Redhead

أنا الحين أمر بمرحلة (مالي خلق شيء) إلا شيء واحد إني أسافر، و أنزل بمكان حلو، آكل أكل لذيذ ... و أرجع أنام من جديد :) بس ما هان علي إني أسحب على المدونة فقلت أحط شيء خفيف زي كذا.
قليل أتكلم عن الشعر، و صحيح أكره صبغ الشعر مو لشيء، بس لأني أكره شكله لا نزلت الصبغة، و أكره لما أجيب للكوافير صورة صبغة معينة، و يسوون لي شيء ثاني.

أولا أنا صحيح أستظرف درو باريمو، بس مو مجنونة فيها، يعني لا أتابع أي فيلم تسويه، و لا كل لبسها يعجبني.
الشيء الثاني: أعترف إني أحب الناس اللي شعورهم حمراء زي : أيمي آدمز و جوليان مور، و قليل قليل، من اللي شعورهم حمراء ما يعجبوني.
طبعا كون اللي شعورهم حمراء يعجبوني، هذا ما يعني إني مستعدة أصبغ شعري أحمر، لأسباب تتعلق بلون البشرة بشكل أساسي، بس لما شفت الصورة هذي لدرو باريمور (يمكن قبل أسبوع)، حبيت شكلها بالشعر الأحمر، و حبيت هذي الدرجة منه بالذات ... أحسها تلبق على مهرجانات الصيف ... و بعد حلوة للخريف (تراني مو من الناس اللي يحسبون كل فصل لازم لون الشعر يغير) بس زي ما يقولون just sayin'.
وش لون شعركم الحين؟ تحبين الصبغة أو لا؟ إذا تفكرين تصبغينه وش اللون اللي ببالك؟

Which Team Kate Would Join

السنة هذي شكلها سنة الزواجات. أنبسط كثير على موضوع الزوجات، أحب حفل الزواج المنظم و شكله حلو، و جديد. زي ما قلت لكم أقل من شهر و وليم ولد ولي عهد بريطانيا راح يتزوج خطيبته كايت ميدلتون اللي نشف ريقها من عشر سنين.

علشان هذا الزواج كل العالم هابة، كأنه ما تزوج غيرهم، زي ما قلت مليون مرة مع إني أحسه بيكون زواج بايخ. المهم Vogue UK طلعت عدد مايو كله تقريبا خاص بهذا الزواج، وسوت الإيدتوريال اللي فوق، و علشان أوفر عليكم صراحة الإيدتوريال بايخ، بس أنا جبت صور منه علشان قضية وحدة، خصوصا لما شفت الفستان الأوت كتو الديور الموف (أكيد يمين)، و جا ببالي هل ممكن تلبس كايت لون غير الأبيض و درجاته؟ أشك.

السنة هذي كان فيه زوجين للسلبرتي الأول (اليسار) زواج نيكول ريتشي، و لبست فستان فيه من ماركيزا، الفستان أبيض زي ما تشوفون، و يميل كثير للكلاسيكي. أساسا نيكول كانت تبغى فستان مستوحى من فستان قريس كيللي اللي تزوجت رينيه أمير موناكو.

الزواج الثاني هو زواج ريز ويذيرسبون الثاني، تزوجت بفستان وردي من مونيك لولير، كفكرة أنا أساسا ما يدخل مزاجي إلا الأبيض و درجاته، لكن على قلة الصور اللي شفتها لها (جلست أنتظر و عيا يطلع مع الناس صور زيادة) أعجبني شكلها (لولا شريطة وردية عند الخصر) بس أكثر شيء عجبني بالموضوع إنها لبست طرحة بيضاء مع الفستان، طلع شكلها مرة رايق. و هذا نفس الشيء اللي مسويته فوق مع الفستان الموف، ملبسه الموديل طرحة بيضاء.

أنا ما أتوقع بتلبس من أي وحدة من المصممتين مونيك أمريكية، و ماركيزا هي مصممة بريطانية، بس دار الأزياء مكانها نيويورك، و الغالب إن كايت بتلبس لبريطانيين (أو الأكيد).
الشيء الثاني ما أتوقع بعد تلبس لون مو تقليدي، لأن الزواجات الملكية الأوربية اللي قبلها كلها كانت أبيض: ماري أوف دينامارك، ميته مرييت أوف نوريج و آخر وحده الصيف اللي فات هي ولية عهد السويد فكتوريا.
و آخر شيء أتوقع أكيد ماراح تلبس شيء يشبه فستان ديانا، مو لأنه قديم، لأنه بيكون شكلها مثير للشفقة لو جلست تنسخ دايانا من جديد، خصوصا أنه خاتم الخطوبة، هو خاتم خطوبة ديانا.

