الجمعة، 29 أبريل، 2011

ما أحس إني متشجعة لشيء، صح اليوم زواج وليم (لا تنسون تابعونه) و ل كان يبايخ أقلبوا القناة مو خسارة، يعني مو زي المساكين اللي أنعزموا، ما يقدرون يطلعون إذا ما أعجبهم الزواج.
أمس قبل لا أنام شفت صور لديان كروقر و هي تروج لفيلم فرنسي جديد تمثل فيه، لما شفتها بغيت أطير من الوناسة.


أكيد راح تعرفون ليه ودي أطير، مو لأنه شكلها حلو مخلصين من هذي القضية بس لأني تكلمت قبل فترة عن أنه ودي ديان تلبس لنمبر 21، و بذات هذا الفستان.
للحق الفترة الأخيرة ما أعرف وش صاير لي، بس صايرة ما أحب ديان كثير، و ممكن تستفزني، ما أعرف ليه كذا يجيني شعور إنها عايشة بهذا العالم، علشان تلبس ملابس حلوة، تروح لحفلات و تطلع بمجلات و هذي كل حياتها، و الناس زي كذا من جد يستفزوني.
بس ديان شكلها بغت تراضيني و أختارت شيء أفترحته لها.
دايم ديان تعرف تختار مكياج حلو، و تسريحة حلوة ... و الأهم بهذا اللوك الجزمة لونها مرة حلو.

قلت لكم لا تنسون تابعون الزواج اليوم، راح أتابعه إن شاء الله، و لو كان فستان كايت بايخ، أو ناسخة فستان ديانا، راح أدور شيء أكتبه عنه، و بعد فيه أحداث جايه يعني ميت قالا و مهرجان كان، فهذي التدوينة بس تسخين.

(مزحة ثقيلة دم) تقدرون الحين تروحون تصوتون للفستان الوردي، تسون أنفسكم أنكم خمنتوا صح :)