الخميس، 9 سبتمبر، 2010

The other options

أعرف إني قديمة بالنسبة لبعض الناس بس توي أشوف Glee لأسباب كثيرة، أهمها إني أحب أشوف المسلسلات السيزين كامل مرة وحدة ... و للحق ما كنت أعرف من حقين المسلسل إلا ليا المهم لما شفته عرفت ديانا أقرون و صرت انتبه للبسها بالبريمرات ...

هذي صور لها بأكثر من مناسبة، أنا ما عرفتها إلا بالمناسبتين الآخيرتين ... تشوفون لبسها كثير أصفر، و فساتين بعد. بالنسبة لي ذوقها ممل، و لولا إنها حلوة كان صار اللبس بايخ مرة، يمكن أحلى الثلاثة فساتين هو الأخير (الي على اليمين) من كارلولينا إيريرا ...
و لأن البنت عجبتني مرة قلت و قبل ما تبدأ أسابيع الموضة من نييورك لباريس أعرض آخر شي عن كوليكشينات الريسورت، و الي ودي لو أشوف ديانا لابسه شي منها ...

قلت لأختي صح إنها كيوت بس أنا ما أحب أبدا لوك البنت الدلوعة، يعني هي يكفي شكلها و حركاتها، بالمقابل ما راح أختار لها شي هبال يعني روك ستايل أو متروسايكل ستايل أو حتى اللوك الي مخترعته تايلور مومسين (هاي كلاس هور) S: !!!!
كل الي فكرته لها لبس بخطوط جديدة، مو ملابس كأنها ملابس باربي بس كبيرة :)
من اليسار لبس من إيرديم (أنا أحب إيرديم) أحب خطوطه النظيفة، و أحب أقمشته المطبعة ... ودي أشوف على ديانا شورت، مو بس هذي الفساتين النافشة، شي من دون أي حركات دلع (أنا حتى ما أعرف وش هذا الشي، بس بتفهمون إني اللوك الي تراني كيوت، و هي كيوت جد، بس يعني ما أحبه) فهذا اللبس من إيرديم بنقشاته بيطلع مع وجهها و شعرها مرة حلو، من دون أي شي من هذي الملابس الي زي ما قلت ملابس (أنا دلوعة).
الي بالوسط من بروينزا سكولير يمكن الفستان مو أحسن خيار لها، يعني لو أشوفه على كيرا نايتلي أظن بيكون أحسن، بس الفستان حلو، و دي أشوفها بشي وسيع مو مخصر، يعني لو أعجنها مع أختي ممكن يتعدلون (أختي تكره أي شي له خصر، و أكثر خياراتها ملابس مستقيمة).
الفستان الأخير من بيرن، دايانا مو قصيرة، و نحيفة، يعني هذا اللبس بيمشي مرة عليها، أولا فستان، ثانيا فيه أصفر :) و له خصر بعد، بجد الفستان الأخير ودي أشوفها لابسته لحفلة أو شي، ممكن صعب تلبسه للقولدين قلوب، بس أعتقد بيكون مناسب لساق.