MFWFW 2015

من بين الثلاثة أسابيع اللي خلصوا، أعتقد إن الملابس بميلانو كانت الأقل إثارة، فيه مجموعات حلوة، بس من المجموعات اللي اللي ما تكلمت عنها، الملابس اللي أعجبتني فيها قليل، يمكن الإستثناء كان برادا و بوتشي، عجبني فيها أكثر من لبس، بس مو أكثر من أربعة فما شفت إنها تستاهل موضوع لحاله.

ما أعرف ليه من ميلانو أختار أكثر لبس بالعادة مستحيل ألبسه، أو حتى أفكر، زي الفستان اللي كأنه شرايط (فوق الثاني من اليمين) من إيميلو بوتشي، مع إنه أبدا مو ستايلي، لكن أحس إذا لبس الشخص المناسب بيكون حلو، يمكن زوي سالدنا، أو سلينا قوميز أو كايلي مينوق، يمكن الأشخاص اللي ما ودي يلبسونه: بيونسية، جي لو، و كيم كرداشيان، بس خلونا نشوف.
من أكثر الملابس اللي أعجبتني هو اللبس اللي من فاوستو بولقيزي (تحت الأول من اليمين)، عجبتني مرة الألوان الصارخة، و عجبني البروش أو ما أعرف وش تكون القطعة اللي بالوسط، أحس اللبس هذا بيكون حلو على زندايا. أعجبتني البدلة اللي فوق من أكويلانو رايموندي، ما أتذكر إن روني مارا تلبس بدلات، بس أحس هذي بتكون حلوة عليها، أعجبني القطعة الترتر اللي طالعة من تحت. الفستان اللي بعده من جورجيو أرماني، أحسه ذوق ممثلة كبيرة (نايومي واتس أو جوليان مور أو حتي جودي فوستر)، لكن أحس بيكون حلو على إيما واتسون.
البدلة برادا تحت (صفراء ليموني) أحسه مصنوعة لإيل فانينق، بس ما عندي مانع أشوفها على أيد أحد على الريدكاربيت، اللوك اللي بعده من روبيرتو كفالي، أعجبني إن الجاكيت من دون أكمام و مبطن بقماش مشجر، أعرف إن لبس زي كذا ما يكون كثير على الريدكاربيت، بس أحسه بيكون حلو على بوبي دوليفان.
* باقي الملابس الجاكيت اللي فوق الأول من اليمين من No. 21 و اللبس الأخير تحت من جست كافالي. 

Best of MFWSS15

ميلانو خلص، و ما بقى لنا إلا باريس، أعتقد راح يبدأ بكرا، غير قوتشي، و اللي كان أول عرض، و تكلمت عنه أنه مرة أعجبني، ما شفت شيء مثير بميلانو، يمكن أكثر مجموعتين أعجبتني، هم أكثر مصممين مجموعاتهم دايم متشابهة أو متوقعة، بس هذا ما يعني إن تصاميمهم مو حلوة، بس لأنها متوقعة. ما علينا، خلوني أحط الفساتين و أتكلم عن الأشياء اللي أعجبتني من ميلانو. 

خلوني أبدأ من الجمب سوت اللي فوق يسار من فرانشيسكو سوكونميليو، صراحة ما ودي أشوفها على الريدكاربيت، بس ودي أشوف أحد لابسها لزواج، ما أعرف إلا أوليفيا وايلد بتتزوج، لكن أشك إنها ممكن تلبس جمب سوت. الفستان الأسود اللي بعده من فيندي (بالمناسبة مجموعة فيندي كانت حلوة بعد)، ودي أشوفه على جوليان مور أو كايت بلانشيت. الفستان الأسود الثاني تحت من اليمين، من روبيرتو كافالي، أحسه بيطلع مرة حلو على نايومي كامبل، اللوك اللي بجمبه من دولتشي آن قابانا، مرة عاجبني (دولتشي آن قابانا كان واحد من العرضين اللي أعجبوني مع إن المجموعات دايم متشابهة) أعجبني التوب المقلم أحمر مع تنورة كذا فخمة، ودي أشوفه على بينالوبي كروز بمهرجان كان (ما أعرف هي بتجي كان أولا) بس أحسه مكانه كان. الفستان الرمادي اللي فوق من جورجيو أرماني (هذا العرض الثاني اللي أعجبني، مع أنه نفس دولتشي آن قابانا، دايم مجموعاته متشابهة)، أحس هذا الفستان بيطلع حلو على إيما ستون. (باقي الملابس، فوق الثاني من اليمين من ستيلا جين، تحت الأول من اليمين ميسوني، و الأخير يسار فاوستو بولقيزي). 