لاحظتوا كل الزواجات الملكية ما فيها سترابليس، و أكثر شيء مكشوف كانت فيكتوريا، تتوقعون تلبس كايت سترابليس، أو من دون أكمام؟ بالنسبة لي لا. 

Pearl Necklace

قبل أسبوع تقريبا كنت ما أدخل موقع إلا ألقى إعلان موقع أسمه Charm and Chain بكل مكان، طبعا، رحت أشوف وش سالفة هذا الموقع، و لقيت عنده مجوهرات متنوعة، كثير منها حلوة ... (طبعا الحين يوم بغيت أوريكم الإعلان ما لقيته:).

أنا ما أشوف أنه ستايل ماندي مور حلو، بس انتبهت لهذا العقد اللي لابسته. لأني كنت أفتش بالموقع طول الإسبوع الي فات (يعني من باب الاستكشاف)، و الشي الثاني لأنه وحده من صديقاتي بتتزوج، و تبغى لها عقد لولو، فانتبهت لهذا العقد ... العقد  الي لابسته ماندي للفوتو كول لفيلمها الجديد Tangled بالضبط موجود زيه بالموقع، ما أعرف ماندي طلبته منهم، أو هم عطوها إياه، أو إنها شرته من مكان ثاني، بس طالع عليها حلو. العقد تقريبا بـ 2450 ريال، بس ما أعرف بيعجب صديقتي أو لا، لأني لسا ما وريتها ...
للي عاجبة العقد تلقونه هنا.

AMAZING

أعرف إني كثرت عليكم من كيرستن دونست، بس أكيد أنكم توافقوني التكثير منها مو شين، و لا مضر بالصحة ... أمس أو قبل أمس كان فيه حفلة للفن الحديث بمتحف لوس أنجليس، و كان جايين له ناس كثار ... كنت أقدر أكتب عن الجايين بشكل عام، بس لما شفت كيرستن قلبي ماطوعني إني أحطها مع الثانين :)

تأخرت يوم كامل عن إني أحط البوست هذا كنت مصرة إني ألقى من وين هو، ما فيه ماركه ما شكيت فيها إلا نبشتها من الأول للأخير، و لا لقيت شي حتى يشبه له، طلعت الأخبار و قالوا أنه من شانيل ... من زمااااااان ما خلاني فستان من شانيل أقول وااااااو، بس هذا خلاني ... الفستان من مجموعة الريسورت (منتجعات) الأخيرة ما لقيت شي يشبه له بالعرض إلا هذا (أدري وش دخله، بس هو الوحيد الي ياقته تشبه ياقتها، و القماش شكله نفس النوعية)، فما أعرف هذي نسخة مسويه خصيصا لكيرستين و إلا بتصير بالمحلات موجوده؟!! لو كانت لها لحالها تستاهل، و لو كانت بتنزل بالبوتيكات أعتقد إنها تحفة، لو تقدر على فستان شانيل، هذا ما يتفوت.

طبعا ما فيه شي باللوك مو حلو ... الشعر نظيف، من فترة طفشت من اللوكOld Hollywood glamour بس كيرستن أظن إنها ساحرتني، شعرها حلو، مو لاصق مره زي شغل كثير من الي يسوون ريترو (إليسا مثال) الفرقة حلوه، طول الشعر حلو ... المايك آب حلو صارخ بس مو ثقيل ... الحلقات آه بس وش أسوي فيها؟ فيه أحد أحلى من كذا؟!!

قلت لكم قبل ناس كثير لبسوا لبس حلو ... هذي صورهم هنا رفعتها لكم، الغريب أنهم كلهم معاهم كلتش سوداء

Rachel Bilson (Chanel Love Story)

‎

لا تقولون عني مجنونة شنط، ما أبغى أشتري شنطة "الحين" بس ودي لو عندي شنطة timeless كل وقت بتكون حلوه، و إن عطاني ربي عمر و عطا الشنطة تصير تصلح لبنتي بعد ... 
‎دايم خياراتي للشنطة أهم شي ما عليها logo أنا ما أحب هذي الشنط أبدا، قليل، قليل تعجبني يعني مثل الشنطة الفندي الي مع آبي لي. 
‎الشنطة اللي ببالي أبغاها شي زي إيرميس أو شانيل، الشنطة اللي كل مره تنلبس و لا يتغير فيها شي ... 
‎الي ببالي شنطة لوي فيتون مجموعة صوفيا كابولا زي هذي، أو PS و أظن إني راح أشتري البي إس لأسباب كثيرة أولا لأنها من دون شعارات (واضح) أرخص من صوفيا كابولا ... و أهم شي عملية جدا، و شكلها يصلح لكل شي، الأهم إنه ممكن ألبسها  cross body لأنه بالنسبة لي هذس أحسن طريقه ممكن لبس لاشنطة فيها و أتحملها (لأني أساسا ما أحب أشيل نط معاي للسوق كل شي بيد أو بالجيب) طبعا بتسألون متى أجل بلبسها؟ للجامعة (غصب علي) و للسفر، أكثر وحده معها carry on أغراض هي أنا لأن الشنطة فيها كل شي كتاب، و جوالي، و الكاميرا، و لصقات الجروح لرجلي و مفاتيح و كروت الفنادق، و الشاينج و الشواحن، كل شي مرمي بهذس الشنطة السحرية. 

‎طبعا لأني بحالة بحث عن الشنطة المثالية انتبهت لريتشيل بيلسون و انتبهت إنها مليانه شناط شانيل، صح أختي قالت لي إنها تقول إنها مدلعة من هي صغيره، و لا فيه شي بغته ما حصلت، بس مو عاد كل هذي الشناط الشانيل، طبعا عندها غير شانيل بس هذي الأشياء الي انتبهت لها، أعجبتني الشنطة السوداء (الأولى بالصف الأول) شكلها حلو و عملي ... بس بعد من خياراتي للشنطة المثالية إنها ما تكون سوداء يعني ببالي يا عنابي، يا بني كونياك أو أخضر أو حتى ممكن أصفر ماسترد بس أهم شي ما يتوسخ بسرعة.

I miss footballers' wives

على إني كنت أكره فيكتوريا بيكام بهذي الفترة، إلي إني اشتقت أشوفها هي و زوجات اللاعبين الثانين على المدرجات، كانوا مسوين جو لكأس العالم 2002 و قبلها يورو 2000 ... من كأس العالم 2006 و مالهم شوفه ....

المهم شكل مجلة V حست فيني وسوت عدد و ولو متأخر على كأس العالم لأنه بدأ عن زوجات اللاعبين، ... صراحة بعض الصور مسخزة بزيادة، يعني صدق تحس أنه استعراض الزوجات كانت حركة بايخة، بس هذي الصورة أحس أنه صدق أخذوها من كأس العالم ...



بس الي مو راكبه كيف على المدرج تفسه وحده تشجع البرازيل و وحده تشجع الأرجنتين؟!!

المهم بعيد عن الفاشن أنا كارهه الأرجنتين عشان مارادونا ما أحبه، و لا ودي يحسب نفسه يعرف يدرب، دوحنا و هو يحس أنه أحسن لاهب بالعالم مو عاد لا جاب كأس العالم مدرب ...
الشي الثاني ترا بعض زوجات اللاعبين حلوات مره ... أتذكر تعليق من مجلة الوسط على زوجات اللاعبين، وقالت أنهم دايم جميلات، ثم قالوا كيف ما يكونون جميلات و هم أفقر واحد فيهم مليونير :) من زوجات اللاعبين الي عجبوني:

- إيكر كاسياس
- فيقو

It's Old So I Can Wear It Anywhere

بداية 2009 لبست نيكول ريتشي هذا اللبس لحفل ما أعرف إيش ... بعد أكثر من سنة ترجع نيكول و تلبسه و هي طالعة تتمشى مع خطيبها و عيالها بإل آي ... نفس الجزم ... زي ما قلنا نفس القستان، بس الشعر لونه تغير، و لبس الليل صار لبس النهار ... اللبس فينتج من السبعينات (الي يحب هذا اللوك يعني اللوك حق السبعينات نيكول رتشي عندها ماركة ملابس جديدة أسمها ونتير كايت و تبيع أشياء تشبه كذا، حلوه خصوصا للصيف).
من زمان و أنا أحب الماكسي دريس للصيف عندي ثنين بس ودي بواحد زي حق نيكول بنقشات ... بالنسبة لي لما لبسته بالصباح صار أحلى خصوصا مع الشنطة و الجزم الي طلعت أحلى بالصباح ..

