الاثنين، 15 نوفمبر، 2010

AMAZING

أعرف إني كثرت عليكم من كيرستن دونست، بس أكيد أنكم توافقوني التكثير منها مو شين، و لا مضر بالصحة ... أمس أو قبل أمس كان فيه حفلة للفن الحديث بمتحف لوس أنجليس، و كان جايين له ناس كثار ... كنت أقدر أكتب عن الجايين بشكل عام، بس لما شفت كيرستن قلبي ماطوعني إني أحطها مع الثانين :)



تأخرت يوم كامل عن إني أحط البوست هذا كنت مصرة إني ألقى من وين هو، ما فيه ماركه ما شكيت فيها إلا نبشتها من الأول للأخير، و لا لقيت شي حتى يشبه له، طلعت الأخبار و قالوا أنه من شانيل ... من زمااااااان ما خلاني فستان من شانيل أقول وااااااو، بس هذا خلاني ... الفستان من مجموعة الريسورت (منتجعات) الأخيرة ما لقيت شي يشبه له بالعرض إلا هذا (أدري وش دخله، بس هو الوحيد الي ياقته تشبه ياقتها، و القماش شكله نفس النوعية)، فما أعرف هذي نسخة مسويه خصيصا لكيرستين و إلا بتصير بالمحلات موجوده؟!! لو كانت لها لحالها تستاهل، و لو كانت بتنزل بالبوتيكات أعتقد إنها تحفة، لو تقدر على فستان شانيل، هذا ما يتفوت.
طبعا ما فيه شي باللوك مو حلو ... الشعر نظيف، من فترة طفشت من اللوكOld Hollywood glamour بس كيرستن أظن إنها ساحرتني، شعرها حلو، مو لاصق مره زي شغل كثير من الي يسوون ريترو (إليسا مثال) الفرقة حلوه، طول الشعر حلو ... المايك آب حلو صارخ بس مو ثقيل ... الحلقات آه بس وش أسوي فيها؟ فيه أحد أحلى من كذا؟!!
قلت لكم قبل ناس كثير لبسوا لبس حلو ... هذي صورهم هنا رفعتها لكم، الغريب أنهم كلهم معاهم كلتش سوداء