الثلاثاء، 16 مارس، 2010

Very Exhausted




أقدر أقول إني ما قد شفت ماغيون كوتياد من دون ما تتأنق، يعني مو رايحه لا لبريمير، و لا لعرض لإيلي أو ديور ... طلعت لها هذي الصوره و هي تتمشى بباريس بقيتار، صراحه شكلها ميت إلا شوي ... وجهها أصفر و ملابسها ملابس عجوز ... يمكن أكثر شي عجبني الكاوبوي بوت ... و شوي فكرة إنها لابسه قبعة بني مع ملابس شوي رسميه ... قلت لكم عجبتني أفكار فبغيت أعدل النسخة :

أول شي أحب الفساتين أو التنانير الدرابيه ... و خاطري ألبسها مع جاكيت أو بلازير بس لسا ما حصلت تنوره أو فستان دابيه يكون كاجول أكثر ...
مع إني مستحيل تقريبا أشتري بوت هنا لأني لما ألبسها هنا أحس إني مسخره حتى لو كان بأبرد أيام الشتا، الشي الثاني ... ما أتحمل الرطوبة الي تصير عليها رجلي داخل البوت ... بس الكاوبوي بوت بشكل عام حلو ...
القبعات :) الي يعرفني يعرف أنه عندي نقطة ضعف قدام القبعات، حتى لو ما كنت ألبسها هنا لنفس السبب لأنه قبعات الصيف مالها فايده برا مع العبايات و لا لها فايده جو مع المباني و المكيفات ، نفس الشي على قبعات الشتا ... بس أشتريها !!!!
الشنطة الديور جبتها لأنها معها وحده ديور، أنا مو big fan للشنط الديور أو حتى أي شنطه خلاص من شكلها صرنا عارفين من وين بس بنفس الوقت ما أكرهها :) يعني عادي تجيبون لي إيها هدية p: