الاثنين، 13 سبتمبر، 2010


ما راح أقول هذي المرة إني أول ما شفت اللبس فكرت بتيلدا، لأني بجد ما فكرت بأحد، و لا راح أشكي من العروض لأنه فيه قطع كثيرة ببرين عجبتني ... بس لما رجعت وشفت هذا اللوك من جديد فكرت أول شي بصوفيا كابولا، خصوصا إنها تحب هذي الأشياء يعني القميص المسكر للأخير، و الملابس العملية مرة، و قلت إني ما سويت هذي الحركة إلا مره من بدت العروض، بس عشانها قصيرة مو مره بس يعني شوي، قصدي أقصر من العارضة، قعدت أفكر بأحد ثاني، و جت ببالي تيلدا، و أنا أدور على صورة لتيلدا، فكرت بعد بكايت بلانشيت، بس رسيت على تيلدا، أولا لأنه تحب تلبس الملابس الي بقصات واضحة، و ألوان محايدة، و ثاني شي كايت بلانشيت تلبس لبس أنثوي أكثر، مو دلوع بس خياراتها أكثر دلع من تيلدا ...
نرجع للبس حبيت لونه مره، جبيت شكل القماش، و أهم شي حبيت الحركة الموجودة بالبنطلون فقلت هذا يستاهل ريدكاربيت.

الأسماء الي قلتها كلها تصلح تلبسه، بس ما ندري يعني أنا شخصيا ما أتوقع فيه سلبرتي بيلبسه، لأني ما شفت أحد يلبس من برين إلا كايت بسموورث و ريتشيل بولسين و كلهم ما يلبسون كذا، بس بين الثنتين ريتشيل أقرب أنه تلبس شي زي كذا.