الجمعة، 26 سبتمبر، 2014

Composite Clothes

يمكن الطبقات أو الليرينج مو موضة ممكن تنتهي، يعني ما فيه أحد بيوم و ليلة يقدر يقول ما يصلح الواحد يلبس أكثر من قطعة. لكن الشيء اللي أعتقد أنه بيكون شيء جديد بالفاشن هو الطبقات الشفافة اللي بالأخير تكون نقشة مختلفة عن النقشتين منفصلات. أول شيء شفت هذي الملابس بعرض دريس فان نوتين، و اليوم أشوفها بعرض مانيش أرورا. 


مرة عجبتني الفكرة، ما أعرف ليه ذكرتني بالفوتوشوب و التصاميم اللي نشتغل فيها على طبقات. مانيش على عكس دريس فان نوتين اختار ألوان باستيل و نقشات أقل زحمة، يمكن هذا اللي خلى شغله كأنه فوتو شوب، بالذات مع طبعات الديجتال (اللبسين اللي بالوسط). مع إنه ملابس مانيش أرورا قليل مرة تطلع على الريد كاربيت (ما أتذكر إلا مرتين بالخمسة سنوات اللي فاتت). لكن مع هذي المجموعة متأملة أشوفها أكثر. يمكن على ريانا أو ريتا أورا بالذات السويتر أو الفستانين اللي على اليسار. أو يمكن اللبس الثاني من اليمين كامل على ليلي آلين. أو أشوف الفستان الأول من اليمين على جيمي كينج. أيا يكون اللي بيلبس المجموعة، أهم شيء ودي أشوفها على الريدكاربيت. 

أنتم وش رأيكم بالمجموعة؟ و بالطبقات الشفافة بطبعات و التأثير اللي تعطيه للملابس؟