أنتم وش رايكم؟

It's looks better on her at
	Night
	Day
pollcode.com free polls

I am a Funny Woman

أحب تينا في .. مو اللوك تبعه، بس أحبها يكفي إنها تضحكني ... ما أعرف وش حكاية الأبوات هذي اليومين بس ترا ما بقى شي على الربيع و تخف ... تينا في جايه عند دايفيد ليترمان أمس بذلايت شو بأبوات المطر الصفراء هذي عجبتني أنا مره ... حسيتها فني .. خصوصا مع البالطو الأسود

وش رايكم أنتم :

What you think of Tina's yellow boot
	I love it
	It's too childish
	I don't care
pollcode.com free polls

Lots In common

فيه أشياء كثيره مشتركة بين نيكول ريتشي و جينفير ماير زوجة توبي ماقواير ... أول شي أنهم يصممون مجوهرات (تعجبني مجوهرات نيكول أكثر)، ثاني شي أنه لهم طفلين الأول بنت و الثاني و لد ... الثالث واضح بالصوره أنهم كلهم يحبون إفييتور سن قلاسيز ...

طالعات الثنتين يتمشون مع بعض أمس (ما كنت عرفه أنهم صديقات) ، أكيد يتكلمون عن المجوهرات .... بس أهم شي كلهم أشكالهم حلوه بس أنا أعجبني شكل جينفير أكثر، أنتم مين أعجبكم أكثر؟

Who wear better?
	Nicole Ricci
	Jennifer Meyer
pollcode.com free polls

RTO: link the hair with the statue

كاري موقيلان له شعر قصير حلو، بس قبل الأوسكار بأقل من شهر صبغت شعرها تقريبا زي لون الأوسكار، ما حبيته من أول نظرة، بس ما أعرف كيف بيكون شعورب بعدها بفترة. أنتم شرايكم؟

what is her best look
	Brown read hair
	Golden hair
pollcode.com free polls

RTO: The Queen

تترشح السنة هذي بعد 2006 أظن هيلين ميرين للأوسكار، لسا ما شفت فيلمها، بس أظن أي أحد غير ساندرا بالوك يستاهل الجائزة، مو كره بساندرا بس شفت فلمها و صراحة كان تمثيلها بايخ ... نرجع ثاني لهيلين ... أخترت لها من توني ماتسيفيسكي من أسبوع نيويورك الي بدا أمس ...

جاببالي هذا للبس، لأن هيلين واثقة من نفسها بزيادة، و لا تستحي مثل باقي العجز تطلع صدرها و أكتافها ... أهم شي غير ألوانه الرايقة، عجبني ريش الطاووس الي على الصدر حسيته يقرب لها.

RTO: Here I'm

السنة هذي بينالوبي غير إنه على العادة بتقدم جائزة أفضل ممثل مساعد لإنها فازت بأفضل ممثلة مساعدة السنة الي فاتت، السنة هذي مترشحة لنفس الجائزة ... بينالوبي زايد وزنها بالسنتين الأخيرات، و أختفى إلى حد كبير خصرها ... عشان كذا ما تعجبني الفساتين الماسكة عليها يعني بجد حتى لو كانوا حلوات ... ما يطلع شكلها حلو عليها .

لسا ما شفت Nine الي هي مترشحة عنه، بس شفت الترايلير و يعجبني تمثيلها لما تصير مجنونة و متحمسة أشوف الفيلم. المهم نرجع لاختيارنا و زي ما قلت أحب الفساتين الي تضيق عند الخصر بعدين تتوسع، لأنه تعطي جسمها شكل ... هذا الفستان من أوسكار دي لا رينتا أحس أنه بيكون حلو عليها و يمكن تفوز بأوسكار ثاني علشانه :)

RTO: I am The Red Carpet

أظن ميريل ستريب مشيت على الريد كاربيت أكثر من ما مشيت على سجاد بيتها، بصراحة ما يهمني وش تلبس أبدا، يكفي إنها موجودة، بس لما كنت أقلب الكوليكشينز حسيت أن الفستان هذا من كارولينا إيريرا بيطلع شي عليها ...

