الأحد، 14 نوفمبر 2010

Tiny Shiny Thing

بعض المرات شي صغير مره، ممكن يغير شكلك كله. غره ... حواجب، حلق إلخ
كالعادة كل ما طفشت رحت أقلب بمواقع الملابس، أنعم بصري بإبداعات العقل البشريP: ...

كنت أشوف net-a-porter.com ما أعرف ليه؟ يعني أنا فاقدة الأمل إني ألقي فيه شي حلو ورخيص ... بس لقيت هذا الحزام من جي كرو ب 88 ريال، مو مره رخيص، بس مراح أتحسف عليه، أولا لأنه حلو ... الشي الثاني يصلح مع أشياء كثيرة (مع فستان، كارديقان، جاكيت، سويتر ....) أهم شي أنه من نوعية الأشياء الي لو لبستها كثير ما راح ينتبه أحد أنك (حللتها).
بالعادة أنا ما أحب الأحزمة كثير، لكن حزام عن حزام يفرق، هذا الحزام أحسه يقرب لفئة المجوهرات أكثر من الإكسسوارات. أكثر شي ما أحبه بالأحزمة هو لبسها بداعي أو من دون داعي، زيها زي أي إكسسوار ثاني، إذا لبسته من دون سبب يكون بايخ.

لما كنت أكتب هذا الشي، كنت أفكر كيف أوريكم أنه الحزام ممكن يطلع حلو على أشكال كثيرة من الفساتين (أهم شي لا يكون الفستان معقد من أصله). كنت راح أقص و ألصق على فساتين، بس تذكرت عرض فالنتينو الأخير لربيع 2011، صح العرض ما عجبني قوه، بس تذكرت أنه كان فيه أحزمة صغيرة كانت لطيفة مره، جبت لكم صورها، علشان تشوفون كيف شكلها مع الأحزمة.

فيه لون ثاني من الحزام بس ما أعجبني كثير.