باختصار أقدر أقول ميلان جايبه معاها للصيف الجاي ملابس بخطوط واضحة، ورود قليلة، و خطوط كثيرة، قصدي تقليم و كروهات.
Gucci's Leather Pants
بشكل عام أنا مو من محبين لوك المتروسايكل، (يعني جلود، و أسود و أبوات) لكن يمكن تأثير فريا بيها، و هذا المايك آب من غوتشي حبيت هذا البنطلون الجلد قوه، هو تقريبا أول لوك شفته و حبيته (يعني لنفسي) من أسبوع ميلانو، لأنه أول عرض شفته من ميلانو كان عرض غوتشي، و أظن أنه هذا أول لوك جلد بالعرض . الجلد شكله حلو مره خصوصا من الجوانب، ما قد جربت ألبس بنطلون جلد، بس يعني قد لبست ليقنق لماع لأختي و كانت أموري ماشية، حتى و أنا ما عندي سيقان طويله زي سيقرد (العارضة).
Prada's Shoes
بالنسبة لي عرض برادا، يا إما تحبه أو تكرهه، أعتقد أني حبيته، و شوي شوي أحس أني بأحب الأشياء الي منه، الأشياء كانت أكثرها كأنها شيرت من هاواي، يعني قرود و موز على أكثر الأشياء ... من أكثر الأشياء الي حبيتها هذي الجزمة المقلمة، أحس لها شخصية (قصدي الجزمة) يعني أحس مع أي لبس ممكن تبرز هي من نفسها، بالنسبة لي يكفي اللون الأخضر، و أكيد شعار برادا الذهبي.
D&G Lace Top
مو شي غريب إني أحب شي دانتيل. و على أنه عرض دي آن جي كان مليان أشياء حلوة (أكثرها ورود) لكن هذا الشي الدانتيل عجبني مره، خصوصا لو أنلبس، زي العرض، يعني تحته شي فلورال و أحس أنه مع تنورة أو بنطلون أي شكل بيطلع حلو مره. Jil Sander's Dress
لو سألتوني من كل بين كل الأشياء الي شفتها بالثلاثة أسابيع وشو الفستان الي ودي أخذوه و ألبسه الحين، بيكون هذا الفستان من جل ساندر ... فيه كل شي أحب، شيفون، فستان طويل، و ألوان يعني شي مو بس أسود. غير كذا التقليمات فيه عاطيته شكل مره حلو.
Dolce & Gabbana's Bag
عرض دولتشي آن قابانا كان المره هذي ماراح أقول خرافي، يعني ما أحب استخدم كلمات كبيرة بس أنه صدق كان حلو، أكثره أبيض، بس مو ممل ...
و مرات كثيرة قلت إني ما أحب كثير أشيل شنط، بس الفترة هذي خاطري بشنطة بسلسال يعني تحط كروس بودي. سلسلة هذا الشنطة حلوه، مره ... و أحلى شي فيها بعد هذا الشي الي يشبه الأبواك القديمة موجود بمقدمة الشنطة ... باختصار كيوت.
Salvatore Ferragamo's Short
من السنة الي فاتت و أنا حابة هذا الشكل من الشورتات، الي يشبه الملابس الرياضية بالسبعينات، بس فراقامو سوا نسخة حتى أنا ما حلمت أنه أحد يسويها، مع اللون الكامل هذا، و حرير أحس أنه الشي الي صدق صدق ودي فيه من كل هذي المجموعات ما أعرف وش أقول عنه، بس ذووووق.
Missoni's Hat
قلت هنا أكثر من مره إني أحب القبعات، و لا أمل من شراها ... فمو شي غريب أنه أختار من عروض هذا الصيف قبعة، خصوصا عروض كثيرة كان فيها قبعات ...
الشي الي ميز هذا الصيف هي القبعات الفلوبي، عندي وحده شريتها الصيف مو هذا الي قبله، صح أقدر أقول تقريبا إني ما لبستها بس يعني القبعات شي ما أقدر أقاومها ... زي ما قلت لكم على كثرة القبعات بصراحة ما فيه شي عجبني، يعني خلاني أتمني ألبسه، إلا هذي القبعة المربعة من ميزوني، بصراحة القبعة هذي تخليك تتمنى أنه الصيف يطول بعد مع إني طفشت منه خصوصا هنا في الرياض.
Versus Sheer Cardigan
هذا البلوفر من فيرسس بكون تافهه لو ما حطيته، لأنه ما فيه سبب ما أحطه، أولا إني صايره أحب فيرسس بس ليه هذا البلوفر لأني أحب لما الأشياء تخلط مع بعض يعني كاجوال مع فورمال سبورت مع لبس سهرات و هذا البلوفر فيه هذا الشي يعني بلوفر شكله شوي سبور، قماشة شفاف، لونه حلو، و الأهم أنه مصمم فيرسس هو كريستفور كين مع دونتيلا فيرساتشي،
