الخميس، 18 سبتمبر، 2014

Dazzling Grunge

من أهم العروض (بالنسبة لي) من ميلانو، و أظن كل موسم أتكلم عن هذا العرض هو عرض No. 21، لسبب ما ما أعرف ليه، أشوف أنه ما أخذ مكان أعتقد أنه يستحقه بالريدكاربيت، أتذكر دايان كروقر لبست منهم قبل كم سنة، مع أنه شكلها كان مرة حلو، ما عاد شفته على الريدكاربيت. 


على أني ما شفت عروض إلى الآن عندها ملابس متأثرة بالتسعينات و موضة الچرنج، إلى إنه أليساندرو ديل أكوا، مصمم No. 21 شكله ما زال حب هذي الملابس، و عنده شيء جديد لها. من موسمين من رجعة موضة الچرنج، ما شفت ملابس ممكن تكون ملابس سهرة، لكن أليساندرو شكله قرر أنه يرقيها، و شخصيا أعجبتني النتيجة. 
عجبني اللوك الأول من اليمين، أعتقد أول مرة أشوف قماش شفاف كذا أولا مخيوط، و محافظ على قوامه ودي أشوف هذا اللبس على ريانا، أحسه مع روجها الأحمر بيطلع مرة حلو، أو لو حتى دايان كروقر. اللبس الأسود كامل (الثالث من اليمين) ودي أشوفه على زوي كرافتز. أما الأخير أظن أنه بيطلع مرة حلو على جون سميلز، شخصيا أنا ودي ألبسه.  

كيف تشوفون الچرنج وهو يصير لبس سهرة؟ و أصلا تحبون الچرنج؟