صراحة ما أتذكر المرة اللي قد أعجبتني فيها مجموعة لچوتشي، ما أتذكر إني قد كرهته بعد، لكن هذي المرة أعتقد أنه من أحسن المجموعات شهر الموضة هذا لحد الآن، و بنفس الثيم اللي موجود بأكثر من مجموعة (ما توقعت إني ممكن أحبه) هو ثيم السبعينات.
زي ما قلت لكم الثيم السبعينات هذي المرة، بعد ما كان ثيم مجموعة الشتاء الستينات. الألوان مرة حلوة و غنية، الملابس فيها فخامة مع إنها موب مبالغ فيها، بس الألوان و اختيارات الأقمشة الخامات، الشك، كله مرة غنية. أعرف إن الألوان ممكن تكون خريفية و دافية، بس ما يهمني الملابس عاجبتني مرة. حتى لوك بسيط زي اللوك الأول من اليمين أحس فيه فخامة، مع لون الشامواه العنابي، جلد الشنطة، و حتى التضاد بين اللون العنابي، و الجينز. الجاكيت الفرو اللي بعدها صراحة أعتقد أنه يكفي ما يحتاج الواحد يلبس معاه شيء، أعرف ممكن يكون مخالف للقانون، بس جاكيت زي كذا، يخلي حلمي إني أطلع و أمشي بيجاما من دون شعور بالخجل حقيقي، أصلا لو لبست هذا الجاكيت مين له وجه يحط عينه بعيني؟!! طبعا ما يحتاج أتكلم عن الجاكيت الجيشي، سوي جاكيت جيشي، أعرف إنها مجموعة حلوة عندي (موب لهذي الدرجة بس تقريبا). الفستان مرة عجبني ودي أشوفه على إيما ستون، أو حتى لو الكحلي (مو موجود بالصورة) أحسه بيكون حلو عليها.
أنتم وش رأيكم؟
ليست هناك تعليقات:
إرسال تعليق