ميلانو خلص، و ما بقى لنا إلا باريس، أعتقد راح يبدأ بكرا، غير قوتشي، و اللي كان أول عرض، و تكلمت عنه أنه مرة أعجبني، ما شفت شيء مثير بميلانو، يمكن أكثر مجموعتين أعجبتني، هم أكثر مصممين مجموعاتهم دايم متشابهة أو متوقعة، بس هذا ما يعني إن تصاميمهم مو حلوة، بس لأنها متوقعة. ما علينا، خلوني أحط الفساتين و أتكلم عن الأشياء اللي أعجبتني من ميلانو.
خلوني أبدأ من الجمب سوت اللي فوق يسار من فرانشيسكو سوكونميليو، صراحة ما ودي أشوفها على الريدكاربيت، بس ودي أشوف أحد لابسها لزواج، ما أعرف إلا أوليفيا وايلد بتتزوج، لكن أشك إنها ممكن تلبس جمب سوت. الفستان الأسود اللي بعده من فيندي (بالمناسبة مجموعة فيندي كانت حلوة بعد)، ودي أشوفه على جوليان مور أو كايت بلانشيت. الفستان الأسود الثاني تحت من اليمين، من روبيرتو كافالي، أحسه بيطلع مرة حلو على نايومي كامبل، اللوك اللي بجمبه من دولتشي آن قابانا، مرة عاجبني (دولتشي آن قابانا كان واحد من العرضين اللي أعجبوني مع إن المجموعات دايم متشابهة) أعجبني التوب المقلم أحمر مع تنورة كذا فخمة، ودي أشوفه على بينالوبي كروز بمهرجان كان (ما أعرف هي بتجي كان أولا) بس أحسه مكانه كان. الفستان الرمادي اللي فوق من جورجيو أرماني (هذا العرض الثاني اللي أعجبني، مع أنه نفس دولتشي آن قابانا، دايم مجموعاته متشابهة)، أحس هذا الفستان بيطلع حلو على إيما ستون. (باقي الملابس، فوق الثاني من اليمين من ستيلا جين، تحت الأول من اليمين ميسوني، و الأخير يسار فاوستو بولقيزي).
أنتم لو متابعين ميلانو وش أكثر شيء أعجبكم؟ أو رأيكم بالأشياء اللي هنا.
ليست هناك تعليقات:
إرسال تعليق