أنتم لو متابعين ميلانو وش أكثر شيء أعجبكم؟ أو رأيكم بالأشياء اللي هنا. 

Next Tour, Please

أمس عرض روبيرتو كافالي، عرضه بالنسبة لي كان يقول جولة غنائية الأغلب لبيونسية، هو قد صمم ملابس لحفلات لبيونسية، ما أعرف إذا صمم لأحد ثاني أو لا، بس الفساتين جاهزة لأي استعراض. (اللبس كان نوعين، بدلات كانت كأنها سبعينيات، و الجزء المفضل عندي، فساتين كأنها فلابير). 

الملابس كان فيها كل شيء، ريش، فرو، جلد، دانتيل، شك مع ذلك بالنسبة لي كانت أنيقة، أعجبتني التنورة الجلد اللي علي اليمين، حسيته نسخة عصرية من الفلابير، و مع الفرينجز (أو الشراشيح) و الضربات على الجلد بعد فيها لمسة ويست. اللوك الأخير (الأول من اليسار) أعجبني إنه بدل ما يترك فراغ أو يخيط قطعة شيفون تحت زي باقي الفستان، حط دانتيل، أعجبتني بعد الأكمام الطويلة باللبس الثاني من اليمين و الأول من اليسار. بالنسبة لي الفساتين زي ما قلت لكم تصرخ استعراض و شو بيز. 

من تتوقعون يلبس من هذي المجموعة؟ (غير بيونسية، اللي أحس إلى 70 بالمية راح تلبس منها). 

Animal Prints: Two Different Ways

قبل يمكن ثلاثة سنوات (أقل أكثر) طلعت أوليفيا باليرمو على العالم، ببرنامج كان المفترض أنه يبرز وتني بورت بعد ما خلص The Hills. المهم ذاك الوقت و لسبب ما أعرفه كنت ما أحب أوليفيا باليرمو، لا تفهموني غلط إلى الآن ما تعجبني P: بس ما أكرهها زي ما كنت أكرهها بذاك الوقت.

الصورة اللي على اليسار لأوليفيا أمس بكان بمزاد خيري للإيدز، أوليفيا بالحفل كانت لابسة لروبيرتو كافالي تقريبا فستان كلاسيكي لكافالي مع طبعات الفهد هذي و فتحات الفستان اللي من كل جهة. الصورة اللي على اليسار من أول الصور اللي شفتها لأوليفيا بمناسبة، و آتذكر إني كرهت شكلها هنا بطريقة عنيفة P:. اليوم لما شفت هذا الشكل لأليفيا (يسار) اللي ما قد شفتها فيه (كأنها وحدة من عارضات فيكتوريا سيكريتز). مع إني بالعادة أكره الشكل هذا يمكن لأن أوليفيا ما حاولت تطلع فيه "مثيرة" (المكياج و التسريحة) تاركتهم "راقيات"، المهم لما شفت هذا الشكل و لا كرهته تذكرت الصورة اللي على اليسار و تذكرت إنها كانت لابسة طبعات فهد بعد و إني كرهته مرة فقررت أروح أشوفها مرة ثانية. الصورة اللي من 2010 كانت أوليفيا فيها لابسة فستان تقريبا بنفسجي بطبعات فهد من بنسوني، أتذكر إني كنت كارهة كل شيء باللوك هذا، و خصوصا الحزام (إلى الآن مو عاجبني، بس فكرة طبعات فهد بألوان مختلفة تلبس مع بعض عجبتني الحين). باللوك اللي على اليمين "كلاسيك" أوليفيا، بإكسسوارات "ملفته" و فستان مايكرو، و الصورة اللي على اليسار أوليفيا (ما أعرف الجديدة أو بس ليوم واحد) بفستان بفتحة طويلة، و إكسسوارت تقريبا نفس ألوان الفستان. بس كلهم طبعات فهد. 

أي أوليفيا أعجبتكم أكثر؟ و بأي شكل تحبون تلبسون طبعات الفهد (ملونة و غريبة) أو على طريقة كافالي و عارضات فيكتوريا سيكريتز؟  

Suggestions for Pregnant Beyonce

قبل أسابيع الموضة لموسم ربيع 2012، كان فيه موضوع ببالي، وهو عن وش ممكن تلبس بيونسيه لحملها. بس قررت أأجله لبعد عروض ربيع و صيف 2012.

