From the Projects?!!

ما كتبت شي عن إسبوع باريس، لأنه بس أمس أو قبل أمس بدت تعرض الأسماء الكبيرة، العروض حلوه، بس لسا ما شفت شي يآخذ العقل مثلا، يعني زاك بيسين الي ما عرض هذي السنة بنيويورك و قدم عرضه بباريس قدم عرض أعتقد أننا بنشوف كثير منه بالريد كاربيت، و أنا بعد أتمنى ألقى شي بسعر معقول عشان أشتري لي واحد.

بالمين أمس كان عرضه، ما توقعت منه شي زي كذا، يعني توقعت يكمل على موال الفساتين اللامعة الي شفنا كثير منها على الريد كاربيت الفترة الي فاتت، بس شكلهم هذي المره طفشوا من الريدكاربيت و قرروا أنهم يتحولون للشارع :) ،و أي شارع لا الشوارع القذرة ...

أول قطعه شفتها بالعرض هي الي على اليمين علي سنيانا و الصورة صغيرة توقعت أنه التانك هذا بيكون ترتر، توقعت و تمنيت، لأنه زي ما قلت لكم العرض الي فات لبالمين كان كله ترتر، بس لما كبرت اكتشفت أنه حرير مسوا على شكل تانك منهري و مليان وسخ ؟!!! ما أحبطت صراحة و أنا أشوف الشكل هذا، و حتى لما نزلت تحت وشفت الجينز الي عليه صدا، أعجبتني الفكرة ورحت أشوف العرض كامل.

قطع كثيرة بالعرض عجبتني، عجبني الجلد مره منهري، عجبتني التنورة الي على كاسيا (الأولى من اليسار)، يعني بالمين لسا تاركين أشياء تلمع، ما أعرف الي عليها دبابيس أو كريستالات ... بعد عجبني شكل البنطلون الي على فريا (وسط) أصلا أحس كل العرض يصلح لها ... مو قلت لكم بقائمتي لميلان أنه عجبني البنطلون الجلد الي من غوتشي بتأثير من فريا بيها؟

المهم العرض خلاني جديا أفكر أخرب لي تي أو جينز و أشوف كيف تطلع، يعني أكب على التي كلوريكس، أو أترك جينز مع مسامير و موية :)

أنتم شرايكم بالملابس المبهذلة هذي؟