الجمعة، 1 أبريل، 2011

No. 21 for Diane Kruger

لما تشوفون بوست زي كذا تخمين، أعرفوا إني فاضية و جالسة أدور على شيء أكتبه. بالعادة يصير من شهور عندي مواضيع أحتياط، و أنتظر أي سبب يجي أو فراغ علشان أحطها. و هذا واحد منهم.


لا تسألوني وين الصورة مأخوذة، بس هي زي مو شايفين لديان كروقر بمناسبة خيرية (أعتقد مزاد لشيء نسيت وشو بس أكيد مو اليابان). المهم دايان لابسة فستان من مجموعة الخريف الأخيرة 2011 لجايسون وو. ما توقعت هذا الفستان بالذات إن دايان تلبسه، طبعا دايان صديقة لجاسون و من زمان تلبس له، بس ما توقعت هذا الفستان، توقعت فستان من المجموعة من تحت زيتي و فوق دانتيل. 

الفستان هذا ذكرني بفستان من مجموعة الربيع لأنتطونيو بيراردي، بذاك الوقت تخيلته على كيرستن دونست، و طبعا كالعادة يخيب ظني، تروح مجموعة، و تجي ثانية و ما فيه أحد لبس الفستان اللي تخيلته. 

الفستان أعجبني علي ديان، شعرها حلو، شنطتها حلوة، و بعد حلاقاتها الذهبية حلوة، و إن كنتوا تتذكرون عرض بيراردي، كان حاط حلقات ذهبية كبيرة بالعرض. يمكن دايان عاجبها بيراردي بس ما تبغى تدفع فلوسه، و استغلت وو اللي راح يعطيها إياه مجانا P: الشيء اللي ما حبيته باللوك هو الجزم، الكعبات النود اللي طايحة فيهم، و ما يمشون على كل شيء. 

المهم نجي للقصة الأساسية، التمهيد هذا كله علشان آصل لشيء ثاني، و هو لما كنت أشوف مجموعات الربيع لـ 2011 و كنت أتفرج على مجموعة نمبر توني ون، حسيت كثير من قطعها تصلح لدايان، مع إني ما أتذكر لو مرة إنها لبست منهم. 


زي ما قلت لكم كثير من المجموعة يصلح لدايان، و قد حطيت فيديو لدايان تتكلم عن مجموعة شانيل بري فول و عن ذوقها إنها تحب الأشياء البناتية الورود و الريش، و هذا بالضبط الأشياء اللي بالمجموعة. 
من بين الفساتين الثلاثة ودي أشوفها بالفستان الوردي اللي على اليمين، أحس هذي الدرجة من الوردي بتطلع حلوة مع لون بشرتها و شعرها، الخيار الثاني هو اللي بالوسط القماش هذا المستخدم بالفستانين اللي على اليمين و الوسط عاجبني مرة. الفستان الأخير أحس إنها تلبس منه كثير بس بانبسط لو لبست شيء توقعت لها إنها تلبسه. 

وش أكثر شيء أعجبكم من الثلاثة؟

Which dress you wish see on Diane?
Pink
Nude
White


  
pollcode.com free polls