اليوم قررت إني أكتب عن هذا الموضوع مو لأنه طلع إشاعات أنه بيونسيه مو حامل، و حاطة شيء ببطنها علشان تسوي نفسها حامل، أصلا ما نيب مهتمة لحمل بيونسية، و لا للإشاعات، بس لما طلعت بالفستان اللي من لانفان انبسطت، و توقعت إننا بنشوف ستايل حمل حلو، لكن للأسف لا :S

قلت لكم ما يهمني إن كانت بيونسيه حامل أو طالعة بحمل كذبي، لكن كل اللي أفكر فيه، خصوصا أنه بعض الناس قالوا بعد ما طلعت حكاية حملها، أنه حملها راح يغير الموضة. 

اللي أشوفه لحد الآن، هو بيونسيه قاعدة تتهيبل بصراحة، يعني لبس ما أعرف مين قالها أنه يمكن يمشي على حامل، أعرف أنه بيونسه حلوه، و كثير يحبونها، و يحبون لبسها و جسمها، بس هذا ما يعني أنه الواحد يصدق نفسه، و يعتقد أنه ما فيه مشكلة يلبس اللي يبغى. خصوصا إذا أنت مفكر إن شكلك حلو، مو أنه مو فارقة معاك كيف يطلع شكلك. 

قلت لكم لبس بيونسيه بعد الفستان اللانفان من جرفة لدحديرة. ملابس ضيقة بشكل ما أعرف كيف. فتحات صدر مرة واسعة، فساتين نفاشة، و فساتين مفتوحة من الجوانب!! يعني من الآخر كل شيء المفروض الحامل ما تسويه، بيونسيه سوته، و كأنها تقول: أنا غير كل العالم، أنا أحلى وحدة، و أقدر أسوي كل شيء و كل شيء بيطلع حلو علي. يعني الفكرة النهائية، اللي راح آصل لها، وضع بيونسيه مو زين، لأنه يا إنها مو مستوعبة وش الحامل تسوي، أو أنها واثقة بنفسها بشكل غير صحي (و هذا لازم يتغير). و زي ما قلت لكم ما يهمني حملها صدق أو كذب، المهم إنها داخلة دور الحمل، فعلى الأقل تحاول تطلع بشكل حلو. 

مقابلات و لقاءات صحفية:

(الملابس من اليمين لليسار: روبيرتو كفالي، ماثيو ويليمسون، يونيك فور توب شوب)

شفتوا مثال من لبس "المشاوير" و اللقاءات الصباحية اللي صايره بيونسية تلبسه و هي حامل فوق بأول التدوينة. صراحة ما أعرف وش آصف لبسها فيه غير أنه مستفز، يعني تقدر تكون حلوة و أنيقة من دون ما تلبس أشياء زي كذا. حتى تقدر تلبس ألوان أحلى من الألوان اللي جالسة تلبسها.

حفلات، و حفلات توزيع جوائز:

(الفساتين من اليمين لليسار: دولتشي آن قابانا، أنتطونيو بيراردي، مايكل كورس)

زي ما قلت لكم من بعد MTV VMA ما شفت شيء يفتح النفس على بيونسيه، حتى إني شفتها بفستان من مايكل كوس كان أقل ما يقال عنه أنه كارثة. 

شرايكم ببيونسه و موضوع حملها؟ و إن كنتوا متابعين أحد معين، مين أكثر سلبرتي أعجبكم ستايل الحمل حقها؟

PP: Printed Pants

من أهم موضات الخريف الجاي، اللي انتبهت لها كانت البناطيل المنقشة، الشيء هذا كان عاجبني من فترة، حتى أنه زارا كان عندهم بنطلون حرير مطبع عليه، فيه منه برتقالي و أخضر، كان عاجبني مرة، دورت بكل فرع أقدر أروح له علشان ألقى مقاسي، و يوم أخيرا لقيته و شريته ما أعجبني شكله علي، و رجعته، بس إلى الآن عاجبتني الفكرة. 

زي ما قلت لكم البناطيل المنقش عليها أو المطبع عليها كانت بعروض كثيرة، علشان كذا سويت من نفسي تقسيمات لها، على حسب شكل النقشات اللي عليها. 

(يسار: دولتشي آن قابانا، بروينزا سكولير، فيرسيس). أعتقد أنه النجوم مع مجموعة دولتشي آن قابانا للخريف هذا، صارت بكل مكان، حتى كان فيه أكثر من محل هاي ستريت (زارا مثال) كان عندهم شيء عليه نجمات. بروينزا سكولير عرضهم كان مليان بالنقشات الهندية الحمراء، و اللي كلها أشكال هندسية، و هذا البنطلون واحد من بناطيل كثيرة بالعرض كان عليه هذي النفشات. بنطلون فيرسيس (يمين) عاجبني مرة، يمكن من زكثر الأنواع اللي عجبتني من هذي البناطيل هي البناطيل اللي قماشها واقف (كأنه تافتا)، و فيه أشياء تلمع. 

