الخميس، 25 سبتمبر، 2014

Prêt-à-Porter Made Couture

أمس كان فيه عروض بباريس كثيرة حلوة: دريس فان نوتين (كالعادة)، روشا، قريث بو. لكن المجموعة اللي تقريبا أعجبتني كلها، كانت بلانسياقا. إلى الآن ما أعرف موقفي من بلانسياقا مع أليكساندير وانق. لكن هذي المجموعة أعتقد إنها مصممة علشان كل قطعة فيها تلبس على الريد كاربيت. غير جمال الملابس، أعتقد شكل الملابس (تصميم و قصات) كأنه مجموعة كتور مو ملابس جاهزة. 

ما عندي كلام كثير أتكلمه على الملابس، الصورة تكفي، لكن أبغى أأكد على اللوك الأول من اليمين و الأخير (يسار). اللبسين هذولي مرة حلوات.  اللبس الثاني من اليمين أحس إني شفت التوب بمكان ثاني بس ما أعرف وين، ودي أشوف اللبس هذا بهذا الشكل علِى إيما واتسون، أو نيكول ريتشي أو كايت مارا، ولا مع تنورة بيضاء طويلة على قريتا جيرويق. أتمنى أشوف أول لبس من اليمين على زوي كرفتز أو نيكول بليتز، أما اللي لونه ليلكي أحس بيكون حلو على روني مارا أو فليستي جونز. اللبس الأخير، ما أتذكر إني قد شفت أدريانا ليما ببلانسياقا، بس ودي أشوفها بهذا. 

أنتم وش رأيكم ببلانسياقا (المجموعة هذي)؟ و بشكل عام مع أليكساندير وانق؟