الجمعة، 1 أبريل، 2011

70s Vibe

أعترف من زمان بخاطري أكتب شيء عن كلاوديا شيفير، ما أعرف ليه لما أشوف صورها أحس فسه شيء مشرق يطبع منها. اللوك حقها نظيف، كلاسيكي بس نظيف. فلما شفت هذي الصورة عطتني علثة إني أكتب عنها شيء


لوك السبعينات كان موجود بقوة بمجموعات ربيع و صيف 2011، و خصوصا البنطلون الواسع (أتذكر كان له أسم و أنا صغيرة، بس عجزت أتذكرة، و نفس الشيء إلى الآن ما سألت أمي وش أسمه يمكن هي إلى الآن تتذكره).

بالصورة اللي على اليسار تشوفون كيف كلاوديا مسوية اللوك السبعينات بنظافة و شطارة. بلايزر صوفي، إيشارب حرير و بنطلون واسع من تحت. بالعروض صراحة حبيت البناطيل هذي اللي وسيعة، بس لما صرت أشوفها على الناس (ستريت ستايل) ما أعرف ليه قل حماسي لها. بس بشكل عام غير إنها (قصدي البناطيل) وحده من أهم موضات السبعينات، هي بعد كانت موجودة بقوة بعروض ربيع 2011 زي ما قلت لكم قبل.

زي ما شايفين (و بعد مثل أكثر الصور اللي شفتها إلى الآن للبنطلون) البنطلون ملبوس مع ملابس شتوية أو خريفية، يعني بلايزر و قمصان، و كنزات. بس البنطلون مو بس يصلح للملابس الشتوية (خصوصا الشتاء ودعنا من زمان)، بعد يمكن تلبسينه بأشكال كثيرة للصيف. و نفس القضية ممكن تلقينه بكثير من محلات الهاي ستريت، يعني مو صعب الواحد يلقاه.



Topshop دائما مكان مناسب ينلقى فيه ملابس شكلها فينتاج بأسعار مقبولة، طبعا هذا البنطلون من عندهم. زي ما قلت لكم خيارات لبس البنطلون الواسع و خصوصا الجينز منه كثيرة، يعني ممكن ينلبس معاه قميص جينز أو دينم بدرجة ثانية. ممكن ينلبس معاه توب فلورال، و ممكن ينلبس معاه كروبيد تي شيرت.

شرايكم بالبنطلون الواسع؟ تفكرون فيه للصيف؟