المجموعة هذي هي مجموعة البناطيل بنقشات الورود (يسار: جيل ساندير، ماري كاترنتزو و روشا). بالنسبة لي أشوف أنه الورود بكل وقت تفتح النفس، مو لازم تكون ملابس الربيع أو الصيف، أعجبتني الورود مع الألوان الغامقة (جيل ساندير و روشا)، بعد أعجبني مرة البنطلون اللي من ماري كاترنتزو على أنه ألوانه فاتحة، لكن لون الورود و قماشة، تمشي مرة مع ألوان الشتاء.

المجموعة الأخيرة ما أعرف نقشاتها تدخل تحت أي تصنيف، علشان كذا حطيتها بمجموعة وحدة :). (اليسار: إيرديم، روبيرتو كافلالي و جان بول قوتييه). 

ما عندي تعليق على المجموعة هذي بشكل خاص، بس حلو إننا نشوف بناطيل منقشة، بكل الألوان، بكل النقشات، و الأهم أنه قصات و موديلات البناطيل تختلف كثير، يعني اللي ما يصلح لها أو ما تحب قصة بنطلون أو نوعية بنطلون معينة، بتلقى خيارات ثانية، لو كانت تدور على بنطلون منقش. 

لا تنسون، دائما، تقدرون تضغظون على الصور، و تشوفونها بحجم أكبر، و أهم شيء أي تعليق، أكيد أنا مهتمة إني أسمعه، زي دايم وش رايكم بالبناطيل المنقشة، فكرتوا فيها أو عندكم، أو الحين تفكرون فيها؟ 

Shoes Era

قبل سنتين و أكثر كانت الشناط هي السالفة ... قيمة الواحد تتحدد من شنطته، و الكل يحاول يجسيب شنطه ما فيه أحد ممكن يجيبها، و الكل لازم عنده يا لوي فيتو يا بوربري أو قوتشي ... الشي هذا التغير و المصممين هالمره لفوا على الجزم و طلعوا بجزم غريبه و مجنونه ... من الموسم هذا فيه جزم كثير حبيتها، بس قلصت القائمة ل 12 جزمة ... و كل ثلاثه حطيتهم مع بعض بتصنيف من راسي ...

التصنيف الأول خليته جزم الشارع، ما أعرف على أي أساس .. بس حسيت لو وحده عندي، و لبستها لطلعه بأمشي فيها كثير ما راح أتنكد ...أنه يمكن تخرب. من اليسار لليمين:

أيرديم، روبيرتو كفالي، و إيرميس

pollcode.com free polls

What is your favorite?

Erdem Roberto Cavalli Hermes

هذي جزم نص، نص، يعني تلبس بمناسبات عادية، بس يمكن ما أمش، عشان ما تتوسخ أو تتمخش :p و غير كذا كلها ألوان تقليدية أسود، رمادي، أبيض ... من اليسار لليمين:

فندي، لانفين، شانيل

pollcode.com free polls

What is your favorite?

Fendi Lanvin Chanel

هذي المجموعة الملونة زي ما أحب أسميها ... كذا لما جمعتهم على بعض اكتشفت أنهم كلهم ألوان، كل الجزم هنا ما تلبس للشارع، تلبس عشان تقولين للناس لا تشوفون إلا رجولي : ) من اليسار لليمني:

برادا، بلانسياقا، جان بول قوتييه

pollcode.com free polls

What is your favorite?

Prada Balenciaga Jean Paul Gaultier

هذولي جزم الحفلات، الي ما تلبس أبدا بغير الحفلات الكبيرة ... لامعه .. فخمة و تحتاج فساتين حلوه، من اليسار لليمين:

فيرساتشي، كريستيان ديور، ميو ميو

pollcode.com free polls

What is your favorite?

Versace Christian Dior Miu Miu

Trench Is Here

Shine Star by alorwa featuring Roberto Cavalli

قبل شهر تقريبا كنت أسوي سيارش على الكوتز عشان أشتري لي واحد، و أنا سبحان الله عيني ما تقبل إلا الزين :p من شفت هذا البالطو من روبيرتو كفالي و انجنيت بس سعره أحبط كل أحلامي 3,000 دولار، يعني حوالي 11 ألف ريال :( مع أني شفت بنفس السعر عند بلانسياقا راين كوت عادي و خفيف، ما علينا المهم يوم شفت عوينث بالترو على طول حبيت شكلها، قليل تشوف لبس سهرة شتوي، هو صح تحته فستان و هذا بس يلبس برا، بس عجبني اللوك حقها، و على طول تذكرت بالطو كفالي الي قتلني :)

بالمناسبة شرايكم بجزم لوبتين هذي مو تقتل؟!!