RTO: Keep It In A Classic Beauty

شي يحببني بهذي الممثلة، على أنها ما تمثل كثير، و لسا ما شفت Up In The Air الي مرشحة للأوسكار عنه، بس حبيتها من Autumn in New York لما كانت بنت ريتشيارد قير، تأكدت إني أحبها ب Breaking and Entering ... طلتها عادية مع أن وجهها حلو خصوصا بالشعر الفاتح، و لأنه لبسها دايم كلاسيكي على وجهها ... طلع ببالي إنها تلبس لإيلي صعب ... أخترت الرمادي هذا عشان قصاته تقليدية ما فيه أي تعقيد، موديل زي ما يقولون Timeless القماش حلو مره ... و أهم شي اللون لابق عليها.

RTO: I'm Not a Big Dress Girl

تكلمت قبل عن كاري، و قلت أنه لبسها يعجبني ... أنبسطت أنها بتكون كثير على الريد كاربيت السنة هذي، بس إلى الآن ما عجبتني، و لا عجبني فستانها بالقولدين قلوب، الفساتين النافشة عليها مو حلوة، يمكن علشان شعرها ... عجبني هذا اللبس من Alexis Mabille و حسيته عليها بيطلع حلو، لأنه مو نافش و لأنها طويلة ... أقدر أقول تسعين بالمية ما راح تلبسه ... بس ودي أشوفها فيه.

Me and Necklace Pearl Strand Triple: Very Old Love Story

من زمااان من زمااان من زمااان و أنا أحب عقد اللولو أبو ثلاث صفوف، ما أعرف متى بدأ الحب بس شي قديم، مشكلة حظي مع اللولو مو كويس، يعني كل عقد لولو ينقطع أو يخرب الشنكار حقه ما أعرف وش مشكلتها معاي ... أمس ديتا فون تيس كانت لابسه عقد واااااو، و بنفس الوقت تذكرت كاري برادشو بعقد لولو بثلاث صفوف على طول حبيته خصوصا أنها تلبس معاه عقد بتعليقة حلوة ... طبعا هذا المقطع الي أحبه فيه غير عقد اللولو ... لما كاري قالت عن جورج كلوني و تراي ما أحبه يعني أشوف أنه old fashion قالت عنه :h,"George Clooney is like aChanel suit,a classic that never goes out of style"

" جورج كلوني مثل تيور شانيل، كلاسيكية لا تكون أبدا غير أنيقة"

You Love It, We Do

golden clutch by alorwa on Polyvore.com

من السنة الي فاتت يوم شفت كايت بهذي الشنطة بحفلة فانتي فير بعد الأوسكار و أنا معجبتني، أمس لبستها مرة ثانية مع هذا الفستان الرمادي، و سكت لي راسي من جديد، أبغى زيها.

من موقع بوليفور حاولت أدور زيها هذولي أقرب نسختين، وحده عالية و الثانية لا.

بالصيف كتبت هذا الموضوع عن لبس شورت رجالي(semi)

ميغ ريان لبست هذا اللبس مو بالضبط زي مارسمته ببالي بس اهم شي انها لبسته:D.من زمان خاطري اني اكون منسقة ازياء
بس اني اختار ملابس حلوه انبسط حتى مو شرط تكون لنفسي لاي احد.

.

Sisters Face-Off

من فترة أعتقد بداية الصيف طلعت كورتني ببلاي سوت، و بعد كم يوم طلعات فيها كيم قلت باخاطرها و هم خوات عادي (تصير كثير هنا)

هالمرة ردتها كورتني لكيم، لبست كيم فستان أبيض و تطلع بعدها كورتني لابسته هذا مو لايق، خصوصا لما تكون وحده حامل (مانسويها) يعني من الآخر أول مرة أشوف أخت تتلابس مع أختها الحامل أظن بالثامن :D

2 in 1

بلايك لايفلي طلعت أول اليوم بتسريحة و من بكرا طلعت بنفس التسريحة