السبت، 8 أغسطس 2009

Semi

رجعنا من السفر و قبل ما يخلص الصيف (وهو عندنا ما يخلصD:) حبيت انزل هالموضوع.
عندي أخت تكره كل شي اسمه موضة، أو فيه أي دليل على الأنوثه، ما أظلمها و أقول إنها مبهذلة، أو كأنها ولد مراهق، بس لبسها ما تحب تتعب فيه، و لا تحب أي شي غير، يعني سكيني جينز، و تي أو قميص و الحمد لله.
قلت لها تشتري شورت سباحة رجالي، و تلبسه مع تي شيرت، اللبس صار حلو بس لو أنا الي لابسته ما قدرت ألبسه كذا لحاله :) عندي إيمان أنه ما في لبس بس قطعتين من دون إكسسوار أو أي قطعه زياده، و أحب أنه من دون ما ألبس اللبس يعرف أني اخترته.

زي ما قلت لكم هذي مو أول مره اتكلم عن تدخيل قطعة رجالية مع لبس نسائي، اتكلمت الصيف الي فات عن كايتي لما كانت تلبس بنطلون رجالي.


لو كان الشورت هذا بيلبسه رجل كان قلت له لا تلبس معاه شي، أو تي أبيض ساده، لكن مادام بنت الي لابسته، لازم يدخل عاللوك حس أنثى، أو صارت كأنك بنت مسكينه تحاول تسترجل

* معلومات ممكن تلقين هذا الشورت بالسعودية في Topman و الباقي بـ Top Shop و River Island و H&M أو تقدرين تدورين عليها بالنت إذا أنت تشترين أونلاين

ليست هناك تعليقات:

إرسال تعليق