إني كارهتها أو حابتها، أعتقد أنه فيه بعض الناس عرفت تلبسها بشكل حلو و مختلف، و ناس ثانية بالنسبة لي أحس أنه عليهم كأنه لبس عمال.
Topshop bralet crop top / Shorts / Opening Ceremony strappy sandals / Pendant necklace / Victoria's Secret iphone sleeve case / Illesteva wayfarer clear sunglasses
شفت هذي الصورة لريتشل بيلسون، عجبتني مرة، و رحت أدور عليها و اكتشفت إنها قديمة شوي، تقريبا من ثلاثة شهور، فيعني لو شفتوها قبل سووا أنفسكم أنكم إنها جديدة عليكم، و إني جالسة أوريكم شيء جديد. من كل صور الناس اللي لابسين أوفرأول شفتها من نهاية السنة اللي فاتت إلى اليوم، شكل ريتشيل واحد من الناس القليلين اللي حسيتهم لبسوا الأوفرأول بشكل مختلف و مميز.
واضح إن ريتشيل بإجازة، و إنها لابسة هذا الأوفر أول كغطاء أو زي ما يسمونه كفر أب للبكيني، بس حبيت أسوي لوك صيفي يشبه له.
خلوني أتكلم عن اختياراتي بسرعة، أولا أخترت أوفر أول شورت مو كامل، لأني صراحة ما شفت أوفر أول كامل أحد لابسة بشكل مميز، الشيء الثاني بعد اخترت هذي النظارة (المراية)، مع أنه قبل فترة قلت لكم ما أعرف رأيي فيها، بس الحين مستظرفتها، مو مع كل شيء و لا على كل أحد. إيه و إلى الآن أحب النيون، و زي ما قلت لكم بكلامي عن شهر يوليو حابة أي شيء فيه أناناس.
